اسلام آباد(ویب ڈیسک) پاکستان میں چین کے سفیر یاﺅ جنگ نے چیئرمین تحریک انصاف عمران خان سے ملاقات کی جس میں جہانگیر ترین، علیم خان، ڈاکٹر شہزاد وسیم، فواد چوہدری، شاہ فرمان، عامر کیانی اور اسحٰق خاکوانی بھی موجودتھے، ملاقات میں چینی سفیر کا کہنا تھا کہ عمران خان ایک قومی رہنما ہیں، ان سے ملاقات پر بہت مسرت ہوئی، انہوں نے کہا کہ تحریک انصاف پاکستان کی سب سے بڑی سیاسی جماعت ہے، چین پاکستان کی تمام سیاسی جماعتوں کے ساتھ قریبی تعلقات کے خواہاں ہیں۔عمران خان نے کہا کہ پاکستان اور چین کی دوستی سیاست سے بالا تر ہے، پاکستان چین دوستی کی جڑیں ان کے عوام میں ہیں، سی پیک ایک قومی اہمیت کا حامل منصوبہ ہے اور اس پر مکمل اعتماد ہے، تحریک انصاف سی پیک منصوبے کی مکمل حمایت جاری رکھے گی، پاکستان افغانستان میں امن چاہتا ہے، افغانستان کا امن پاکستان کے امن میں پنہاں ہے، عمران خان نے کہا کہ وہ مارچ کے اواخر یا اپریل کے اوائل میں چین کا دورہ کرینگے۔

منڈی بہاو¿الدین(ویب ڈیسک) وزیر اعلیٰ پنجاب شہباز شریف نے کہا کہ عدالت عمران خان کی جانب سے مجھ پر لگائے گئے الزامات پر بنچ تشکیل دے اور ان کا جلد از جلد فیصلہ کرے۔ ملکوال میں جلسہ عام سے خطاب کرتے ہوئے شہباز شریف نے کہا کہ پیپلز پارٹی کے دور میں لوڈشیڈنگ کا اندھیرا دیا گیا لیکن نواز شریف کی قیادت میں ہزاروں میگاواٹ کے نئے منصوبے لگائے گئے۔عمران خان پر تنقید کرتے ہوئے شہباز شریف نے کہا کہ عمران خان دن رات الزامات لگاتے رہتے ہیں، انہوں نے جھوٹ بولا، لانگ مارچ اور لاک ڈاو¿ن کئے، انہوں نے مجھ پر کئی الزامات لگائے، ایک الزام جاوید صادق سے 27 ارب روپے رشوت لینے کا لگایا، دوسرا الزام یہ لگایا کہ میںنے پاناما معاملے میں عمران خان کو 10 ارب روپے کی رشوت کی پیشکش کی۔ عدالت سے درخواست کرتا ہوں کہ وہ عمران خان کے لگائے گئے الزامات پر بنچ تشکیل دے اور ان کا جلد از جلد فیصلہ کرے۔ انہوں نے مجمع سے سوال کیا کہ کیا عوام کو جھوٹا اور بدکار شخص منظور ہے، کیا وہ عمران کو ووٹ دیں گے، کیا عوام انہیں پاکستان کی حکمرانی کرنے دیں گے۔شہبازشریف نے کہا کہ چین پاکستان کی ترقی و خوشحالی کے لیے اربوں ڈالر کی سرمایہ کاری کررہا ہے، آصف زرداری غلط بیانی کرتے ہیں کہ سی پیک کا منصوبہ وہ لے کر آئے، وہ کہتے ہیں کہ سی پیک پر میں نے دستخط کیے تھے، اگر ایسا تھا تو ا±س وقت آصف زرداری نے سی پیک منصوبوں کا سنگ بنیاد کیوں نہیں رکھا۔

اسلا م آ با د (ویب ڈیسک )گزشتہ روز فاٹا میں اورکزئی اور کرم ایجنسی کے سرحدی علاقے میں ڈرون حملہ کیا گیا جس میں حقانی گروپ کے کمانڈر احسان عرف نورے سمیت 2 افراد ہلاک ہوئے۔ترجمان دفتر خارجہ کی جانب سے ڈرون حملے کی مذمت کی گئی ہے اور کہا گیا ہے کہ امریکا کو وزیرستان اور کرم ایجنسی میں کارروائی کی اجازت دینے کا کوئی معاہدہ نہیں۔آئی ایس پی آر کی جانب سے ڈرون حملے سے متعلق ایک اعلامیہ جاری کیا گیا ہے جس میں کہا گیا ہے کہ 24 جنوری کا ڈرون حملہ انفرادی ہدف پر کیا گیا، ڈرون حملہ دہشت گردوں کے کسی ٹھکانے پر نہیں تھا۔آئی ایس پی آر کا کہنا ہے کہ ڈرون حملہ افغان مہاجرین کیمپ پر کیا گیا جس میں مارے گئے افراد افغان تھے اور مہاجرین کے کیمپ میں موجود تھے۔ افغان مہاجرین کے کیمپوں کا نقشہ بھی جاری کیا گیا ہے اور ساتھ ہی کیمپوں کی تفصیل بھی بتائی گئی ہے۔

