لاہور: (ویب ڈیسک) لاہور ہائیکورٹ نے تلور کے شکار پر پابندی کا فیصلہ واپس ل لیادالت نے تلور کے شکار پر پابندی کیخلاف درخواستوں پر وکلا کو دلائل کیلئے 8 فروری کو طلب کر لیا۔چیف جسٹس لاہور ہائیکورٹ جسٹس منصور علی شاہ نے تلور کے شکار پر پابندی کا عبوری فیصلہ واپس لے لیا۔ چیف جسٹس لاہور ہائیکورٹ جسٹس منصور علی شاہ نے چند روز قبل تلور کے شکار پر ایک برس کیلئے پابندی عائد کی تھی۔ چیف جسٹس سید منصور علی شاہ نے تلور شکار پر پابندی کا فیصلہ واپس لیتے ہوئے ریمارکس دیئے کہ کمیشن کی رپورٹ کا تفصیلی جائزہ لینے پر مزید حقائق سامنے آئے ہیں، تلور کے شکار پر پابندی سے قبل کمیشن کی رپورٹ پر تفصیلی بحث کی ضرورت ہے۔چیف جسٹس لاہور ہائیکورٹ جسٹس منصور علی شاہ نے حکم دیا کہ فریقین کے وکلائ 8 فروری کو پیش ہو کر دلائل دیں۔

پشاور (خصوصی رپورٹ) 19لا کھ سے ز ائد افغان مہاجرین کی وطن واپسی کی ڈیڈ لائن ختم ہونے کے بعد ممکنہ طور پر مزید پانچ مہینے کی توسیع کی منظوری آج وفاقی کابینہ کے اجلاس میں دیئے جانے کے امکانات ہیں وزارت سیفران کے ذرائع کے مطابق ممکنہ طور پر ان کی توسیع آج ہونے والے وفاقی کابینہ کے اجلاس میں دیئے جانے کے امکانات ہیں غیررجسٹرڈ افغان مہاجرین کی رجسٹریشن کے مراکز بھی بند کردیئے گئے ہیں رجسٹرڈ افغان مہاجرین کی رضاکارانہ وطن واپسی موسم سرما کے باعث تین مہینوںکے لئے ملتوی ہیں افغان مہاجرین کی ڈیڈلائن آج ختم ہونے کے باعث ذرائع نے بتایا ہے کہ ان کی ڈیڈ لائن میں مزید پا نچ مہینے کی توسیع کی تجویز ہے گزشتہ روز وزارت سیفران نے اس حوالے سے اجلاس بھی منعقد ہوا پانچ مہینے کی توسیع کی حتمی منظوری وفاقی کابینہ کی طرف سے آئندہونے والے اجلاس میں دی جائیگی افغان مہاجرین کی ڈیڈ لائن ختم ہونے کے بعد رجسٹرڈ اور غیررجسٹرڈ کاروباری افغان مہاجرین میں شدید خوف و ہراس پھیلا ہوا ہے افغان حکومت کے دہشت گردی کے الزامات پاکستان حکومت پر عائدکر رہی ہے جبکہ پشاور سمیت ملک بھر میں دہشت گردی کے سینکڑوں واقعات رونماءہو چکے ہیں ۔

