پیرس(صباح نیوز)ایک تازہ ترین سروے کے مطابق فرانس میں تقریبا چالیس لاکھ یعنی خواتین کی کل آبادی کے بارہ فیصد کا کم از کم ایک مرتبہ ریپ ہو چکا ہے۔فرانسیسی تھنک ٹینک فاﺅنڈیشن جین ییریز کی تحقیق میں یہ بھی معلوم ہوا ہے کہ 43 فیصد خواتین کو ان کی مرضی کے بغیر جنسی انداز میں چھوا گیا ہے۔دنیا بھر کے کئی ممالک کی طرح گذشتہ چند ماہ میں فرانس میں بھی خواتین سوشل میڈیا کے ذریعے اس حوالے سے آواز اٹھا رہی ہیں۔ان میں سے کئی نے Balance ton porc کا ہیش ٹیگ استعمال کیا ہے۔ یہ مہم ہالی وڈ میں پروڈیوسر ہاروی وائن سٹین کے خلاف ریپ کے الزامات سامنے آنے کے بعد شروع کی گئی۔مذکورہ تحقیق گزشتہ روز شائع کی گئی اور اس کا مقصد یہ تھا کہ یہ دیکھا جائے کہ فرانس میں خواتین کو کس حد تک ہراساں کیا جاتا ہے۔تحقیق میں یہ بھی پتا چلا ہے کہ ریپ ہونے والی 12 فیصد خواتین کے علاوہ 58 فیصد کو نازیبہ تجاویز دی گئیں۔تحقیق کے مطابق ہراساں کی جانے والی خواتین کو ایسے حالات کا ایک سے زیادہ مرتبہ سامنا کرنا پڑا۔Balance ton porc مہم کی وجہ سے فرانس میں یہ بحث شروع ہوگئی ہے کہ کیسا برتا ﺅجنسی طور پر ہراساں کرنے کے مترادف ہے۔

بیجنگ(خصوصی رپورٹ )چین میں زچگی کے درد سے تڑپتی ہوئی خاتون کو بروقت ہسپتال پہنچانے کے لیے ٹریفک پولیس نے 18 سگنلز کی لائٹس ’گرین‘ کردیں۔چینی میڈیا رپورٹس کے مطابق جنوب مغربی صوبے کے شہر میانیانگ میں ٹریفک پولیس نے نجی گاڑی کا راستہ نان سٹاپ بنادیا ،زچگی کے درد میں تڑپتی ہوئی خاتون کو جس اسپتال لے جانا تھا وہ اس کے گھر سے 12 کلومیٹر دور تھا اور عام حالات میں یہ فاصلہ ا?دھے گھنٹے سے زائد وقت میں طے ہوتا ہے تاہم پولیس نے صرف 9 منٹ میں 12 کلومیٹر کی مسافت طے کرادی۔

بیجنگ (خصوصی رپورٹ)چین میں جنازوں پر لوگوں کی تعداد بڑھانے کیلئے برہنہ ڈانس کا سہارا لیا جاتا ہے۔رواںسال کے شروعات میں قانون نافذ کرنے والے اداروں نے جنازوں پر سٹرپرز یا نیم برہنہ ڈانسرز کے خلاف کارروائی کرتے ہوئے انھیں ‘فحش اور بیہودہ’ قرار دیا۔ایسا پہلی بار نہیں ہوا کہ حکام نے اس عمل کے خلاف کارروائی کی ہو۔لوگ جنازوں پر سٹرپر کو کیوں بلاتے ہیں؟ایک خیال یہ ہے کہ جنازوں میں شرکت کرنے والے لوگوں کی تعداد کو بڑھانے کے لیے ایسا کیا جاتا ہے ۔ جس جنازے میں جتنے زیادہ لوگ شریک ہوں گے مرنے والے کے لیے اتنے ہی اعزاز کی بات ہوگی۔لیکن کچھ لوگ اسے ‘تولیدی عمل کی عبادت’ سے بھی جوڑتے ہیں۔ہوانگ ژیاجنگ فجیان یونیورسٹی میں پروفیسر ہیں۔انھوں نے سرکاری میڈیا کے ادارے گلوبل ٹائمز سے بات کرت ہوئے کہا کہ کچھ مقامی ثقافتوں میں شہوت انگیز رقص مرنے والے کی بہت سے بچے پیدا کرنے کی خواہش سے جوڑا جاتا ہے۔ایک اور تاثر یہ بھی ہے کہ جنازوں میں سٹرپر کو بلانے کا مقصد اپنی دولت کی نمائش کرنا ہے۔گلوبل ٹائمز کے مطابق دیہی علاقوں میں رہنے والے اپنی سالانہ آمدنی سے کہیں زیادہ پیسہ جنازوں پر اداکاروں، مزاحیہ فنکارو، گلوکاروں اور نیم برہنہ رقاصاں کو بلانے پر لگا دیتے ہیں تاکہ سوگواروں کو ذہنی سکون ملے۔کچھ مقامی ثقافتوں میں رقص مرنے والے کی بہت سے بچے پیدا کرنے کی خواہش سے جوڑا جاتا ہے تو کیا یہ عام ہے؟یہ عمل زیادہ تر چین کے دیہی علاقوں میں دیکھا گیا ہے۔ لیکن اصل میں یہ تائیوان میں زیادہ عام ہے جہاں سے اس کی شروعات ہوئیں۔امریکہ کی ساتھ کیرولائنا یونیورسٹی میں ماہر بشریات مارک ماسکوٹز نے بی بی سی کو بتایا کہ جنازوں پر سٹرپرز کا رقص تائیوان میں انیس سو اسی میں دیکھا گیا۔وہ کہتے ہیں ‘یہ تائیوان میں بہت عام ہے، لیکن چینی حکومت اس پر زیادہ پابندیاں عائد کرتی ہے۔ اسی وجہ سے بہت سے لوگوں کو اس عمل کا نہیں معلوم’۔لیکن تائیوان میں بھی ایسا بڑے شہروں میں نہیں ہوتا۔’جنازوں پر سٹرپنگ ایک ایسا عمل ہے جو کہ نہ تو قانونی ہے اور نہ ہی غیر قانونی۔ یہ آپ کو بڑے شہروں میں دیکھنے کو نہیں ملے گا۔ لیکن زیادہ تر شہروں کے مضافات میں یہ عمل عام ہے۔’