کراچی(ویب ڈیسک) سپریم کورٹ نے نقیب اللہ محسود قتل کیس میں راؤ انوار کو 3 روز میں گرفتار کرنے کا حکم دے دیا ہے۔ سپریم کورٹ کراچی رجسٹری میں چیف جسٹس میاں ثاقب نثار کی سربراہی میں جسٹس گلزار احمد اور جسٹس فیصل عرب پر مشتمل 3 رکنی بینچ نے نقیب اللہ قتل کیس کی سماعت کی۔ آئی جی سندھ اے ڈی خواجہ، ایڈیشنل آئی جی اورڈی آئی جی عدالت میں پیش ہوئے۔ سابق ایس ایس پی ملیر راؤ انوار نے سپریم کورٹ کا حکم بھی ہوا میں اڑادیا۔اور وہ نقیب اللہ قتل کیس میں طلبی کے باوجود سپریم کورٹ میں پیش نہیں ہوئے۔

لاہور(ویب ڈیسک) پنجاب میں شدید دھند کے باعث فلائٹ شیڈول بری طرح متاثر ہوگیا جس سے شہریوں کو شدید پریشانی کا سامنا ہے۔ ترجمان پی آئی اے کے مطابق شدید دھند کے باعث شمالی اور جنوبی پنجاب میں پروازوں کی آمد و رفت متاثر ہوئی ہے جس کے باعث پی آئی اے کا فلائٹ شیڈول بھی بری طرح متاثر ہوا ہے۔ترجمان نے بتایا کہ لاہور سے کراچی جانے والی پرواز آج دن ڈیڑھ بجے روانہ ہوگی جب کہ کراچی سے ملتان جانے والی پرواز ساڑھے 10 گھنٹے تاخیر کا شکار ہے۔ترجمان پی آئی اے نے کہا کہ فیصل آباد سے کراچی جانے والی پرواز بھی 10 گھنٹے تاخیر کاشکار ہے، سیالکوٹ سےجدہ جانے والی پرواز 10گھنٹے تاخیر سے دن 12 بجےروانہ ہوگی جب کہ لاہور سے جدہ جانے والی پرواز 9 گھنٹے تاخیر سےشام 7 بجے اڑان بھرے گی۔ترجمان پی آئی اے نے ہدایت کی ہے کہ مسافر ایئرپورٹ آنے سے قبل پرواز کا شیڈول ضرور معلوم کرلیں۔

