لاہور (ویب ڈیسک)سوئی نادرن گیس پائپ لائنز نے کسی بھی نا خوشگوارہ صورتحال سے بچے کیلئے 9سے 16ستمبر تک قذافی اسٹیڈیم سے ملحقہ کمرشل مارکیٹ اورعلاقوں میں گیس سپلائی بند رکھنے کا اعلان کر دیا۔ ایس این جی پی ایل کے مطابق ورلڈ الیون اور قومی ٹیم کے درمیان ٹی ٹونٹی میچز کے دوران حفاظتی نقطہ نظر سے طے پانے والے ایس او پیز کے مطابققذافی اسٹیڈیم سے ملحقہ کمرشل مارکیٹ اور علاقوں کو 9سے 16ستمبر تک گیس کی سپلائی مکمل بند رہے گی جبکہ اس دوران صرف پی سی بی کی کینٹین کی گیس بحال رہے گی۔ مزید بتایا گیا ہے کہ ان دنوں میں محکمے کی ٹیمیں کسی بھی طرح کی لیکج روکنے کیلئے بھی سروے کریں گی تاکہ کسی بھی طرح کے نا خوشگوار واقعہ سے بچا جا سکے۔

انقرہ (ویب ڈیسک) تر ک خاتون اول اور صدر رجب طیب اردگان کی اہلیہ امینہ اردگان میانمار کی فوج کے قتل عام سے فرار ہونے والے روہینگیا مسلمانوں کے کیمپوں کے دورے کے لئے ا?ج بنگلہ دیش روانہ ہو رہی ہیں۔دورے کے دوران وہ روہنگیا مسلمانوں سے ملیں گی جبکہ اپنے ہمرا ہ امدادی سامان لے جائیں گی ،ایک ہزار ٹن کے امدادی سامان میں لباس، خوراک اور فوری ضروریات کی اشیائ شامل ہیںجو ایک لاکھ کنبوں کی ضروریات کو پورا کرے گی۔ترک وزارت خارجہ کی طرف سے جاری کردہ بیان کے مطابق وزیر خارجہ میولود چاوش اولو میانمار کے صوبہ رخائن کے شمال میں درپیش تشدد کے واقعات کی وجہ سے بنگلہ دیش میں پناہ لینے والے تقریباً ایک لاکھ 20 ہزار روہینگیا مہاجرین اور اس سے قبل بنگلہ دیش میں پناہ لینے والے روہینگیا مہاجرین کی صورتحال کا جائزہ لینے اور اس معاملے میں ترکی کی طرف سے کی جانے والی امداد کا تعین کرنے کے لئے بنگلہ دیش کا دو روز ہ دورہ کریں گے۔وزیر خارجہ کے ہمراہ ترک خاتون اول امینہ اردگان ، اورر ترکی کی تعاون و ترقیاتی ایجنسی TIKA کے سربراہ سردار چام بھی ہوں گے۔ خاتون اول اور ترک وزیر خارجہ بنگلہ دیشی دارالحکومت ڈھاکہ میں بنگلہ دیشی حکام اور بین الاقوامی امدادی تنظیموں کے نمائندوں کے ساتھ ملاقات کریں گے۔ترک خاتون اول میانمار کی سرحد پر واقع بنگلہ دیش کے شہر ‘کوکس’ بازار کا دورہ کر کے مہاجرین کی صورتحال کا جائزہ لیں گے اور امدادی سامان پہنچائیں گے۔