ممبئی (شوبز ڈیسک) بالی وڈ اداکارہ پرینیتی چوپڑا نے کہا ہے کہ یش راج فلمز کے ساتھ منسلک ہونا میرے لئے باعث فخرہے۔ بھارتی میڈیا کے مطابق اداکارہ پرینیتی چوپڑا نے یش راج فلمز کے ساتھ اپنے فلمی سفر سے متعلق گفتگو کرتے ہوئے کہا کہ یش راج فلمز گرل ہونا میرے لئے باعث فخر ہے، مجھے 2011ءمیں یش راج فلمز کے بینر تلے بننے والی فلم ”لیڈیز ورسز رکی بھل“ سے فلمی کیریئر کے آغاز کا موقع ملا، اگرچہ یش راج فلمز کی فلم کا حصہ ہونے کے باوجود یش چوپڑا کی ہدایت کردہ فلموں کا کبھی حصہ نہیں بن سکی لیکن وہ بہت اچھے دوست، استاد اور بہت اچھے انسان تھے۔ اداکارہ پرینیتی چوپڑا ہدایتکار دیباکر بنرجی کی فلم ”سندیپ اور پنکی فرار“، ”نمستے انگلینڈ“ اور ”کیسری“ میں دکھائی دیں گی۔

لندن(شوبز ڈیسک) پاکستان کی معروف اداکارہ مہوش حیات فلم نگری میں تو اپنا کمال دکھاتی ہی ہیں لیکن ساتھ ہی خواتین کے حقوق کے لیے بھی اپنی آواز ہمیشہ بلند رکھتی ہیں۔حال ہی میں انہوں نے لندن کی کوئین میری یونیورسٹی میں پاکستان کی با ہمت خواتین کو خراج عقیدت پیش کیا اور خواتین کو بااختیار بنانے سے متعلق لیکچر بھی دیا۔اس دوران اداکارہ نے بے زبانوں کی زبان معروف قانون دان عاصمہ جہانگیر، مادر ملت فاطمہ جناح، بے نظیر بھٹو اور ملالہ یوسف زئی کو پاکستان کی خاتون آئیکون قرار دیا۔ان کا کہنا تھا کہ یہ ایسی خواتین ہیں جو کبھی بھی دھمکیوں اور ظلم وجبر سے نہیں گھبرائیں اور ہمیشہ مشکلات کا ڈٹ کر مقابلہ کیا۔اداکارہ نے کہا کہ یہ دیکھ کر بے حد خوشی ہوئی کہ عاصمہ جہانگیر کی تدفین میں مختلف شعبوں سے تعلق رکھنے والی خواتین بھی موجود تھیں، جو اس بات کا ثبوت ہے کہ میں اس سرزمین سے ہوں جہاں عاصمہ جہانگیر کو تنقید کا نشانہ بنانے کے باوجود بھی خواتین نے ان کے کام کو سراہا ہے ۔مہوش حیات نے مزید کہا کہ عاصمہ جہانگیر سے قبل باہمت خواتین کی فہرست میں فاطمہ جناح اور بے نظیر بھٹو کا نام بھی آتا ہے جنہوں نے آمریت کا دیدہ دلیری سے مقابلہ کیا۔واضح رہے کہ مہوش حیات خواتین کے حقوق سے متعلق مہم ‘می ٹو می’ کا بھی حصہ ہیں۔لاہور(لیڈی رپورٹر) پنجاب انسٹیٹیوٹ آف لینگویج آرٹ اینڈ کلچر (پلاک) محکمہ اطلاعات و ثقافت حکومت پنجاب کی طرف سے چار روزہ کلچرل فیسٹول کا اہتمام کیاگیا، جس کا افتتاح معروف صوفی ادیب بابا محمد یحییٰ نے کیا ، انہوں نے پلاک حکومت پنجاب کی کاوشوں کی بھرپور تعریف کی اور لوگوں کے عارفانہ کلام اور مثبت انداز کی سرگرمیوں کے ذریعے امن و محبت کی طرف لیجانے کے عمل کو سراہا، کلچرل فیسٹول میں اداکاروں سے ملاقات کا خاص طور پر اہتمام کیاگیا،اداکاروں میں ندیم، شان، مصطفی قریشی، شاہد، انجمن اور یوسف صلاح الدین نے شرکت کی اور اپنے تاثرات کو بیان کرتے ہوئے پنجابی زبان کے بارے میں اپنے تاثرات کااظہار کیا اور اپنی زندگیوں کے مختلف پہلوو¿ں سے اپنے پرستاروں کو آگاہ کیا، کلچرل میلہ میں یوتھ نائٹ ، غزل گائیکی میں ملک کے نامور گلوکاروں کی شرکت نے فیسٹول کو چار چاند لگادیئے

ممبئی (شوبز ڈیسک) بالی وڈ اداکار اکشے کمار نے کہا ہے کہ معاشرتی پیغامات کو پھیلانے کے لئے انٹرٹینمنٹ انڈسٹری ایک اہم ذریعہ ہے۔ بھارتی میڈیا کے مطابق اداکار اکشے کمار نے فلم ”پیڈمین“ کی کامیابی پر خوشی کا اظہار کرتے ہوئے کہا ہے کہ معاشرتی پیغامات کو پھیلانے کے لئے انٹرٹینمنٹ انڈسٹری ایک اہم ذریعہ ہے، کوئی بھی تقریروں یا دستاویزی فلموں میں دلچسپی نہیں رکھتا بلکہ لوگ فلم کے ذریعے موضوع سے متعلق جاننے میں دلچسپی رکھتے ہیں، لوگوں نے سماجی موضوع پر بننے والی فلم ”ٹائلٹ ایک پریم کتھا“ دیکھی اور ٹائلٹس کی اہمیت کو سمجھے اور اب وہ پرامید ہیں کہ زیادہ سے زیادہ لوگ ان کی فلم ”پیڈمین“ دیکھیں اور اس کے ذریعے لوگوں تک معاشرتی پیغام پہنچے۔