سرگودھا(ویب ڈیسک)پیر آف سیال شریف حمید الدین سیالوی نے وزیر اعلیٰ پنجاب شہباز شریف سے ملاقات کے بعد احتجاج کی کال واپس لے لی۔وزیراعلیٰ پنجاب شہباز شریف نے سرگودھا میں پیر حمیدالدین سیالوی سے ملاقات کی، ملاقات میں شہباز شریف نے احتراماً پیر حمیدالدین سیالوی کے گھٹنے بھی چھوئے۔ اس دوران وزیراعلیٰ نے احتجاج کے حوالے سے پیرسیال کے تحفظات دور کرنے کی کوشش کی۔
پیر حمیدالدین سیالوی سے ملاقات کے بعد وزیراعلیٰ پنجاب نے میڈیا سے گفتگو کرتے ہوئے کہا کہ میری درخواست پر پیر سیال نے احتجاج کی کال مسترد کردی ہے، ختم نبوت پر ایمان ہر مسلمان کے عقیدے کا لازمی جزو ہے جب کہ پیرسیالوی کی مشاورت سے 6 رکنی کمیٹی بھی قائم کردی گئی ہے جو ان سے معاملات پر گفتگو کرے گی۔

اسلام آباد (ویب ڈیسک)نجی ٹی وی پروگرام میں کئے گئے انکشافات کے بعد سینئر صحافی و اینکر پرسن شاہد مسعود سپریم کورٹ میں پیش، زینب سمیت10 بچیوں کے قاتل عمران کو کس کی پشت پناہی حاصل ہے ،نام چٹ پر لکھ کر چیف جسٹس کو دیدئیے۔نجی ٹی وی کے مطابق سپریم کورٹ میں زینب قتل کیس پرسماعت ہوئی ۔چیف جسٹس نے ان کے بیانات سے متعلق استفسار کیاتو شاہد مسعودنے بتایا کہ زینب کا قاتل ملزم عمران عالمی مافیا کا ایک متحرک رکن ہے۔ انہوں نے بتایا کہ عمران کو اعلیٰ شخصیات کی پشت پناہی حاصل ہے۔ عدالت میں ڈاکٹر شاہد مسعود نے ملزم عمران کے 37 بنک اکاو¿نٹس کی فہرست بھی پیش کر دی۔ چیف جسٹس نے کہاکہ عمران کو جن شخصیات کی پشت پناہی حاصل ہے ان کا نام چٹ پر لکھ کر دیں۔جس پر ڈاکٹر شاہد مسعود نے دو شخصیات کا نام چٹ پر لکھ کر چیف جسٹس کو دیدیا۔ دوسری جانب چیف جسٹس نے ملزم کی سکیورٹی سخت کرنے سے متعلق بھی احکامات جاری کیے۔ چیف جسٹس کا کہناتھا کہ ملزم عمران کی سکیورٹی بہت اہم ہے۔ ہم سچ تلاش کر کے دم لیں گے۔واضح رہے کہہ گزشتہ رات نجی ٹی وی پروگرام میں سینئر صحافی و تجزیہ کار ڈاکٹر شاہد مسعود نے کہا تھا کہ سات سالہ زینب کا قاتل عمران نہ ہی مستری ہے اور نہ ہی وہ کوئی ذہنی مریض ہے، انہوں نے کہا کہ پنجاب حکومت جھوٹ بول رہی ہے کہ عمران مستری ہے ، انہوں نے کہا کہ میں بیرون ممالک تھا تو وہاں بھی یہ کیس ڈسکس ہوتا رہا اور میں شہباز شریف کے موقف کا انتظار کر رہا تھا، میں چیف جسٹس آف پاکستان کے نوٹس میں یہ بات لاناچاہتاہوں کہ یہ آدمی مستری بھی نہیں ہے اور یہ آدمی ذہنی مریض بھی نہیں ہے یہ ایک بین الاقوامی مافیا کا انتہائی فعال رکن ہے جس کو پاکستان کی اعلیٰ اور مضبوط شخصیات کی پشت پناہی حاصل ہے اور اس آدمی کے کم از کم 37 بینک اکاو¿نٹس ہیں، جس میں اکثریت فارن اکاو¿نٹس کی ہے، ان اکاو¿نٹس میں بیرون ممالک سے ڈالرز، یورز اور پاو¿نڈز کی ٹرانزیکشن کی جاتی ہے اور یہ کروڑوں اربوں کا کھیل ہے، یہ جن بین الاقوامی تنظیموں کے لیے کام کر رہا ہے اس کی مکمل تحقیقات کریں، انہوں نے کہا کہ میں جو بات کررہا ہوں وہ انتہائی ذمہ داری سے کر رہا ہوں اس کے 37 بینک اکاو¿نٹس ہیں، نہ تو یہ پاگل ہے اور نہ یہ بے وقوف آدمی ہے اس کو اہم سیاسی اور غیر سیاسی شخصیات کی حمایت حاصل ہے اور یہ شخص چائلڈ پورنو گرافی کے لیے کام کرتا ہے، بدقسمتی کے ساتھ یورپ ، ایسٹرن یورپ اور باہر کی دنیا میں کچھ پاگل یا ذہنی مریض قسم کی شخصیات ہیں جب وہ نشے میں ہوتی ہیں یا اس قسم کی کیفیت میں ہوتی ہیں تو وہ انٹرنیٹ پر لائیو مناظر دیکھتے ہیں جس میں بچوں پر تشدد ہوتے ہیں، اس میں پہلے واقعات جو قصور میں ہوئے ہیں یہ اکیلا نہیں ہے، میں اس شخصیت کا نام نہیں لیناچاہتا ہے جو اس میں ملوث ہے اور ایک وفاقی وزیر کا نام بھی میرے پاس موجود ہے ۔