حیدرآباد(ویب ڈیسک )سندھ کے شہر حیدرآباد میں دھماکے کے باعث ایک شخص جاں بحق ہوگیا۔ حیدرآباد کے علاقے قاسم آباد کی کچرا کنڈی میں دھماکا ہوا ہے جس کے باعث ایک شخص جاں بحق ہوگیا۔ اطلاعات ہیں کہ دھماکا مبینہ طور پر کریکر بم کا ہوسکتا ہے تاہم تحقیقات جاری ہیں جس کے بعد ہی حتمی بات سامنے آئے گی۔پولیس ذرائع کا کہنا ہے کہ جاں بحق ہونے والا شخص کچرا کنڈی کچرا جمع کررہا تھا۔ دریں اثنا آئی جی سندھ اے ڈی خواجہ نے دھماکے کا نوٹس لیتے ہوئے متعلقہ ایس ایس پی سے رپورٹ طلب کرلی ہے۔