فلم میں اداکار اکشے کمار، سونم کپور اور رادھیکا اپتے شامل ہیں۔

لاہور(شوبز ڈیسک) اداکارہ عروہ حسین نے کہا ہے کہ پاکستانی فلموں کا معیاراورکام کرنے والے نوجوانوں کا انداز بہت الگ ہے‘ ان کی شب وروزمحنت کودیکھتے ہوئے اب یہ کہنا غلط نہ ہوگا کہ بہت جلد پاکستان فلم انڈسٹری دنیا کی بڑی فلم انڈسٹریوں کا حصہ بن جائے گی۔اپنے اےک انٹر وےو مےں عروہ حسےن نے کہا کہ ماڈلنگ اورٹی وی ڈراموں کے ساتھ جب مجھے فلم میں کام کرنے کی پیشکش ہوئی تومیں نے اس آفرکوقبول کیا اورپھرہماری فلم کوبہترین رسپانس بھی ملا اس دوران بھی بہت کچھ سیکھنے کو ملاحالانکہ کام کرنیو الے تقریبا لوگ وہی تھے جن کے ساتھ کام کرچکے تھے لیکن فلم میکنگ کا انداز بہت مختلف تھا۔

لاہور (شوبز ڈیسک ) معروف ڈھول پلیئر ارشمہ کو یورپ میں منعقد ہونے والے ثقافتی میلے میں پرفارمنس کی دعوت ، معاملات طے ہوجانے کے بعد شیڈول ترتیب دیا جائے گا ۔ ڈھول پلیئر ارشمہ نے نجی ٹی وی کوبتایا کہ اپنا فنی سفرتوبطورماڈل اوراداکارہ شروع کیا تھا لیکن ٹیلنٹ کسی کی میراث نہیں ہوتا۔ اس لیے میں نے جب میوزک کے شعبے میں انٹری دی تواساتذہ کرام کی جانب سے مثبت رسپانس ملا اورمیں نے باقاعدہ موسیقی کی تربیت بھی شروع کی۔ جہاں تک بات ڈھول بجانے کی ہے تومیں نے ہمیشہ کوشش کی ہے کہ وہ کام کروں جوعام نہ ہو۔اداکارہ نے کہا کہ ہمارے ملک میں ڈھول بجانے والے بہت بڑے بڑے استاد موجود ہیں لیکن کوئی لڑکی اس شعبے کی طرف دکھائی نہیں دیتی۔ ایسے میں، میں نے اپنی فیملی کی سپورٹ کے ساتھ ڈھول کی باقاعدہ تربیت حاصل کی۔
اوراس وقت ملک بھرمیں پرفارم کررہی ہوں۔ یہی نہیں ٹی وی شوز میں بھی حصہ لے رہی ہوں۔ میری پرفارمنسز کودیکھتے ہوئے مجھے بہت سے انٹرنیشنل شوز میں پرفارم کرنے کی پیشکش توجاری تھی لیکن میں نے ہمیشہ اس کام کوترجیح دی ہے جو بہترہو۔ارشمہ نے بتایا کہ مجھے سب سے پہلے تو پاکستان سپرلیگ کی افتتاحی تقریب میں پرفارمنس کیلئے دعوت دی گئی ہے۔ اس کے علاوہ فرانس اورجرمنی میں ہونے والے فیسٹیولز میں بھی پرفارمنس کیلئے رابطہ جاری تھے۔ ان میں سے ایک فیسٹیول میں پرفارم کرنے کیلیے میں نے رضامندی ظاہر کردی ہے لیکن دیگرمعاملات کے طے ہونے پر میں اپنی ٹیم کے ساتھ پرفارمنس کیلئے جاو¿ں گی۔اداکارہ نے کہا کہ بطورڈھول پلیئر پاکستان کا نام پوری دنیا میں روشن کرنے کاعزم لے کر آئی ہوں اوراس شعبے میں ایک دن ایسا کارنامہ انجام دونگی، جس پرپوری قوم فخر کرے گی۔

ممبئی(شوبز ڈیسک) بھارتی لیونگ لیجنڈ اور بالی وڈ انڈسٹری کے بے تاج بادشاہ امیتابھ بچن کے ٹویٹر چھوڑنے کے پیغام پر پوری ٹویٹر ٹیم ہی پرواز کے ذریعے بھارت پہنچ گئی۔تفصیلات کے مطابق بھارتی میگا سٹار امیتابھ بچن نے ٹویٹر پر اپنے فالوررز کی تعداد کم ہونے کی وجہ سے پریشانی کے عالم میں پچھلے ماہ پیغام دیا تھا کہ وہ پیغام کے لیے استعمال کیے جانے والے پلیٹ فارم ” ٹویٹر ” کو چھوڑ رہاہے۔ امیتابھ بچن کے پیغام کے بعد مائیکر و بلاگنگ سائٹ ٹویٹر کی ٹیم ہی بھارت پہنچ گئی ، ٹیم نے امیتابھ بچن کو ٹویٹر کے استعمال کے بارے میں مفید معلومات دیں اور بتایا کہ ٹویٹر کس طرح کام کرتاہے۔

واضح رہے پہلی فروری کو امیتابھ بچن کے فالوررز کی تعداد 33 ملین سے کم ہو کر 32۔9 ملین رہ گئی تھی۔ تاہم اب ان کے فین فالوررز کی تعداد 33.1ملین ہو گئی ہے۔