لاہور(خصوصی رپورٹ)نئے سال کا پہلا چاند گرہن آج ہو گا ،بلیو مون اور سپر مون بھی ایک ساتھ دیکھے جا سکیں گے ۔آج پاکستان سمیت پوری دنیا میں چاند گرہن کا یادگاراور دلفریب واقعہ رونما ہوگا جسے سپر بلڈ بلیو مون بھی کہا جاتا ہے ۔گزشتہ 150سال میں ایسا واقعہ کبھی رونما نہیں ہوا،یہ نظارہ آج بدھ کے روز مغربی شمالی امریکہ، ایشیا، مشرق وسطی اور روس کے علاقوں میں دیکھا جاسکے گا۔اس مکمل چاند گرہن کی خاص بات یہ ہے کہ ایک جانب تو یہ مکمل چاند یعنی بدر ہوگا۔ دوم یہ سپرمون بھی ہے یعنی عام حالات کے مقابلے میں یہ 14 فیصد بڑا دکھائی دے گا اور اس پر چاند کو گرہن لگنے کا منظر ایک دلفریب نظارہ پیش کرے گا۔ اس دوران زمین کا سایہ چاند پر پڑنے سے اس کی رنگت سرخی مائل دکھائی دے گی۔ ان تمام مظاہر کی بنیاد پر اسے سپر بلیو بلڈ مون کا نام دیا گیا ہے ۔ تاریخی لحاظ سے 1866 میں ایسا نظارہ دیکھا گیا تھا۔اور ایسا نظارہ آئندہ 31 دسمبر2028اور اس کے بعد31جنوری2037کو دیکھا جا سکے گا۔محکمہ موسمیات کے مطابق سال کا پہلا چاند گرہن 5 گھنٹے 17منٹ طویل ہوگا۔یہ چاند گرہن 6 بج کر31منٹ پر عروج پرہوگا۔جبکہ 3 بج کر51منٹ پر شروع ہوکر9بج کر8منٹ پر ختم ہوگا۔جبکہ محکمہ موسمیات کی جاری کردہ رپورٹ کے مطابق سال کا دوسرا چاند گرہن 27 اور28جولائی کی درمیانی شب کو وقوع پذیر ہوگا۔جو کہ 6 گھنٹے 14 منٹ طویل ہوگا اور 27جولائی کی شام 10بج کر 15منٹ پر شروع ہوگا اور 28 کی صبح 4 بج کر29منٹ پر ختم ہوگا۔

لاہور (خصوصی رپورٹ) ماس ٹرانزٹ اتھارٹی کی روٹس کی بندش کیلئے ایل ٹی سے مشاورت شروع۔ ایل ڈی سی کے بی ٹی اور بی فور نجی ٹرانسپورٹ کے روٹ نمبر 105‘ 107‘ 102 اور 103 بند کردیئے جائیں گے۔ اورنج ٹرین منصوبے کو کامیاب بنانے کے لیے ٹریک سے ملحقہ پبلک ٹرانسپورٹ کے سات روٹ بند کرنے کا فیصلہ کیا گیا ہے۔ ماس ٹرانزٹ اتھارٹی نے روٹس کی بندش کے لیے ایل ٹی سی سے مشاورت شروع کر دی۔ پبلک ٹرانسپورٹ کی سہولیات اورنج لائن منصوبہ کی نذر ہونے لگیں۔ اورنج ٹرین کے ٹریک کی تعمیر کے بعد پبلک2 ٹرانسپورٹ کے سات روٹس بند کرنے کا فیصلہ کر لیا گیا۔ جبکہ پبلک ٹرانسپورٹ کے گیارہ روٹ بالواسطہ متاثر ہوں گے۔ 7 روٹس بند کرنے کے بعد چار پبلک ٹرانسپورٹ روٹس کو از سر نو ترتیب دیا جائے گا۔ ٹھوکر نیاز بیگ جی ٹی روڈ اور ریلوے سٹیشن سے چلنے والے ایل ٹی سی کے دو روٹس بی ٹو اور بی فور کو بند کرنے کا حکم دیا گیا ہے۔ جبکہ ملتان روڈ، ملتان چونگی، سبزہ زار، سکیم موڑ، چوبرجی، جی ٹی روڈ اور پرائیویٹ ٹرانسپورٹ کے پانچ روٹس 105،107،104،102 اور 103 بھی بند کر دئیے جائیں گے۔ اورنج ٹرین منصوبے کی تکمیل کے بعد ٹریک کے ساتھ پبلک ٹرانسپورٹ چلانے کی اجازت نہیں ہوگی۔ اور ایل ٹی سی پبلک ٹرانسپورٹ کی بندش پر عمل درآمد بھی کرائے گی۔

لاہور (خصوصی رپورٹ) مسلم لیگ (ن) نے سینٹ کے انتخابات میں تحریک انصاف چھوڑ کر آنے والے جاوید ہاشمی کو ٹکٹ دینے کا فیصلہ کر لیا۔ باخبر ذرائع کے مطابق مخدوم جاوید ہاشمی کو سینٹ کی اسی جنرل سیٹ کیلئے امیدوار بنایا جا رہا ہے جس پر 2012ءمیں موجودہ گورنر پنجاب رفیق رجوانہ سنیٹر بنے تھے اور پھر مئی 2015ءمیں گورنر پنجاب بنائے جانے سے یہ نشست خالی ہوئی تھی۔ جس پر سعود مجید کو مئی 2015ءمیں سینٹ کیلئے منتخب کروایا گیا۔

