لاہور (خبرنگار) چیف ایڈیٹر روزنامہ خبریں ضیاشاہد نے زینب کیس کے حوالے سے اچھی تحقیقاتی رپورٹنگ کرنے پر قصور روزنامہ خبریں کے بیورو چیف جاوید ملک کو ہیڈ آفس لاہور میں تعریفی اسناد سے نوازا۔ چیف ایڈیٹر ضیاشاہد نے اس تقریب سے گفتگو کرتے ہوئے کہا کہ رپورٹر کی پہچان اس کی تحقیقاتی رپورٹنگ ہوتی ہے جاوید ملک نے زینب کیس میں بھرپور محنت کی اور سب سے پہلے زینب کیس کی خبر روزنامہ خبریں میں شائع ہوئی جو بعد میں تمام میڈیا نے اس کی کوریج کی روزنامہ خبریں نے ایک دفعہ پھر اپنا سلوگن ”جہاں ظلم وہاں خبریں“ کا اعزاز برقرار رکھا۔ اس موقعہ پر بیورو چیف قصور جاوید ملک کا کہنا تھا میرے لےے یہ اعزاز کی بات ہے۔ انہوں نے کہا کہ روزنامہ خبریں واحد اخبار ہے جو حقیقت میں غریب عوام کا ترجمان ہے، زینب کیس ہو یا قصور میں ہونے والے بچوں کے ساتھ ہونے والی بدفعلی کی شائع ہونے والی خبروں پر اخبارات کے واحد چیف ایڈیٹر ضیا شاہد ہیں جو دو دفعہ ان واقعات کے حوالے سے قصور کا دورہ کر چکے ہیں اور عوام کے دلوں میں بھی یہی تاثر پایا جاتا ہے کہ روزنامہ خبریں وہ واحد اخبار ہے جو عوام کا ترجمان ہے۔
