لاہور (خصوصی رپورٹ) نااہل وزیراعظم نواز شریف نے عدلیہ پر دباﺅ بڑھانے کیلئے ن لیگ کے لائرز ونگ کو استعمال کرنے پر کام شروع کر دیا۔ عدلیہ اور وکلاءکا ٹکراﺅ کرا کر معاملہ کو کسی اور طرف لے جانے کے حوالے سے کام شروع ہوگیا۔ باوثوق ذرائع کا کہنا ہے کہ شریف خاندان نے نیب کے مقدمات سے لیکر دیگر مقدمات میں کس طرح ریلیف مل سکتا ہے، کیسے سماعت طویل ہوسکتی ہے، عدلیہ پر کس طرح اتنا پریشر بن جائے کہ یا تو وہ شریف خاندان کے حق میں فیصلہ دے یا عدلیہ کو متنازع ترین بنا دیا جائے، اس پر نہ صرف کام شروع کر دیا گیا بلکہ کئی اہم وکلاءرہنما جو شریف خاندان کے بہت قریب ہیں ان کو ذمہ داری بھی دیدی گئی۔ اسی وجہ سے نواز شریف نے وکلاءکنونشن سے خطابوں کا سلسلہ شروع کر رکھا ہے ، چند دنوں میں مزید کنونشنز سے خطاب یا وکلاءرہنماﺅں سے ملاقاتیں بھی کی جائیں گی۔ جس کے بعد ایک پلاننگ کے تحت وکلاءاور عدلیہ میں لڑائی کرانے کی کوشش کی جائے گی اور ایسا ماحول بنانے کی کوشش کی جائے گی کہ لڑائی میں شریف خاندان کا فائدہ ہو اور کیسوں کی سماعت بھی نہ ہوسکے اور عدلیہ بھی پریشر میں آ جائے۔ اس ضمن میں لوکل، سوشل میڈیا کو کس طرح استعمال کرنا ہے اس پر بھی کام شروع ہو چکا ہے۔ نواز شریف، مریم ، صفدر اور ڈار کے کیسوں میں پہلے سے زیادہ وکلاءپیش ہونگے اور عدلیہ کیخلاف نعرے بازی کرائی جائے گی، حکومتی مشینری کوبھی استعمال کیا جا رہا ہے۔

اسلام آباد(خصوصی رپورٹ) یوٹیلیٹی سٹورز کارپوریشن نے ملک بھر میں1لاکھ روپے سے کم ماہانہ سیل والے سٹوروں کی بندش کا فیصلہ کر لیا ہے ،ملک بھر میں قائم 4ہزار 4سو88 سٹورز میں اس وقت4ہزار 4سو70 سٹورز خسارے کا شکار ہیں صرف18سٹورز منافع بخش ہیںاور کارپوریشن کو ماہانہ48کروڑ روپے سے زائد خسارہ برداشت کرنا پڑ رہا ہے ۔یوٹیلیٹی سٹور ز کارپوریشن کی جانب سے جاری ہونے والے دستاویزات کے مطابق اس وقت پاکستان کے چاروںصوبوں ،آزاد جموں و کشمیر اور گلگت بلتستان میں مجموعی طور پر 4ہزار4سو88سٹورز کا نیٹ ورک موجود ہے جس کے ساتھ ساتھ 812فرنچائزسٹورز بھی کام کر رہے ہیں ان سٹور میں سب سے زیادہ پنجاب میں 2ہزار2سو 94سندھ میں 636خیبر پختونخوا میں 1ہزار103بلوچستان میں 278فاٹا میں 25آزاد جموں و کشمیر میں 65اور گلگت بلتستان میں 87سٹورز کام کر رہے ہیں دستاویزات کے مطابق اس وقت ایبٹ آباد ریجن کے482اسلام آباد ریجن کے 494کراچی ریجن کے 364لاہور ریجن کے 508ملتان ریجن کے 679پشاﺅر ریجن کے 791کوئٹہ ریجن کے 265سرگودھا ریجن کے 607اور سکھر ریجن کے 280سٹورز نقصان میں جارہے ہیں دستاویزات کے مطابق2ہزار 99سٹورز کی ماہانہ سیل 5لاکھ روپے سے کم ہے جن میں ایبٹ آباد ریجن کے 172سٹوراسلام آباد ریجن کے 159 سٹورزکراچی ریجن کے 180سٹورزلاہور ریجن کے 176سٹورزملتان ریجن کے 364سٹورزپشاﺅر ریجن کے 442سٹورزکوئٹہ ریجن کے 142سٹورز سرگودھا ریجن کے 267سٹورز اور سکھر ریجن کے 197سٹورز شامل ہیں دستاویزات کے مطابق کارپوریشن کے 9ریجنز میں واقع 472سٹورز ایسے ہیں جن کی ماہا نہ سیل ایک لاکھ روپے سے بھی کم ہے جن میں ایبٹ آباد ریجن میں 21سٹورز،اسلام آباد ریجن میں 23سٹورز ،کراچی ریجن میں 44سٹورز لاہور ریجن میں 28سٹورز ملتان ریجن میں 50سٹورز پشاﺅر ریجن میں 105سٹورز کوئٹہ ریجن میں 103سٹورز سرگودھا ریجن میں 39اور سکھر ریجن میں 59سٹور ز شامل ہیں کارپوریشن کی انتظامیہ ایک لاکھ روپے سے کم ماہانہ سیل کرنے والے سٹورز کی بندش کی منصوبہ بندی کر رہی ہے تاکہ ماہانہ لاکھوں روپے کے خسارے کو کم کیا جا سکے دستاویزات کے مطابق اس وقت کارپوریشن کے ریگولر ملازمین کی تعداد 5ہزار 807،کنٹریکٹ ملازمین کی تعداد3ہزار 820جبکہ ڈیلی ویجز ملازمین کی تعداد3ہزار649ہے اور اس وقت مجموعی طور پر کارپوریشن کے پاس گریڈ 9سے لیکر گریڈگریڈ 2تک مختلف کیڈر میں 480ملازمین سرپلس ہیں ۔