پشاور (خصوصی رپورٹ)چیئرمین تحریک انصاف عمران خان نے خیبرپختونخوا حکومت کے ہیلی کاپٹرز کا دل کھول کر مفت استعمال کیا اور ہیلی کاپٹر کو رکشہ بنادیا اور انہوں نے 18ہزار کلومیٹر کا سفر صرف 21لاکھ میں کیا وہ سرکاری طور پرکیا ۔ تحریک انصاف کے سربراہ عمران خان نے خیبرپختونخوا کے ہیلی کاپٹر وں میں وزیراعلی پرویز خٹک کی منظوری سے مسافت کے لحاظ سے تقریبا آدھی دنیا کا مفت سفر کیا۔ ان کے 40 فضائی سفروں پر اٹھنے والے اخراجات کی رقم تو کروڑوں روپے میں ہے تاہم صوبائی حکومت کی سرکاری دستاویز میں ہیلی کاپٹرز کے استعمال کی مد میں صرف 21 لاکھ7 ہزار 181 روپے کے اخراجات کا تذکرہ ہے۔ دستاویز کے مطابق پاکستان تحریک انصاف کے سربراہ عمران خان نے خیبرپختونخوا حکومت کے دو ہیلی کاپٹروں ایم آئی 171 اور ایکیوریل پرتقریبا 74 گھنٹے اڑان بھری۔ عمران خان نے ایم آئی 171 ہیلی کاپٹر پر 22 گھنٹے سفر کیا جس پر 12 لاکھ 70 ہزار 306 روپے کے اخراجات آئے جبکہ اسی طرح ایکیوریل ہیلی کاپٹر پر 52 گھنٹے سفر کیا گیا جس پر 8لاکھ 36 ہزار 875 روپے خرچہ آیا۔ دستاویز کے مطابق عمران خان نے کل 74 گھنٹے سرکاری ہیلی کاپٹرز پر پرواز کی اور اس پر مجموعی طور پر 21 لاکھ7 ہزار 181 روپے کے اخراجات آئے، اس حساب سے فی گھنٹہ سفر کا اوسط خرچہ 28 ہزار 475 روپے بنتا ہے لیکن وزیراعلی کے پرنسپل ایڈوائزر برائے ٹیکنیکل ٹریننگ اور ایوی ایشن محمد امین کے مطابق سرکاری ہیلی کاپٹر پر فی گھنٹہ ڈیرھ سے دو لاکھ روپے خرچہ آتا ہے اور ڈیڑھ لاکھ روپے فی گھنٹہ کے حساب سے عمران خان کے 74 گھنٹوں کا خرچہ ایک کروڑ 11 لاکھ روپے بنتا ہے۔

اسلام آباد (خصوصی رپورٹ) اسلام آباد میں پولیس نے نقیب اللہ محسود قتل کیس میں معطل ایس ایس پی ملیر را انوار کی گرفتاری کے لیے چھاپہ مارا ہے۔ پولیس ذرائع کے مطابق اسلام آباد پولیس نے چھاپہ مارنے میں کراچی پولیس کی معاونت کی چھاپہ مار ٹیم نے ایف ٹین فور گلی 43 کے ایک گھر پر چھاپہ مارا گیا اس کے باہر را انوار کے اشتہاری ہونے کا پوسٹر بھی چسپاں کر دیا گیا ہے کہ جس پر تحریر موجود ہے کہ جس شخص کو بھی را انوار کے بارے میں علم ہو وہ پولیس کو آگاہ کرے۔ آئی جی پولیس اے ڈی خواجہ کا سپریم کورٹ کی جانب سے را انوار کی گرفتاری کے لیے دی گئی ڈیڈ لائن ختم ہونے پر کہنا تھا کہ تاحال را انوار کی گرفتاری کے حوالے سے کسی قسم کی کامیابی حاصل نہیں ہو سکی ہے تاہم را انوار کی گرفتاری کے لیے سنجیدہ اقدامات کیے جا رہے ہیں۔ دریں اثناءرا انوار نے نجی ٹی وی سے گفتگو کرتے ہوئے اسلام آباد میں اپنے گھر پر چھاپے کی تردید کر دی۔ انھوں نے کہا کہ پولیس کی جانب سے میرے گھر پر کوئی چھاپہ نہیں مارا گیا۔ سابق ایس ایس پی نے کہا کہ اسلام آباد میں چھاپہ ٹی 43 مکان نمبر 133 سیکٹر ایف 10 میں مارا گیا، جس مکان پر چھاپا مارا گیا وہ میرا نہیں ہے۔ معطل ایس ایس پی ملیر نے اسلام آباد ایف ٹین کے مکان کے یوٹیلیٹی بلز بھی بھیج دیے ہیں، یوٹیلیٹی بلز اور پراپرٹی ٹیکس کے بل پر مالک مکان کا نام وقاص رفعت درج ہے۔ را انوار نے بتایا کہ وہ پاکستان میں ہی موجود ہیں لیکن موجودہ حالات میں پیش نہیں ہو سکتے۔ انہوں نے بتایا کہ پولیس جس مکان پر چھاپہ مارا وہ 25 سال پہلے فروخت کر دیا تھا جب کہ شناختی کارڈ پر پتہ سیکیورٹی وجوہات کی بناءپر تبدیل کروایا۔

