اسلام آباد: (ویب ڈیسک )چیف جسٹس ثاقب نثار نے کہا ہے کہ ہمارے تحمل کو کمزوری نہ سمجھا جائے، پارلیمنٹ کی عزت کرتے ہیں اور چاہتے ہیں کہ وہ بھی ہماری عزت کرے۔سپریم کورٹ میں انتخابی اصلاحات ایکٹ 2017 میں نااہل شخص کو پارٹی صدر بنانے سے متعلق شق کے خلاف درخواستوں کی سماعت ہوئی۔ مسلم لیگ (ن) کی طرف سے راجہ ظفر الحق پیش ہوئے اور انہوں نے کہا کہ جمعہ کو ہمیں اس کیس کا علم ہوا، غور کے لیے دو ہفتوں کا وقت دیا جائے۔ درخواست گزار وکیل ذوالفقار بھٹہ نے کہا کہ یہ کیس اور چند دن پاکستان کے لیے بہت اہم ہیں۔ چیف جسٹس ثاقب نثار نے کہا کہ اپنی خبر لگوانے کے لیے میری عدالت میں بات مت کریں۔شیخ رشید کے وکیل فروغ نسیم نے کہا کہ میں نے عبوری حکم کے لیے درخواست دی ہے، نواز شریف کی پارٹی صدارت کے لئے حکم امتناعی مانگ رہا ہوں۔ چیف جسٹس نے کہا کہ نواز شریف آئینی ترمیم کے نتیجے میں پارٹی سربراہ بنے ہیں، آپ بتا دیں کہ اسمبلی کارروائی پر حکم امتناعی دیا جا سکتا ہے یا نہیں۔چیف جسٹس نے اپنے ریمارکس میں کہا کہ کیس میں جو فریق اچھے مقرر ہیں وہ خود ہی کیس لڑیں، خواجہ سعد رفیق اچھے مقرر ہیں، سعد رفیق صاحب کو سنتے رہتے ہیں ، لیکن وہاں ہم بول نہیں سکتے، مگر یہاں عدالت میں سعد رفیق کو سن کر ہم بھی بات کریں گے، سعد رفیق کو قانون کی سوجھ بوجھ ہے، ہم سنتے ہیں، لیکن ٹی وی پر آکر ہم ان کو جواب نہیں دے سکتے، سپریم کورٹ کے باہر گفتگو نہیں ہوگی، ہم حوصلہ دکھارہے ہیں دکھاتے رہیں گے، نہیں چاہتے توجہ ہٹاکر دوسرے معاملات میں الجھ جائیں، ہمارے تحمل کو کمزوری نہ سمجھا جائے۔چیف جسٹس نے کہا کہ حاضری میں سعد رفیق کا نام بولڈ کردیاجائے۔ چیف جسٹس کی اس بات پر عدالت میں قہقہے لگے۔ چیف جسٹس نے کہا کہ قانونی بات ہے کارروائی پیار سے چلے گی، ایک تو وہ لوہے کے چنے والی بات بھی ہے۔

 لاہور(ویب ڈیسک)زینب واقعے کے مرکزی ملزم عمران عرف مانا نے اپنے جرم کا اعتراف کرلیا جب کہ ملزم کی مقتولہ زینب کے والد سے ملاقات بھی کرائی گئی ہے۔ پولیس نے دعویٰ کیا ہے کہ قصور واقعے کے مرکزی ملزم عمران کو رات گئے مقابلے کے بعد گرفتار کیا گیا،جب پولیس ملزم کی گرفتاری کے لیے موقع پر پہنچی تو اس نے اہلکاروں پر فائرنگ کردی تاہم مقابلے کے بعد اسے گرفتار کرلیا گیا۔واقعے کی تحقیقات کرنے والی مشترکہ تحقیقاتی  ٹیم کے اراکین نے تفتیش مکمل کرتے ہوئے بتایا کہ چار  ملزمان نے عمران کو واردات کے بعد چھپنے میں مدد فراہم کی جب کہ ان میں سے ایک ملزم عمران کے خلاف وعدہ معاف گواہ بن گیا ہے۔ پنجاب فرانزک لیب نے تمام ملزمان کے پولی گرافک ٹیسٹ مکمل کرکے رپورٹ جے آئی ٹی کے حوالے کردی ہے ۔