سوات (ویب ڈیسک) تحصیل کبل میں آرمی یونٹ میں ہونے والے خود کش حملے کے نتیجے میں ایک افسر سمیت 11 سیکیورٹی اہلکار شہید اور 13 زخمی ہو گئے۔پاک فوج کے شعبہ تعلقات عامہ آئی ایس پی آر کے مطابق خود کش حملہ سوات کی تحصیل کبل کے علاقے شریف آباد میں واقع آرمی یونٹ کے اسپورٹس ایریا میں ہوا۔آئی ایس پی آر کے مطابق خود کش حملے میں ایک افسر سمیت 11 اہلکار شہید اور 13 زخمی ہوئے۔سرکاری ذرائع کے مطابق دھماکے میں زخمی ہونے والوں کو طبی امداد کے لیے سیدو شریف اسپتال منتقل کر دیا گیا ہے۔دھماکے کے فوری بعد سیکیورٹی اہلکاروں کی بڑی تعداد نے علاقے کا محاصرہ کر کے تحقیقات کا آغاز کر دیا ہے۔

ملتان(سپیشل رپورٹر) چیف ایڈیٹر روزنامہ خبریں جناب ضیاشاہد نے گزشتہ رات بہاءالدین زکریا یونیورسٹی کے وائس چانسلر ڈاکٹر طاہر امین سے ان کی سرکاری رہائش گاہ پر ملاقات کی۔ اس ملاقات میں ریذیڈنٹ ایڈیٹر ”خبریں“ ملتان غفار احمد میاں اور ایجوکیشن رپورٹر ”خبریں“ فرید ملک، یونیورسٹی کے ڈاکٹر عبدالقدوس صہیب اور ڈاکٹر مقرب اکبر بھی موجود تھے۔ اس ملاقات کی دعوت وائس چانسلر ڈاکٹر طاہر امین کی طرف سے دی گئی تھی۔ ملاقات میں وائس چانسلر نے یونیورسٹی کے سرائیکی ڈیپارٹمنٹ کی طالبہ مرجان زیادتی کیس اور اس میں سرائیکی ڈیپارٹمنٹ کے پروفیسر اجمل مہار کا نام آنے کے حوالے سے بریفنگ دی اور بتایا کہ یونیورسٹی انتظامیہ نے ازخود پروفیسراجمل مہار کو پولیس کے حوالے کیا اور یونیورسٹی انتظامیہ سے ہرطرح تعاون کررہی ہے۔ جناب ضیاشاہد نے کہا کہ اس کیس کے حوالے سے والدین اور سوسائٹی کے تمام طبقات میں شدید تشویش پائی جاتی ہے اور یہاں آنے سے قبل وہ ایک تقریب میں تھے، جہاں شہر بھر سے مختلف مکتبہ فکر کے لوگ موجود تھے اور ان سب میں اس معاملے پر ناصرف تشویش پائی جاتی تھی بلکہ عام تاثر یہی ہے کہ اس قسم کے گندے انڈوں کو اساتذہ کی تنظیمیں بچا لیتی ہیں اور پشت پناہی کرتی ہیں۔ انہوںنے وائس چانسلر سے کہا کہ آپ کو ایسی کالی بھیڑوں کے خلاف سخت اورفوری ایکشن لینا چاہےے اور انہیں نکال باہر کریں۔ چند مکروہ کردار کے حامل افراد کی وجہ سے یونیورسٹی کا تقدس اورپوزیشن خراب کیوں ہو۔انہوں نے کہا کہ ہم سب اس یونیورسٹی کی بہتری کے لئے دعاگو ہیں۔ چیف ایڈیٹر ”خبریں“ نے کہاکہ عمومی تاثر یہ بھی ہے کہ سمسٹر سسٹم کی وجہ سے اساتذہ طالب علموں سے تو رشوت لیتے ہیں جبکہ طالبات پر دباﺅ ڈال کر انہیں ہراساں کرتے ہیں۔ انہوںنے کہا کہ مجھے بہت سے فون موصول ہوئے ہیں اور اس حوالے سے ایک کالم کے جواب میں دو دن میں تین کالم بھی اُسی موضوع پر لوگوں کی طرف سے ہی موصول ہوئے ہیں۔ انہوں نے کہاکہ یونیورسٹی انتظامیہ کا ماحول بہتر بنانے کے لئے سخت اقدامات کرنے ہونگے جس کے جواب میں وائس چانسلرڈاکٹر طاہرامین نے کہا کہ انہوںنے پہلے بھی رعایت نہیں کی اور اب وہ مزید سخت ایکشن لینے کا فیصلہ کرچکے ہیں۔
ضیاشاہد