جڑانوالہ (ویب ڈیسک )ن لیگ کے جلسہ میں ساو¿نڈ سسٹم کا سٹیج گر گیا،جلسے میں آئے کئی کارکنا ن کے زخمی ہونے کا خدشہ۔تفصیلات کے مطابق آج جڑانوالہ میں ن لیگ نے سیاسی پاور شو کا مظاہرہ کیا۔جلسہ گاہ میں شدید بد نظمی دیکھنے کو ملی اور جلسہ کو منظم بنانے کے لئے کیے گئے انتظامات کا پول اس وقت کھل گیا جب سٹیج جلسہ میں موجود شرکا پر آن گرا۔ جلسہ میں شدید دھکم پیل دیکھنے میں آئی اور لوگ ایک دوسرے کو دھکے دیتے رہے یہاں تک کہ ساو¿نڈ سسٹم کا سٹیج جلسہ گاہ میں موجود شرکاءکے اوپر گر گیا۔جس سے کئی کارکنا ن کے زخمی ہونے کا خدشہ بھی سامنے آیا ہے۔

راولپنڈی(ویب ڈیسک )نانگا پربت میں محصوردو غیر ملکی کوہ پیماوں کی مدد کے لئے پاک فوج کے آپریشن جاری ہے جس میں دو ہیلی کاپٹر اور چار ریسکیو اہلکار شامل ہیں۔پاک فوج کے شعبہ تعلقات عامہ (آئی ایس پی آر )کے مطابق پاک آرمی کے2ہیلی کاپٹر4اہلکاروں کے سا تھ نانگاپربت میں محصور غیر ملکی کوہ پیماوں کی مدد کے لئے آپریشن جاری ہے ،مرد و خاتون کو ہ پیمانانگاپربت کی چوٹی سرکرنے کیلیے گئے پھنس گئے تھے۔آئی ایس پی آر کے مطابق متعلقہ سفارتخانوں نے پاک فوج سے مدد کی اپیل کی تھی۔کمشنربلتستان حمزہ سالک کا کہنا ہے کہ پائلٹ کوہ پیماوں کوہیلی کاپٹرز سے ہی ریسکیوکرنےکی کوشش کریں گے۔واضح رہے نانگا پربت میں پھنسے کوہ پیماوں میں فرنچ خاتون الزبتھ اور پولش ٹوماس شامل ہیں جہنیں ریسکیوکرنے کے لئے پاک آرمی کے ہیلی کاپٹرکی مدد مانگی گئی تھی.

وزیر داخلہ(ویب ڈیسک) احسن اقبال نے کہا ہے کہ حقانی نیٹ ورک سمیت کسی بھی دہشت گرد تنظیم کو اپنی سرزمین استعمال کرنے نہیں دیں گے۔نارووال میں میڈیا سے بات کرتے ہوئے وزیر داخلہ نے کہا کہ امریکا پاک افغان امن میں اپنا کردار ادا کرے، دونوں ممالک میں امن کے لیے ضروری ہے کہ 30 لاکھ افغان مہاجرین کی واپسی یقینی بنائی جائے ، اگر افغان مہاجرین میں کوئی ناپسندیدہ عناصرشامل ہوگئے تو اس سے انکار نہیں کیا جاسکتا۔احسن اقبال نے کہا کہ ملک میں سینیٹ اور عام انتخابات وقت پر ہوں گے اس بار ہارس ٹریڈنگ کی گئی تو جمہوریت کو بہت نقصان ہوگا۔ تحریک انصاف کے چیئرمین عمران خان کو تنقید کا نشانہ بناتے ہوئے انہوں نے کہا کہ میٹرو کو جنگلہ بس کہنے والے کو پشاور میں میٹرو بس کا خیال آگیا۔معطل ایس ایس پی ملیر راو¿ انوار سے متعلق وزیر داخلہ احسن اقبال نے کہا کہ راو¿ انوار کو روکنے والے ایف آئی اے اہل کاروں کو تعریفی اسناد دی ہیں، ایف آئی اے اہلکاروں نے راو¿ انوار کو بیرون ملک فرار ہونے سے روکا تھا، قانون کو مطلوب ہر فرد کی گرفتاری میں مدد کریں گے کیونکہ قانون کے مطابق ملزم کی گرفتاری کے لیے کردار ادا کرنا وفاق اور صوبوں کی ذمے داری ہے۔

اسلام آباد(ویب ڈیسک) انڈونیشیا کے صدر جو کو وڈوڈو کو وزیراعظم ہاؤس آمد پر گارڈ آف آنر پیش کیا گیا۔انڈونیشیا کے صدر آج اپنے دورے کے آخری روز وہ وزیراعظم ہاؤس پہنچے جہاں وزیراعظم شاہد خاقان عباسی نے ان کا استقبال کیا۔ وزیراعظم ہاؤس میں معزز مہمان کا پرتپاک استقبال کیا گیا اور انہیں پاک فوج کے چاق و چوبند دستے نے گارڈ آف آنر پیش کیا۔ جب کہ جے ایف تھنڈر طیاروں نے فلائی پاسٹ کرتے ہوئے معزز مہمان کو سلامی بھی دی۔ بعد ازاں وزیراعظم شاہد خاقان عباسی اور انڈونیشیا کے صدر جوکو وڈوڈو کے درمیان ملاقات ہوئی جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔انہوں نے کہا کہ شاہد خاقان عباسی انڈونیشیا کے صدر سے اپیل کریں گے کہ ذوالفقار کو انسانی ہمدردی کی بنیاد پر اپنے وطن واپس بھیج دیا جائے۔

کراچی(ویب ڈیسک) معطل ایس ایس پی ملیر راو انوار کی ایک اور کہانی مشکوک نکلی اور مبینہ خودکش حملے میں مرنے والے شخص کے اہلخانہ سامنے آگئے۔سابق ایس ایس پی ملیر راؤ انوار نے 16 جنوری کے روز اپنے قافلے پر خودکش حملے کا دعویٰ کیا تھا اور پولیس کی جوابی کارروائی میں حملہ آور کے دو ساتھی بھی مارنے کی اطلاع دی۔پولیس نے ابتدائی طور پر واقعے کو خودکش حملہ قرار دیا جس کے دوران بکتر بند گاڑی سے کوئی ٹکرایا جس کے بعد دھماکا ہوگیا۔معطل ایس ایس پی راؤ انوار نے مشکوک خودکش حملے میں ہلاک ہونے والے جس شخص کو حملہ آور قرار دیا اس کی شناخت 34 سالہ گل سعید ولد انعام گل کے نام سے کرلی گئی ہے اور مبینہ خودکش حملے میں مرنے والے کے اہلخانہ لاش لینے پہنچ گئے۔اورنگی ٹاون کے رہائشی شعیب خان نامی شخص نے سعید کے بھائی ہونے کا دعویٰ کیا ہے اور میڈیا سے گفتگو میں انہوں نے بتایا کہ ان کا بھائی سعید گل دہشت گرد نہیں ڈرائیور تھا، اس کے ساتھ ظلم ہوا ہے۔