اسلام آباد(ویب ڈیسک)قومی اسمبلی میں عمران خان اور شیخ رشید کےخلاف مذمتی قرارداد متفقہ طور پر منظورکر لی گئی ، قرارداد منظوری کے وقت تحریک انصاف کے ارکان ایوان میں موجود نہیں تھے،قرارداد کے متن میں کہا گیا ہے کہ ایوان عمران خان اور شیخ رشید کے الفاظ کی سخت مذمت کرتا ہے،چیئرمین تحریک انصاف اور سربراہ عوامی مسلم لیگ ایوان کے رکن ہیں لیکن دونوں نے پارلیمان کے تقدس کو مجروح کیا،قرارداد کے متن میں کہا گیا ہے کہ پاکستان کا استحکام اور بلندی جمہوریت سے وابستہ ہے،پارلیمان عوام کا نمائندہ ادارہ اور جمہوریت کی علامت ہے،لاہور جلسے میں 22 کروڑ عوام کے مینڈیٹ کی توہین کی گئی جس کی ایوان مذمت کرتا ہے۔

آسلام آباد (ویب ڈیسک)مسلم لیگ ن کو حکومت جانے کے بعد بلوچستان میں ایک اور بڑا دھچکا لگ گیا۔سابق وزیر اعلی اور مسلم لیگ ن بلوچستان کے صدر سردار ثناء اللہ زہری وزیراعظم شاہد خاقان عباسی کی جانب سے استعفیٰ مانگے جانے کے بعد سے ناراض ہوگئے اور انہوں نے جمعرات کو رائے ونڈ میں ہونے والے پارٹی اجلاس میں بھی شرکت نہیں کی ۔ ذرائع نے دعویٰ کیا ہے کہ نوازشریف کی ہدایت پر سینیٹر آصف کرمانی نے سردار ثنائ اللہ زہری کو اجلاس میں شریک ہونے کے لیے فون بھی کیا تھا مگر ثنائ اللہ زہری نے یکسر اجلاس میں شرکت سے انکار کردیا اور موقف اختیار کیا کہ سب نے مل کر ان کے ساتھ کھیل کھیلا ہے نوازشریف نے بھی ان کا ساتھ نہیں دیا جبکہ اتحادی جماعتوں پختونخوا ملی عوامی پارٹی اور نیشنل پارٹی نے بھی انھیں دھوکہ دیا اور ان دونوں اتحادیوں کے کہنے پر ہی وزیراعظم شاہد خاقان عباسی نے ان سے استعفیٰ مانگا ذرائع نے بتایا کہ ثنائ اللہ زہری نوازشریف سے بھی سخت ناراض ہیں اور وہ پارٹی عہدہ بھی چھوڑ نے پر غور کر رہے ہیں زرایع کا کہنا ہے کہ جمعرات کو ہونے والے اجلاس میں بلوچستان اسمبلی کے مستقبل پر غور کیا گیا اور ن لیگ کے باغی اراکین کے خلاف بھی کارروائی کی تجاویز آئی ہیں تاہم۔اس حوالے سے کوئی حتمی فیصلہ نہیں ہو سکا جبکہ بلوچستان میں پارٹی کی تنظیم نو کے لیے عبد القادر بلوچ اور سردار یعقوب ناصر کو ذمہ داری سونپی گئی ہے ذرائع کا کہنا ہے کہ نیشنل پارٹی اور پختونخوا ملی عوامی پارٹی نے بھی بلوچستان میں ہونے والی تبدیلی کا زمہ دار ن لیگ کے اندر ہونے والی بغاوت کو قرار دیا ہے اور کہا ہے کہ اس تبدیلی میں پس پردہ ہاتھوں نے بھی اہم۔اور مرکزی کردار ادا کیا ہے ۔

لاہور(ویب ڈیسک)محکمہ پولیس نے اپنے چھوٹے رینک والے ملازمین کو بھی سرکاری رہائش گاہیں دینے کا فیصلہ کیا ہے اور اس حوالے سے آئی جی پنجاب پولیس کیپٹن (ر)عارف نواز نے تمام ضلعوں کے ڈی پی او ز اور آرپی اوز کو ایک مراسلہ جاری کیا ہے جس میں کہا گیا ہے کہ وہ اپنے اپنے علاقوں میں چھوٹے رینک والے ملازمین کی رہائش کیلئے جگہ کی نشاندہی کریں تاکہ ان چھوٹے ملازمین کو بھی سرکاری رہائش گاہیں فراہم کی جا سکیں ۔

کراچی (ویب ڈیسک) مبینہ پولیس مقابلے میں نوجوان نقیب اللہ محسود کی ہلاکت کے خلاف مختلف شہروں میں مظاہرے جاری ہیں۔شہر قائد میں کراچی پریس کلب پر بھی احتجاجی مظاہرہ کیا گیا جس کے دوران فکس اٹ اور عوامی نیشنل پارٹی کے کارکنوں نے سینئر سپرنٹنڈنٹ پولیس (ایس ایس پی) ملیر راو¿ انوار کے خلاف نعرے لگائے، مظاہرین نے الزام لگایا کہ نقیب اللہ کو جعلی پولیس مقابلے میں مارا گیا۔ضلع ٹانک میں بھی لوگوں نے وزیر آباد سے احتجاجی جلوس نکالا اور کشمیر چوک پر دھرنا دیا۔ مظاہرین کا کہنا تھا کہ نقیب اللہ کے قتل کی شفاف تحقیقات کرائی جائیں۔ضلع بنوں اور بلوچستان کے علاقے ڑوب میں نوجوان کی ہلاکت کے خلاف مظاہرے کیے گئے۔ مظاہرین نے چیف جسٹس سے از خود نوٹس لینے اور واقعے کی تحقیقات کیلیے جوڈیشل کمیشن قائم کرنے کا مطالبہ کیا۔پشاور میں بھی مختلف تنظمیوں کی جانب سے نقیب اللہ محسود کی ہلاکت کے خلاف احتجاجی مظاہرے کیے گئے۔

اسلام آباد (ویب ڈیسک)چیئرمین تحریک انصاف عمران خان نے آج شام پریس کانفرنس میں دھماکا خیز اعلان کرنے کا کہا ہے۔گزشتہ روز عمران خان نے لاہور میں متحدہ اپوزیشن کے احتجاجی جلسے سے خطاب میں پارلیمنٹ کو شدید تنقید کا نشانہ بنایا اور کہا کہ وہ ایسی پارلیمنٹ پر لعنت بھیجتے ہیں جو ایک مجرم کو پارٹی سربراہ بنائے۔ایسی پارلیمنٹ پر لعنت بھیجتا ہوں جو مجرم کو پارٹی سربراہ بنائے، عمران خان عمران خان کے بیان پر سیاسی رہنماو¿ں کی جانب سے تنقید کی گئی جس پر چیئرمین تحریک انصاف نے سماجی رابطے کی سائٹ ٹوئٹر پر رد عمل کا اظہار کیا ہے۔عمران خان نے اپنی ٹوئٹ میں کہا کہ مخصوص پس منظر میں لعنت بھی ایک چھوٹا لفظ ہے، اگر کوئی اعتراض کرتا ہے تواسے چیلنج کرتا ہوں پبلک پول کرا لے۔چیئرمین پی ٹی آئی کا کہنا تھا کہ پبلک پول کرا لیں کہ لوگ ایسی پارلیمنٹ کے بارے میں کیا سوچتے ہیں۔عمران خان نے کہا کہ ’اپنی سیٹ بیلٹس باندھ لیں‘ آج شام پریس کانفرنس میں دھماکا خیز اعلان کروں گا۔