قصور (جاوید ملک سے) حسین خانوالہ اور قصور میں معصوم بچوں اور بچیوں کے ساتھ کی جانیوالی جنسی درندگی کے بعد انکی بہیمانہ موت کی خبروں کی سیاہی ابھی خشک نہیں ہوئی ہے کہ قصور کے علاقہ چونیاں میں نو عمر بچوںکو اسلحہ کی نوک پر اغواءکر کے جنسی زیادتی کانشانہ بنانے اور پھر انہیں بلیک میل کرنے والا ایک اور گروہ منظر عام پر آگیا ہے جس کےخلاف قصور پولیس نے مقدمہ درج کرکے گروہ کے ارکان کی تلاش شروع کر دی ہے تفصیلات کے مطابق حسین خانوالہ میں دو سو سے زائد بچوں کے ساتھ جنسی زیادتی کرنے انکی ویڈیو فلمیں بنانے اور انہیں بلیک میل کرنے کے دردناک واقعات کے بعد قصور میں پولیس کی مجرمانہ غفلت کی بناءپر دو سال کے دوران بارہ بچیوں کے اغواءزیادتی اور قتل کے واقعات کی نئی تفصیلات چند روز قبل ہی منظر عام پر آئی تھیں جس کے بعد پنجاب پولیس کے شیر جوانوںنے ملزم کی گرفتار کے لیے پر امن مظاہرہ کرنیوالے دو شہریوں کو اندھا دھند فائرنگ کر کے ہلاک اور تین کو شدید زخمی کر دیا جس کے بعد ناصرف پاکستان بلکہ عالمی میڈیا کے اندر بھی قصور پولیس کے افسران کی ملی بھگت اور مجرمانہ غفلت کی وجہ سے ہونیوالے ان واقعات کے باعث کڑی تنقید کا سلسلہ شروع ہوچکا ہے ایسے میں مقتولہ زینب کے والد محمد امین انصاری اور دوسرے رشتہ داروںنے زینب سمیت آٹھ بچیوںکو زیادتی کے بعد قتل کرنےوالے ملزم عمران علی کو خود پکڑ کر پولیس کے حوالے کیا تو عوامی احتجاج میں قدر کمی آگئی تاہم گزشتہ روز قصور کے علاقہ فیصل کالونی چونگی نمبر 1چونیاں کے زمیندار شاہد رسول ولد بشیر احمد نے دل دہلا دینے والا ایک نیا مقدمہ درج کرایا ہے جس میں شاہد رسول نے پولیس کو بتایا کہ اسکا پندرہ سالہ بیٹا حسن محمود جو حافظ قرآن ہے گھر میں موجود تھا کہ فواد احمد اور اویس وغیرہ پانچ کس ملزمان نے انکے گھر کے دروازے پر دستک دی حسن محمود پہلے بھی کرکٹ کھیلنے کی غرض سے اپنے دوستوں کے ساتھ گھر سے جایا کرتا تھا اور وقوعہ کے روز بھی فواد احمد وغیرہ اسے گھر لے گئے تو اہلخانہ نے یہی سمجھا کہ انکا بیٹا کرکٹ کھیلنے گیا ہے تاہم پانچ ملزمان حسن محمود کو ایک عمارت میں لے گئے اور اسے ایک کمرے میں بند کرنے کے بعد ملزمان نے پستول نکال لیے اور اسلحہ کی نوک پر باری باری حسن محمود کے ساتھ زیادتی کرتے رہے اس دوران مزاحمت کرنے پر ملزمان نے حسن محمود کو بدترین تشددکانشانہ بنایا ملزمان نے اس دوران حسن محمود کے ساتھ زیادتی کی ویڈیو بھی بنا لی مدعی شاہد رسول کے مطابق ڈیڑھ سال تک مذکورہ گروہ کے ارکان اپنی مرضی سے اسکے بیٹے کو یہ دھمکی دیکر بلاتے کہ اگر تم نے ہماری بات ماننے سے انکار کیا تو تمہاری فلم انٹرنیٹ پر ڈال دی جائے گی مجبور حسن محمود ڈر کے مارے ڈیڑھ سال تک ان درندوں کی زیادتی کانشانہ بنتا رہا تاہم چند روز قبل جب حسن محمود نے ملزمان کی خواہش پوری کرنے سے انکار کیا تو ملزمان نے اسکی ویڈیو فلم انٹرنیٹ پر ڈال دی جس کا علم حسن محمود کے والد کو دیگر لوگوںسے ہو ا تو ا س نے گھر آکر اپنے بیٹے کو غصے میں تشددکانشانہ بنایا جس پر حسن محمود نے رونا شروع کر دیا اور اپنے والد کو بتایا کہ ملزمان نے کس طرح ڈیڑھ سال قبل اسے زبردستی تشدد کانشانہ بنانے کے بعد زیادتی کی تھی اور اسکی ویڈیو فلم تیار کر لی تھی شاہد رسول کے مطابق اس کا بیٹا حافظ قرآن ہے اور ملزمان نے کئی دوسرے بچوں کے ساتھ بھی اس طرح کی اجتماعی زیادتیاں کی ہوئی ہیں اور یہ لوگ ان بچوں کی بھی فلمیں بنا کر انہیں بھی بلیک میل کرتے چلے آرہے ہیں پولیس نے مقدمہ درج کرکے ملزمان کی تلاش شروع کر دی ہے۔

اسلام آباد (صباح نیوز مانیٹرنگ ڈیسک) پاکستان تحریک انصاف کے چیئرمین عمران خان نے قصور کے ویڈیو اسکینڈل کی تحقیقات کے لیے ایکÇ مضبوط جے آئی ٹی بنانے کا مطالبہ کرتے ہوئے کہا ہے کہ بچوں سے زیادتی اور قتل میں بااثر لوگ ملوث ہیں۔جمعہ کوعمران خان نے ٹوئٹر پر کہا ہے کہ زینب کے قاتل کی گرفتاری کے بعد بچوں سے زیادتی اور قتل سے متعلق ایک منظم گروہ کے آثار سامنے آرہے ہیں جو کہ بچوں کی پورنو گرافی میں ملوث ہے، ہمیں پتا لگا ہے کہ عمران علی کے کئی بینک اکاونٹس موجود ہیں جس سے ظاہرہوتا ہے کہ بچوں کے خلاف زیادتی اور قتل میں بااثر لوگ شامل ہیں۔عمران خان نے ایک اور ٹوئٹ میں جے آئی ٹی تشکیل دینے کا مطالبہ کرتے ہوئے کہا ہے کہ مضبوط جے آئی ٹی قصور کے ویڈیو اسکینڈل کی بھی تحقیقات کرے جب کہ رانا ثنا اللہ نے ویڈیو اسکینڈل کو بے شرمی کا مظاہرہ کرتے ہوئے زمین کا جھگڑا قرار دے کر رد کردیا تھا۔ اسے بھی بے نقاب کرنا ہوگا عمران خان نے کہا کہ عمران علی کے بینک اکاونٹس کے معاملے کو متنازع بنانا افسوس ناک ہے ضرورت ہے کہ ہم سنسنی سے گریز کرتے ہوئے ایک بااختیار جے آئی ٹی بنانے کے لیے دباو بڑھائیں تاکہ زینب اور قصور کے دیگر بچوں کے ساتھ بیتے گئے ہولناک المیے کی تحقیقات کی جاسکے۔