اسلام آباد (نیااخبار رپورٹ) پاکستان میں فضائی آلودگی ایک بحران کی شدت اختیار کرچکی ہے اور ہر سال اس آلودگی سے 20 ہزار افراد وقت سے قبل موت کے شکار ہورہے ہیں جبکہ مزید 5 لاکھ افراد اس سے کئی امراض کا سامنا کررہے ہیں۔ورلڈ بینک نے اس تناظر میں ایک رپورٹ جاری کی ہے جس کا عنوان کلیننگ پاکستانی ائیر، پالیسی آپشنز ٹو ایڈریس دی کوسٹ آف آﺅٹ ڈور پلیوشن ہے۔رپورٹ میں کہا گیا ہے کہ پورے جنوبی ایشیا میں پاکستان واحد ملک ہے جہاں شہر تیزی سے پھیل رہے ہیں اور وہاں سواریوں اور توانائی کا استعمال بڑھ رہا ہے۔ اس سے گنجان آباد شہروں میں فضائی آلودگی ایک خوفناک مسئلے کے طور پر سامنے آئی ہے اور ناقص فضا و ہوا سے ماحولیاتی تباہی مسلسل بڑھ رہی ہے اور عوام کے معیار زندگی پر فرق پڑ رہا ہے۔ رپورٹ میں کہا گیا ہے کہ پاکستان کے بڑے شہروں کی فضا میں آلودگی کی وجہ بننے والے ذرات یا پارٹیکل میٹر (پی ایم) خطے کے دیگر ممالک کے شہروں سے بھی زیادہ ہیں اور ان ممالک میں بھوٹان، بھارت اور سری لنکا شامل ہیں۔ رپورٹ کے مطابق ان ممالک نے اپنے طور پر فضائی آلودگی ختم کرنے کے لیے کئی اقدامات کیے ہیں لیکن پاکستان کو اب بھی ان اقدامات پر عمل کرنا ہے اور ورنہ اسے آلودہ ہوا کی بھاری قیمت چکانا پڑے گی۔ عالمی بینک نے اس ضمن میں ایک مطالعہ کرنے کے بعد کہا ہے کہ ملک میں 2007ءسے 2011ءتک پائے جانے والے فضائی آلودگی کے ذرات یا پی ایم کو ناپا گیا جن میں سلفر ڈائی آکسائیڈ اور سیسہ سرِفہرست ہے۔کراچی کی فضا میں پی ایم 25 فضائی آلودگی کی شرح 88 مائیکروگرام فی مکعب میٹر ہے۔ یہ مقدار عالمی ادارہ صحت کی رہنما ہدایت کے مقابلے میں کہیں زیادہ ہے۔ صرف کراچی میں سالانہ 9000 افراد فضائی آلودگی سے قبل از وقت موت کے منہ میں جا رہے ہیں۔ رپورٹ کے مطابق گزشتہ بیس برس میں پاکستان میں گاڑیوں کی تعداد بیس لاکھ سے بڑھ کر ایک کروڑ چھ لاکھ ہو چکی ہے جبکہ موٹرسائیکلوں کی سالانہ تعداد 450 فیصد سے بڑھ کر 600 فیصد تک ہوئی ہے۔ سیمنٹ، چینی، سٹیل، پاور پلانٹ اور کھاد بنانے والے کارخانوں کو فرنس آئل سے چلایا جا رہا ہے۔ جس سے سلفر کی آلودگی بڑھ رہی ہے۔ پاکستان میں ہر روز 54 ہزار میٹرک ٹن ٹھوس کچرا پیدا ہوتا ہے جو یا تو نشیبی علاقوں میں پھینکا جا رہا ہے یا پھر اسے جلا دیا جاتا ہے۔ کسان فصل کٹائی کے بعد گنے کے کھیتوں اور چاول کی پھوگ کو جلا رہے ہیں ۔ خشک موسم اور تیز رفتار ہوائیں سندھ اور جنوبی پنجاب میں گردوغبار بڑھا رہی ہیں اور یوں پی ایم 10 کی مقدار ہوا میں بڑھتی جاری ہے۔ اور یوں پی ایم 10 کی مقدار ہوا میں بڑھتی جا رہی ہے۔ پاکستان میں ہر سال 80 ہزار سے زائد فضائی آلودگی کی وجہ سے ہسپتالوں میں داخل کیے جا رہے ہیں۔

