راولپنڈی(ویب ڈیسک ) عوا می مسلم لیگ کے سر براہ نے لا ہو ر کے احتجاج میں استعفیٰ کا اعلا ن کیا تھا تاہم اب وہ ہسپتا ل کیو ں جا پہنچے بڑی خبر آ گئی۔ان کا ا پینڈکس کا آپریشن ہوا۔ڈاکٹروں نے انھیں آرام کا مشورہ دیا ہے۔ذرائع کے مطابق سربراہ عوامی مسلم لیگ شیخ رشید کا اپینڈکس کا آپریشن کامیاب رہاتاہم ڈاکٹرز نے انھیں مکمل صحت یابی کیلئے کچھ دن آرام کا مشورہ دیا۔ شیخ رشید کے قریبی ذرائع نے آپریشن کی تصدیق کر دی۔

اسلام آباد (نیا اخبار رپورٹ) بھارت اور امریکہ کی پاکستان کے خلاف منصوبہ بندی کا منصوبہ اسرائیل بھی شامل، پاکستان کے متعلقہ ادارے مکمل تیاری کی حالت میں ، بعض شعبوں میں ہنگامی حالت جیسی کیفیت، امریکہ کی جانب سے صلح صفائی کی کوششوں کو بہلاوا قرار دے دیا گیا۔ امریکہ بھارت اور اسرائیل کی تمام سرگرمیوں کا مقصد پاکستان کے خلاف بھرپور کارروائی کرنا ہے۔ بھارت امریکہ اور اسرائیل کے ساتھ مل کر پاکستان کے خلاف ایک آلائنس بنانا چاہتا ہے بریگیڈیئر نادر میر نے نجی ٹی وی سے بات چیت میں کہا ہے کہ پاکستان کے اندرونی سیاسی حالات جس میں سیاسی ایلیٹ آپس میں گھتم گتھا ہیں آپسی لڑائی میں مصروف ہیں وہ ایسے حالات کا فائدہ اٹھاتے ہوئے پاکستان کے خلاف ایک کارروائی کا بہانا بنا رہا ہے۔ انہوں نے کہا کہ چونکہ بھارت کو اس بات کا اچھی طرح سے علم ہے کہ وہ پاکستان کے ساتھ مقابلہ نہیں کر سکتا دوسری جانب سابق آرمی چیف جنرل ضیاالدین بٹ نے کہا ہے کہ پاکستان کا بھارت اسرائیل مل کر بال بیکا نہیں کر سکتے حقیقت یہ ہے کہ امریکہ پاکستان سے اپنے پرانے اور نئے مطالبات منوانے کے لئے نئے نئے طریقے آز ما رہا ہے جس کا مقصد پاکستان پر دبا بڑھانا ہے لیکن پاکستان کو اپنا موقف اور دہشت گردی کے خلاف لڑی جانے والی جنگ کی کامیابیاں اور قربانیاں مضبوط انداز میں اقوام عالم کے سامنے لانا ہونگی انہوں نے کہا کہ پہلی بار امریکی صدر کو پاکستانی قوم، حکومت اور افواج پاکستان اور تمام سیاسی اور مذہبی جماعتوں کی جانب سے سخت پیغام گیا ہے جس سے امریکہ اپنی صفوں پر واپس آیا ہے اور نرم گوشہ اختیار کرنے پر مجبور ہو گیا ہے اوراب اس سے پیچھے ہٹ کر بھارت اور اسرائیل میں نئے دفاعی معاہدے کروا رہا ہے پاکستانی قوم حکومت اور افواج پاکستان کے ساتھ یک جار ہیں اور سب نے مل کر امریکہ کو ایک جواب دیا تو امریکہ کے پاﺅں اکھڑ جائے گے، اور ہم نے کمزوری دکھائی تو وہ مزید مطالبات کرے گا۔پاکستان میں دہشت گردی کرانے کیلئے بھارت اور اسرائیل کی خفیہ ایجنسیوں میں مذاکرات ہونے کا انکشاف ہوا ہے۔ پیر کو مودی اسرائیلی وزیراعظم نیتن یا ہو کے درمیان مذاکرات کے بعد دونوں ممالک میں دفاع، خلائی تعاون، تیل و گیس، قابل تجدید توانائی، سائبر سیکورٹی، مشترکہ فلم سازی سمیت متعدد شعبوں میں 9 معاہدوں پر دستخط ہو گئے ہیں۔ مودی اور نیتن یا ہو کے درمیان دفاع پر ہونے والی بات چیت کی تفصیلات ظاہر نہیں کی گئی ہیں۔ نیتن یا ہونے بھارت و اسرائیل کے مابین آزادانہ تجارتی معاہدے کی خواہش کا اظہار کیا ہے۔ غاصب اسرائیلی ریاست کے حکمران کی آمد کیخلاف بھارت کی سیاسی جماعتیں اور شہری گروپ سراپا احتجاج بن گئے۔ اسرائیلی وزیراعظم کے ہمراہ نئی دہلی میں موجود اسرائیلی مشیر سلامتی امور میر بن شیبت نے اتوار کی شام ہی بھارتی ہم منصب اجیت دو دل سے ان کے دفتر میں ملاقات کی۔ ملاقات کے دور ان دونوں ممالک کی خفیہ ایجنسیوں کے چیفس بھی شریک ہوئے۔ اس موقع پر پاکستان میں دہشت گردی کو ہوا دینے کے منصوبوں اور تعاون کے مجوزہ فریم ورک پر تبادلہ خیال ہوا۔ بھارتی میڈیا کے مطابق ملاقات میں نام نہاد انسداد دہشت گردی و سلامتی معاملات پر بات چیت کی گئی، جبکہ اسرائیل کے اخبار حارث کا کہنا ہے کہ ملاقات کے دوران میزائل سودے اور حال ہی میں 50 کروڑ ڈالر کے منسوخ آرڈر کی بحالی پر بات بھی کی گئی۔ بھارت کے مطابق بھاری رقم کے میزائل خریدنے سے اس کی اپنی میزائل سازی کی صلاحیت متاثر ہو گی۔ بھارتی اخبار انڈیا یا ٹو ڈے کے مطابق بھارت اور اسرائیل انٹیلی جنس تعلقات کو خفیہ اطلاعات کے تبادلے کے ذریعے مزید تقویت دینے پر کام جاری رکھے ہوئے ہیں۔ بھارت چاہتا ہے کہ اسرائیلی خفیہ ادارہ موساد آئی ایس آئی کیخلاف اس کی مدد کرے، تا کہ وہ خاص طور پر مقبوضہ کشمیر میں مجاہدین کو کچل سکے۔ دریں اثنا پیر کی صبح اسرائیلی وزیراعظم نیتن یا ہو اور بھارتی وزیراعظم مودی نے وفود کے ہمراہ مذاکرات کئے جس کے بعد ان کی موجودگی میں دفاع، خلائی تعاون، تیل وگیس، قابل تجدید توانائی، سائبر سیکورٹی، مشتترکہ فلم سازی سمیت متعدد شعبوں میں تعاون کے 9 معاہدوں پر ستخط ہو گئے۔ مذاکراات کے بعد مشترکہ پریس کانفرنس میں مودی نے یاہو کو”میر دوست بی بی“ جبکہ صہیوبی وزیراعظم نے بھارت ہم منصب کو نام سے مخاطب کر کے بے تکلفی کا اظہار کیا نیتن یاہو کا کہنا تھا کہ اقوام متحدہ کی سلامتی کونسل کے اجلاس میں مقبوضہ بیت المقدس کو اسرائیل کا دارالحکومت قرار دینے کے ٹرمپ اعلان کیخلاف قرارداد کے حق میں مخالفانہ بھارتی ووٹ سے دونوں ممالک کے رشتوں پر کوئی فرق نہیں پڑے گا۔ بھارتی وزیراعظم مودی کا کہنا تھا کہ ان کی خواہش ہے کہ اسرائیل کی اسلحہ ساز کمپنیاں بھارت میں ہتھیار بنانے کا دھندا شروع کر دیں۔ بھارتی میڈیا کا کہنا ہے کہ میڈیا سے گفتگو سے بھارت کے مخالفانہ ووٹ کو نظر انداز کرنے والے نیتن یاہو نے ضابطہ مذاکرات کے دوران اقوام متحدہ میں کھلی بھارتی مخالف پر مایوسی کا اظہار کیا۔ بھارتی اخبار ٹائمز آف انڈیا کے مطابق مودی اور نیتن یاہو کے مذاکرات کے بعد جاری مشترکہ اعلامیہ میں حیران کن طور پر انسداد دہشت گردی میں تعاون کا ذکر بہت مختصر کیا گیا ہے۔ نیتن یاہو کا کہنا تھا کہ ان کے دورے سے معاملہ حل ہو جائے گا۔ بھارت اور اسرائیل کے درمیان تعلقات میں دفاع کے شعبے کو انتہائی اہم حیثیت حاصل ہے۔ ہمارے درمیان دفاع کا لفظ ہی کلیدی ہے۔ ہم نہیں چاہتے کہ کوئی بھی ملک اس قابل ہو کہ ہم پر حملہ کر سکے۔ نامزد بھارتی سیکریٹری خارجہ وجے گوکھلے نے صحافیوں کو بتایا کہ اسرائیل نے بھارتی کمپنیوں کو بحیرہ روم کے علاقے میں تیل گیس کی تلاش کی اجازت دیدی گئی ہے۔ بھارت کا ایک وفد تجارت پر بات چیت کیلئے آئندہ ماہ اسرائیل جائے گا۔ وائس آف امریکہ کے مطابق نیتن یاہو کے پاس بھارت کو دینے کیلئے کچھ نہیں۔ بھارت جو ہتھیار امریکہ سے براہ راست نہیں خرید سکتا، وہ اسرائیل کے توسط سے خرید لیتا ہے۔ پہلے ہر نسل و مذہب کے لوگ اسرائیل اور بھارت کے خلاف مظاہرہ کرتے تھے، مگر اب صرف مسلمان کرتے ہیں۔ ادھر غاصب اسرائیلی ریاست کے حکمران کی آمد کیخلاف بھارت کی سیاسی جماعتیں و شہری گروپ سراپا احتجاج بن گئے۔ نیتن یاہو کی آمد کے خلاف بائیں بازو کی جماعتوں کی جانب سے بڑے پیمانے پر احتجاج کیا گیا۔ نئی دہلی میں انڈیا گیٹ کے نزدیک کمیونسٹ پارٹی آف انڈیا کے سربراہ پر کاش کرت وڈی راجہ جیسے سینئر رہنماﺅں کی قیادت میں بڑا احتجاج کیا گیا اور اس موقع پر انتہائی سخت الفاظ میں بھارت اسرائیل تعلق کی مخالف کی گئی۔ متعدد تنظیموں کی جانب سے نفرت کیخلاف اتحاد کے نام سے مہم کے تحت پیر کو اسرائیلی سفارتخانے پر احتجاج کیا گیا و اندیشہ ظاہر کیا گیا کہ انسداد دہشت گردی کے نام پر بھارت اسرائیل تعاون سے مسلمانوں کو نشانہ بنایا جائے گا۔ بھارت دیگر کئی مقامات پر بھی مظاہرے کئے جانے کی اطلاعات ہیں۔امریکہ اور بھارت کی جانب سے گلگت بلتستان میں علیحدگی پسند تحریک شروع کروانے کی سازش کرنے کا تشویش ناک انکشاف کیا گیا ہے۔ تفصیلات کے مطابق معروف دفاعی تجزیہ کار جنرل ریٹائرڈ امجد شعیب کی جانب سے نجی ٹی وی چینل کے پروگرام سے گفتگو کرتے ہوئے خوفناک انکشاف کیا گیا ہے۔ امجد شعیب کا کہنا ہے کہ سی پیک کو ناکام بنانے کیلئے امریکا اور بھارت مل کر سازش کر رہے ہیں۔ امجد شعیب کی جانب سے تشویش ناک انکشاف کرتے ہوئے بتایا ہے کہ امریکا حکام نے واضح الفاظ میں کہا ہے کہ پاکستان مستقبل میں اپنا اہم علاقہ کھو سکتا ہے۔ سی پیک منصوبے کے حوالے سے اس وقت گلگت بلتستان کا علاقہ انتہائی اہمیت کا حامل ہے۔ اور خدشہ ہے کہ امریکا بھارت کیساتھ مل کر گلگت بلتستان کے امن و امان کو خراب کر کے کسی قسم کی علیحدگی پسند تحریک کو شروع کرنے کی سازش کر رہا ہے۔ بھارت اس سے پہلے بھی اس علاقہ میں ایسی وارداتیں کر رہا ہے، بھارتی انٹیلی جنس کی جانب سے بالاورستان فرنٹ کے ایک گروپ کے سربراہ کو مغربی ممالک میں رکھ کر پگنڈا کروایا جا رہا ہے ابھی حال ہی میں بی ایس ایف کے نام سے بھی ایک مشکوک تنظیم اسی علاقہ میں قائم کی گئی ہے جبکہ جنیوا میں پنجاب میں طویل عرصہ تک خدمات سرانجام دینے والے بلتستان کے ایک بیورو کریٹ کا بیٹا بھی بھارت کے لئے کام کر رہا ہے اور اقوام متحدہ میں پاکستان مخالف لٹریچر تقسیم کرتا رہتا ہے۔

لاہور (نیااخبار رپورٹ) بدنام زمانہ بھارتی دہشت گرد اور جاسوس کلبھوشن یادیو کے نائن زیرو کے دوروں کا انکشاف ہوا ہے۔ بیرون ملک مقیم ایم کیو ایم کے ایک سابق عہدیدار نے بتایا کہ کلبھوشن یادیو دو بارہ 2005ءاور 2006ءمیں نائن زیرو آیا تھا۔ اس دوران اس کی پارٹی کے اہم رہنماﺅں سے تفصیلی ملاقاتیں ہوئی تھیں۔ عہدیدار کے بقول بلوچستان بالخصوص مکران کوسٹل کے علاقے میں ”را“ کا مضبوط سیٹ اپ قائم کرنے کے بعد کلبھوشن کو اپنے ہینڈلر انیل کمار کی جانب سے ہدایت ملی تھی کہ کراچی میں بھی بھارتی خفیہ ایجنسی کے نیٹ ورک کو مزید مضبوط بنایا جائے۔ کلبھوشن کے نائن زیرو آنے کے بنیادی مقاصد یہی تھے۔ عہدیدار کا کہنا ہے کہ غدار وطن الطاف حسین سے علیحدہ ہو کر اپنے الگ دھڑے بنانے والے جو خود کو اس وقت محب وطن ثابت کرنے پر تلے ہوئے ہیں‘ یہ سب اس عمل میں شریک تھے۔ الطاف حسین کی طرف سے آنے والی خصوصی ہدایت پر کلبھوشن کی نائن زیرو پر میزبانی کرنے والوں میں ڈاکٹر فاروق ستار اور دیگر رہنما پیش پیش تھے۔ کلبھوشن کو اس وقت بلوچستان میں چیف آف آپریشن کی ذمہ داری نہیں ملی تھی اور وہ ایک ایجنٹ کے طور پر کام کر رہا تھا۔ عہدیدار کے مطابق نائن زیرو پر قیام کے دوران ایم کیو ایم کے رہنماﺅں سے کلبھوشن نے بلوچستان نیشنل پارٹی کے سربراہ اختر مینگل سے ملاقات کی خواہش کا اظہار کیا تھا جس پر ایم کیو ایم کے رہنماﺅں نے ڈیفنس کراچی کی رہائش گاہ پر موجود اختر مینگل سے رابطہ کر کے کلبھوشن کا پیغام پہنچایا اور کہا کہ ملاقات کیلئے اگر وہ نائن زیرو نہیں آنا چاہتے تو کلھبوشن کو لے کر ڈیفنس کے بنگلے پر آ جاتے ہیں‘ تاہم اختر مینگل نے سختی کے ساتھ اس ملاقات سے انکار کر دیا تھا۔ کلبھوشن اپنے ان کراچی کے دوروں کے موقع پر لاکھوں ڈالر لے کر آیا تھا۔ اس میں سے نصف اس نے کراچی میں تقسیم کئے اور باقی بلوچستان لے گیا۔ اس ڈویلپمنٹ سے آگاہ دیگر ذرائع نے بتایا کہ 2005ءاور 2006ءمیں نائن زیرو پر ایم کیو ایم رہنماﺅں کے ساتھ اپنی ابتدائی ملاقاتوں کے بعد جب ”را“ نے کلبھوشن کو 2013ءمیں بلوچستان اور کراچی میں چیف آف آپریشن بنایا تو اس وقت تک ایم کیو ایم کلبھوشن کے تعلقات خاصے مضبوط ہو چکے تھے اور یہ کہ ایم کیو ایم ٹارنگ کلنگ ٹیموں کو مختلف ٹاسک بھی کلبھوشن کی جانب سے دیئے جانے لگے تھے۔ ان ٹارگٹ کلنگ ٹیموں کے متعدد ارکان ایرانی بندرگاہ چاہ بہار کے علاقے میں واقع کلبھوشن کی رہائش گاہ پر جا کر اس سے ملا کرتے تھے‘ جہاں کلبھوشن‘ حسین مبارک پٹیل کے جعلی نام سے قیام پذیر تھا اور اپنی سرگرمیوں کو خفیہ رکھنے کی خاطر اس نے ”کامندا ٹریڈنگ کمپنی“ کھول رکھی تھی۔ تقریباً تین برس پہلے ایم کیو ایم کے بدنام ٹارگٹ کلر سعید بھرم اور ساجد شٹرو نے بھی چاہ بہار کی رہائش گاہ پر کلبھوشن کے ساتھ ملاقات کی تھی۔ اس موقع پر حاجی ناصر اور اس کا بیٹا بھی ایم کیو ایم ٹارگٹ کلرز کے ہمراہ تھے۔ بلوچستان کی تحصیل مند کے رہائشی حاجی ناصر کے پاس پاکستان اور ایران کی دوہری شہریت ہے اور وہ اب مستقل طور پر تہران میں مقیم ہے۔ بظاہر پراپرٹی کا کاروبار کرنے والا حاجی ناصر ایرانی انٹیلی جنس کیلئے کام کرتا ہے اور اس نے ہی ایرانی انٹیلی جنس افسروں سے عزیر بلوچ کی پہلی ملاقات کرائی تھی۔ ایم کیو ایم کے بدنام ٹارگٹ کلرز اور بعض رہنماﺅں کی چاہ بہار میں کلبھوشن سے ملاقات کا انکشاف عزیر بلوچ نے بھی جے آئی ٹی کے سامنے کیا ہے۔ جے آئی ٹی کے صفحہ نمبر 38کے مطابق عزیر بلوچ نے تفتیش کاروں کو بتایا ”جون 2014ءکو ایم کیو ایم کے رکن صوبائی اسمبلی دلاور‘ انور قائم خانی‘ سعید بھرم اور ساجد شٹرو نے چاہ بہار کا دورہ کیا اور حاجی ناصر کے ساتھ وہاں چند روز گزارے۔“ واضح رہے کہ صدر ٹاﺅن کا سابق ناظم اور ایم کیو ایم کا سابق ایم پی اے دلاور اب مصطفی کمال کی پی ایس پی کا حصہ ہے۔ دلاور نے 2016ءکے وسط میں ایم کیو ایم چھوڑ کر مصطفی کمال گروپ جوائن کیا تھا اور سندھ اسمبلی کی رکنیت سے مستعفی ہونے کا اعلان کر دیا تھا جبکہ بدنام ٹارگٹ کلر سعید بھرم اس وقت سنٹرل جیل کراچی میں قید ہے اور وہ بھی پی ایس پی جوائن کر چکا ہے جبکہ ٹارگٹ کلر ساجد شٹرو مارا جا چکا ہے۔ ساجد شٹرو 2013ءکے آخر میں سعید بھرم‘ کاشف ڈیوڈ‘ وسیم باس اور عارفین کے ہمراہ دبئی فرار ہو گیا تھا‘ تاہم اگلے برس خفیہ طور پر کراچی آیا اور جب دوبارہ دبئی جانے کی کوشش کر رہا تھا تو مارا گیا۔ کنور نوید جمیل اور دیگر نے پریس کانفرنس کر کے لانڈھی سیکٹر کے بدنام ٹارگٹ کلر ساجد شٹرو کی ہلاکت پر احتجاج کیا تھا۔ خود کلبھوشن یادیو نے اپنے دوسرے اعترافی ویڈیو میں کہا ہے کہ اس نے 2005ءاور 2006ءمیں کراچی کا دورہ کیا تھا تاکہ پاکستان نیوی کی تنصیبات کے بارے میں اہم معلومات جمع کر سکے۔ کلبھوشن کے بقول وہ درحقیقت ”را“ کے جوائنٹ سیکرٹری انیل کمار کا بندہ تھا۔ (انیل کمار اب ”را“ کا سربراہ ہے‘ اور یہ کہ اس کی اور انیل کمار کی اس وقت کے ”را“ کے سربراہ الوک جوشی کے ساتھ تفصیلی میٹنگز میں اس پلان کو حتمی شکل دی گئی تھی۔ بھارت کی قومی سلامتی کے مشیر اجیت دووال کے قریبی ساتھی الوک جوشی کو 2012 ءمیں ”را‘ کا سربراہ بنایا گیا تھا۔ ریٹائرمنٹ کے بعد اسے بھارتی نیشنل ٹیکنیکل ریسرچ آرگنائزیشن کا چیئرمین مقرر کر دیا گیا اور وہ اب بھی اس عہدے پر کام کر رہا ہے۔ الوک جوشی نیپال میں ”را“ کا اسٹیشن چیف بھی رہ چکا ہے جبکہ انیل کمار اب ”را“ کا موجودہ چیف ہے۔ اس عہدہ پر اس کی تقرری 31جنوری 2017ءکو ہوئی تھی۔ کلبھوشن یادیو کے مطابق انیل کمار شروع سے اس کا ہینڈلر رہا۔ اس کے پاکستان میں بالخصوص بلوچستان سٹوڈنٹس آرگنائزیشن کے ساتھ گہرے تعلقات تھے اور وہ کلبھوشن یادیو کو سندھ اور بلوچستان میں فرقہ وارانہ دہشت گردی کی آگ بھڑکانے کے ٹاسک بھی دیا کرتا تھا۔

لاہور ( ویب ڈیسک ) لاہور ہائیکورٹ نے وزیراعلیٰ پنجاب محمد شہباز شریف کی نااہلی کیلئے دائر درخواست نا قابل سماعت قرار دیتے ہوئے مسترد کر دی ۔عدالت عالیہ نے منگل کے روز درخواست کے قابل سماعت ہونے یا نہ ہونے سے متعلق فیصلہ محفوظ کیا تھا جسے سناتے ہوئے درخواست ناقابل سماعت قرار دے کر مسترد کر دی گئی ۔ درخواست گزار کی جانب سے موقف اختیار کیا گیا تھا کہ وزیراعلیٰ پنجاب شہباز شیف ماس ٹرانزت اتھارٹی کے چیئرپرسن ہیں ،قانون اور آئین کے تحت وہ بیک وقت دو عہدے اپنے پاس نہیں رکھ سکتے ۔اس کے باوجود انہوں نے دو عہدے اپنے پاس رکھے جس کے باعث وہ آئین کے آرٹیکل 63 کے تحت اہل نہیں رہے ۔لہٰذا معزز عدالت سے استدعا ہے کہ شہباز شریف کو وزارت اعلیٰ کیلئے نااہل قرار دیا جائے ۔