ویلنگٹن(نیوزایجنسیاں)پاکستان کرکٹ ٹیم نیلسن سے ویلنگٹن پہنچ گئی۔نیوزی لینڈ اور پاکستان کے درمیان5ایک روزہ میچوں کی سیریز کا پہلامیچ(کل)ہفتہ کوویلنگٹن میں کھیلا جائے گاپہلے ون ڈے سے قبل قومی ٹیم (آج)جمعہ کو پریکٹس کریگی۔ قومی کھلاڑیوں نے گزشتہ روزجم میں ایکسرسائز کی، ٹریننگ سیشن آج ہوگا جبکہ کل میزبان ٹیم کے خلاف پہلا ون ڈے کھیلیں گے۔قومی کھلاڑیوں نے ویلنگٹن پہنچنے کے بعدجم میں مختلف ورزشیں کرتے ہوئے اپنی فٹنس کو بہتر بنایا جبکہ باقاعدہ ٹریننگ سیشن آج سے شروع ہوگا۔ ٹیم مینیجر طلعت علی کا کہنا ہے کہ کھلاڑی کنڈیشنز سے ہم آہنگ ہوچکے ہیں، پریکٹس میچ میں اچھی کارکردگی سے کھلاڑیوں کے اعتماد میں اضافہ ہوا ہے، ون ڈے سیریز کا فاتحانہ آغاز کریں گے۔ اوپنر امام الحق، حارث سہیل، محمد نواز اور عامر یامین کو سیریز کے ابتدائی ون ڈے میں باہر بٹھائے جانے کا امکان ہے۔تفصیلات کے مطابق پاکستان اور نیوزی لینڈ کے مابین پہلا ون ڈے (کل)ہفتہ کو کھیلا جائے گا۔نیوزی لینڈ نے پاکستان کے خلاف پہلے دو ون ڈے میچز کیلئے 13 رکنی سکواڈ کا اعلان کر دیا ہے ، اوپنر مارٹن گپٹل کی انجری سے نجات کے بعد ٹیم میں واپسی ہوئی ہے ۔