لاہور (مانیٹرنگ ڈیسک) سینیٹ الیکشن رکوانے میں ناکامی کے بعد تحریک انصاف کو سینیٹ الیکشن کی فکر لاحق ہو گئی۔ سینیٹ الیکشن لڑنے کے لئے پارلیمانی لیڈرز کو ہدایات جاری کر دی گئیں۔ پنجاب میں کم سیٹوں کے باوجود سینیٹ الیکشن میں حصہ لینے کا اعلان کر دیا گیا۔پہلے تحریک انصاف سینیٹ الیکشن کی بجائے عام انتخابات کی خواہشمند تھی۔ لاکھ کوششیں کیں، مطالبہ بھی کیا مگر سینیٹ الیکشن رکوانے میں ناکامی کے بعد اب پی ٹی ا?ئی کو سینیٹ الیکشن کی فکر لاحق ہو گئی ہے۔ تحریک انصاف نے سینیٹ الیکشن کے لئے جوڑ توڑ شروع کر دی ہے۔پی ٹی آئی نے پنجاب میں بھی کم ارکان کے باوجود سینیٹ الیکشن میں حصہ لینے کا فیصلہ کر لیا۔ پنجاب میں تحریک انصاف کے 30 ارکان ہیں اور اس کیلئے پنجاب میں اکیلے سینیٹ کی سیٹ نکالنا مشکل ہے۔ پارٹی کو اس مقصد کیلئے پیپلز پارٹی اور مسلم لیگ ق سے اتحاد کرنا پڑے گا۔سینیٹ الیکشن کے حوالے سے پی ٹی آئی نے پارلیمانی لیڈرز کے مشاورتی اجلاس طلب کر لئے ہیں۔

لاہور (آن لائن) پاکستان مسلم لیگ ق کے رہنما اور سابق وزیراعلیٰ پنجاب پرویزالٰہی کے صاحبزادے مونس الٰہی گزشتہ روز نیب لاہور کے روبرو پیش ہوگئے نیب لاہور نے چوہدری مونس الٰہی کو ان کی آف شور کمپنیوں کے حوالے سے طلب کر رکھا تھا چوہدری مونس الٰہی کے بارے میں انہوں نے اپنی آف شور کمپنیوں کے حوالے سے نیب لاہور کو پہلے ہی تمام ریکارڈ فراہم کر رکھا تھا جس کی نیب لاہور نے پیشی کے دوران باقاعدہ تصدیق کی۔ ذرائع کے مطابق مونس الٰہی نے نیب لاہور کے سامنے پیش ہو کر اپنی آف شور آف کمپنیوں کے بارے میں نیب لاہور کے مختلف سوالات کا جواب دیا۔ ان کا یہ بھی کہنا تھا کہ ان کی آف شور کمپنی ایف بی آر میں باقاعدہ رجسٹرڈ ہے جس کے ثبوت نیب کو دئیے گئے ہیں۔ تاہم نیب لاہور نے مونس الٰہی سے اپنے اثاثوں و بینک اکاﺅنٹس کے ذریعے آف شور کمپنی کو فراہم کئے گئے پیسوں کے حوالے سے سوال کئے اور انہوں نے یہ بھی کہا کہ انہوں نے اپنے اور اپنی اہلیہ کے اکاﺅنٹ سے کتنی ٹرانزکشن کی اور اس وقت ان کے اکاﺅنٹ میں کتنی رقم موجود ہے۔