یاد رہے کہ ملزم عمران کی گرفتاری کے بعد سوشل میڈیا پر اپنے پیغامات میں سکھ کا سانس لیا ہے ،جبکہ عام شہریو ں نے سفا ک ملز م پر لعنت لعنت جیسے الفاظ بھی لکھے ہیں،

کراچی (ویب ڈیسک ) پاکستان تحریک انصاف کی قیادت نے عوامی تحریک کے ن لیگ مخالف احتجاج کے دوران خیبرپختونخوا حکومت کو تحلیل کرنے کے آپشن پر عمل درآمد نہ کرنے کا فیصلہ کیا ہے۔ پی ٹی آئی کی قیادت سینیٹ قومی اور صوبائی اسمبلیوں سے اپنے ارکان کو استعفیٰ دلانے کے آپشن پر بھی اختلافات پیدا ہو گئے ہیں۔ عمران خان نے پارٹی کی مرکزی و تمام صوبائی قیادت کو عام انتخابات کیلئے ” عوامی رابطہ مہم“ کا شیڈول تیار کرنے کی ہدایت کر دی ہے، پی ٹی آئی کے سینئر رہنماﺅں نے پارلیمنٹ اور صوبائی اسمبلیوں سے استعفیٰ دینے کے معاملے کی مخالف کر دی ہے۔ اطلاعات ہیں کہ عمران خان موجودہ سیاسی صورتحال پر مربوط حکمت عملی کے تعین کیلئے اپنی پیرنی ”بشریٰ بی بی“ سے بھی مشاورت کر رہے ہیں۔ عمران خان کو ان کی پیرنی نے رائے دی ہے کہ ” تحریک انصاف عام انتخابات کی تیاریوں کیلئے عوامی رابطہ مہم“ کو تیز کرے اور اسمبلیوں سے استعفیٰ دینے کے آپشن پر عمل درآمد سیاسی حالات کو دیکھ کر کیا جائے“۔ اس مشاورت پر پی ٹی آئی کے اہم رہنما لاعملی کا اظہار کر رہے ہیں۔ عمران خان نے اپنی پیرنی اس رائے کے سامنے آنے اور پارٹی کے اہم رہنماﺅں سے مشاورت کے بعد فوری طور پر پارلیمنٹ اور اسمبلیوں سے استعفیٰ دینے کے آپشن پر عمل درآمد عارضی طور پر روک دیا ہے۔ پی ٹی آئی کی جانب سے اسمبلیوں سے استعفیٰ دینے کے آپشن کا کارڈ سیاسی صورتحال کو مد نظر رکھتے ہوئے اچانک استعمال کیا جائے گا۔

اسلام آباد (ویب ڈیسک )خطرے کی گھنٹی بج گئی ، ملک میں دوبارہ پانی کا بحران پیدا ہونے کا خطرہ بڑھ گیا ۔حکومت نے قومی اسمبلی میں انکشاف کیا کہ تمام چھوٹے بڑے ڈیموں میں پانی کا ذخیرہ خطرناک حد تک کم ہو گیا،منگلا ڈیم میں سات اعشاریہ چالیس ملین ایکڑ فٹ زخیرے کی گنجائش ہے منگلا ڈیم میں پانی کا موجودہ ذخیرہ صرف اعشاریہ 68 فٹ رہ گیاتربیلا ڈیم میں 6.174ملین ایکڑ فٹ کی گنجائش تربیلا ڈیم میں موجود زخیرہ صرف 1.274فٹ رہ گیا خان پور، میرانی، حب ڈیم ، اور گومل زام ڈیم کو بھی پانی کی کمی کا سامنا ہے ۔ وزارت صنعت و پیداوارنے قومی اسمبلی میں تحریری جواب دیتے ہوئے بتایا کہ پاکستان سٹیل ملز حکومت کی نجکاری فہرست میں شامل ہیں، انتظامیہ نے سٹیل ملز کو منافع بخش بنانے کا کوئی منصوبہ نہیں دیا، کابینہ کمیٹی برائے نجکاری کوپاکستان سٹیل ملز کی نجکاری کا قابل عمل منصوبہ تیار کرنے کی ہدایت کی گئی ہے،وزارت نجکاری کمیشن پاکستان سٹیل ملز کی نجکاری کے لیے حالات پیدا کر رہا ہے، 188 ارب روپے کے قرضوں،ذمہ داریوں کے تصفیے کے لیے کوششیں جاری ہیں۔پیر کو وزارت قومی تحفظ خوراک نے قومی اسمبلی کو آگاہ کیا کہ وزیر اعظم کی جانب سے کسانوں کیلئے اعلان کردہ 341ارب روپے کے پیکیج کے تحت 12.5ایکڑ تک اراضی رکھنے والے چاول اور کپاس کے کاشتکاروں کو فی ایکڑ 5ہزار روپے کی براہ راست نقد امداد دی گئی ،فاسفیٹک فرٹیلائزر پر 20ارب روپے کی امدادی رقم میں سے 18ارب سے زائد سٹیٹ بنک کے تقسیم کر دئیے ہیں وزارت صنعت و پیداوارنے قومی اسمبلی میں تحریری جواب دیتے ہوئے بتایا کہ پاکستان سٹیل ملز حکومت کی نجکاری فہرست میں شامل ہیں، انتظامیہ نے سٹیل ملز کو منافع بخش بنانے کا کوئی منصوبہ نہیں دیا، کابینہ کمیٹی برائے نجکاری کوپاکستان سٹیل ملز کی نجکاری کا قابل عمل منصوبہ تیار کرنے کی ہدایت کی گئی ہے, وزارت نجکاری کمیشن پاکستان سٹیل ملز کی نجکاری کے لیے حالات پیدا کر رہا ہے، 188 ارب روپے کے قرضوں, ذمہ داریوں کے تصفیے کے لیے کوششیں جاری ہیں، وزارت مذہبی امور و بین المذاہب ہم آہنگی نے تحریری طور پر آگاہ کیا کہ مدرسہ ریفارم سکیم کے تحت 251 مدارس کے اساتذہ کو وزارت تنخواہیں دے رہی ہے ،اساتذہ کو 3ہزارسے 5 ہزار روپے ماہانہ ادا کئے جا رہے ہیں۔حکومت نے قومی اسمبلی کو بتا دیاتمام چھوٹے بڑے ڈیموں میں پانی کا ذخیرہ خطرناک حد تک کم ہو گیا،منگلا ڈیم میں سات اعشاریہ چالیس ملین ایکڑ فٹ ذخیرے کی گنجائش ہے منگلا ڈیم میں پانی کا موجودہ ذخیرہ صرف اعشاریہ 68 فٹ رہ گیاتربیلا ڈیم میں 6.174ملین ایکڑ فٹ کی گنجائشتربیلا ڈیم میں موجود زخیرہ صرف 1.274فٹ رہ گیا خان پور، میرانی، حب ڈیم ، اور گومل زام ڈیم کو بھی پانی کی شدید قلت کا سامنا ہے۔ قومی اسمبلی میں حکومت کو کورم کا مسئلہ درپیش ، کورم پورا نہ ہونے پر ایوان کی معمول کی کاروائی شروع نہ ہوسکی ، پی ٹی آ ئی کی رہنما اور رکن قومی اسمبلی شیریں مزاری نے کہا کہ تحریک انصاف کے چیئرمین عمران خان کے خلاف اس اسمبلی قرار داد منظور کی گئی،مگر ہمیں اس پر بات کرنے کا موقع کئی دنوں سے نہیں دیا جارہا، اسپیکر قومی اسمبلی سردار ایاز صادق نے شیریں مزاری کا مائیک بند کروادیا،مائیک بند ہونے پر شیریں مزاری بغیر مائیک کے بدولتی رہیں، اسپیکر قومی اسمبلی نے کہا کہ قواعد پڑھ لیں، وقفہ سوالات کے دوران نکتہ اعتراض پر بات نہیں کر سکتے۔ اسپیکر نے اجلاس کی کارروائی کورم پورا ہونے تک معطل کردی، اجلاس کی کارروائی ایک گھنٹہ تک معطل رہنے کے بعد دوبارہ گنتی پر کورم پورا نہ ہو سکا، ڈپٹی سپیکر مرتضی جاوید عباسی نے اجلاس (آج) صبح 10:30بجے تک ملتوی کر دیا۔ پیر کو قومی اسمبلی کا اجلاس اسپیکر قومی اسمبلی سردار ایاز صادق کی صدارت میں ہوا ۔ اجلاس میں اسپیکر قومی اسمبلی نے وقفہ سوالات کا اعلان کیا تو پی ٹی آ ئی کی رہنما اور رکن قومی اسمبلی شیریں مزاری نکتہ اعتراض پر بات کرنے کیلئے مائیک مانگا ۔ جس پر اسپیکر نے ان کو بات کرنے کی اجازت دی ۔ پی ٹی آ ئی کی رہنما اور رکن قومی اسمبلی شیریں مزاری نے کہا کہ تحریک انصاف کے چیئرمین عمران خان کے خلاف اس اسمبلی قرار داد منظور کی گئی،مگر ہمیں اس پر بات کرنے کا موقع کئی دنوں سے نہیں دیا جارہا، اسپیکر قومی اسمبلی سردار ایاز صادق نے شیریں مزاری کا مائیک بند کروادیا،مائیک بند ہونے پر شیریں مزاری بغیر مائیک کے بدلتی رہیں، اسپیکر قومی اسمبلی نے کہا کہ قواعد پڑھ لیں، وقفہ سوالات کے دوران نکتہ اعتراض پر بات نہیں کر سکتے، جس پر شیریں مزاری نے کہا کہ وہ کورم کی نشاندہی کرتی ہیں، اسپیکر نے ان کا مائیک کھلوانے کی ہدایت کی اور انہوں نے کورم کی نشاندہی کی، اسپیکر نے گنتی کی ہدایت کی ، گنتی پر کورم پورا نہ ہو سکا، اسپیکر نے اجلاس کی کارروائی کورم پورا ہونے تک معطل کردی، اجلاس کی کارروائی ایک گھنٹہ تک معطل رہنے کے بعد دوبارہ گنتی پر کورم پورا نہ ہو سکا، ڈپٹی سپیکر مرتضی جاوید عباسی نے اجلاس آج صبح 10:30بجے تک ملتوی کر دیا۔

کراچی (ویب ڈیسک) ملک میں الیکشن کا موسم قریب ہونے لگا تو سیاسی پروندوں نے بھی نئی پناہگاہوں کی طرف اڑان بھرنے کا سلسلہ شروع ہوگیا، پاکستان تحریک انصاف کے مرکزی رہنما سابق گورنر پنجاب چودھری سرور نے پارٹی چھوڑنے کا فیصلہ کرلیا ہے، آصف علی زرداری سے معاملے طے ہوگئے ہیں جلد پیپلزپارٹی میں شرکت کرنے کا اعلان کرینگے۔ باوثوق ذرائع کے مطابق پاکستان تحریک انصاف کے رہنما سابق گورنر پنجاب چودھری سرور ایک مرتبہ پھر سے اپنی پارٹی چھوڑنے کا فیصلہ کرچکے ہیں اور جلد پیپلزپارٹی میں شمولیت کا اعلان کرینگے، اس ضمن میں معتبر ذرائع کا کہنا ہے کہ تحریک انصاف کے رہنما چودھری سرور کی کافی دونوں سے پیپلزپارٹی کے سربراہ و سابق صدر آصف علی زرداری کے ساتھ بات چیل رہی تھی ۔لہٰذا چند روز پہلے دونوں کے بیچ معاملات طے پا گئے ہیں صرف پیپلزپارٹی میں شمولیت کا اعلان رہتا ہے اور وہ چند روز کے اندر پیپلزپارٹی میں شمولیت کا اعلان کرینگے۔