کراچی(ویب ڈیسک) الیکشن کمیشن نے 3 مارچ کو ہونے والے سینیٹ انتخابات کے لئے امیدواروں کی حتمی فہرست جاری کردی۔چاروں صوبوں کی اسمبلیوں میں ہونے والی پولنگ میں سندھ اور پنجاب سے 12، 12 جب کہ خیبرپختونخوا اور بلوچستان سے 11،11 امیدواروں کا انتخاب عمل میں لایا جائے گا۔سندھ سینیٹ انتخابات کے لئے سندھ کی 12 نشستوں پر 33 امیدواروں میں مقابلہ ہوگا جن میں ایم کیو ایم پاکستان کے 14، پیپلز پارٹی کے 12، پاک سرزمین پارٹی کے 3، تحریک انصاف اور مسلم لیگ فنکشنل کے ایک ایک امیدوار میدان میں ہوں گے۔ ٹیکنو کریٹ کی نشست کے لئے 6 امیدواروں کے درمیان مقابلہ ہوگا جن میں پیپلز پارٹی کے ڈاکٹر سکندر میندھرو اور رخسانہ زبیری، ایم کیو ایم پاکستان کے حسن فیروز، ڈاکٹر قادر خانزادہ اور علی رضاعابدی جب کہ تحریک انصاف کے نجیب ہارون شامل ہیں۔ سینیٹ کی جنرل نشستوں پر پیپلز پارٹی کے رضا ربانی، مرتضیٰ وہاب، مصطفیٰ نواز کھوکھر، مولا بخش چانڈیو، امام الدین شوقین، ایاز احمد اور محمد علی شاہ جاموٹ بھی میدان میں ہوں گے۔ ایم کیو ایم پاکستان کے امیدواروں میں فروغ نسیم، کامران ٹیسوری، احمد چنائے، سید امین الحق، عامر چشتی اور فرحان چشتی شامل ہیں جب کہ پاک سرزمین پارٹی کے انیس احمد، ڈاکٹر صغیر اور سید مبشر امام شامل ہیں۔ مسلم لیگ فنکشنل کے سید مظفر حسین اور مسلم لیگ (ن) کے سرفرار جتوئی بھی سینیٹ امیدواروں میں شامل ہیں۔سندھ سے اقلیتی نشست پر پیپلز پارٹی کے انور لعل دین، ایم کیو ایم پاکستان کے سنجے پروانی اور پاک سرزمین پارٹی کے ڈاکٹر موہن پاک امیدوار ہوں گے۔خواتین کی خصوصی نشستوں پر پیپلز پارٹی کی قر? العین مری اور کیشو بائی امیدوار ہونگی جب کہ ایم کیو ایم کی جانب سے ڈاکٹر نگہت شکیل، کشور زہرا، نسرین جلیل اور منگلا شرما امیدوار ہوں گی۔ پنجاب پنجاب سے ٹیکنو کریٹ کی نشست پر مسلم لیگ (ن) کی جانب سے نصیر بھٹہ، حافظ عبدالکریم اور اسحاق ڈار امیدوار ہونگے، تحریک انصاف کے ا?صف جاوید اور پیپلز پارٹی کے نوازش پیرزادہ میدان میں ہوں گے۔جنرل نشستوں پر حکمراں جماعت مسلم لیگ (ن) کے ا?صف کرمانی، مصدق ملک، رانا محمود الحسن، زبیر گل، مقبول احمد، ہارون خان اور شاہین خالد بٹ امیدوار ہوں گے جب کہ تحریک انصاف کے چوہدری محمد سرور، پیپلز پارٹی کے شہزاد علی خان اور مسلم لیگ (ق) کے کامل علی ا?غا امیدوار ہوں گے۔پنجاب سے اقلیتی نشست پر کامران مائیکل مسلم لیگ (ن) اور وکٹر عذاریاہ پی ٹی آئی کے امیدوار ہوں گے جب کہ خواتین کی نشست پر سعدیہ عباسی اور نزہت صادق مسلم لیگ (ن) جبکہ عندلیب عباس تحریک انصاف کی امیدوار ہوں گی۔خیبرپختونخوا خیبرپختونخوا سے ٹیکنو کریٹ کی نشست پر تحریک انصاف کے اعظم سواتی، مسلم لیگ (ن) کے دلاور خان، جے یو ا?ئی (ف) کے یعقوب شیخ میدان میں ہوں گے جب کہ مولانا سمیع الحق اور نثار خان آزاد امیدوار ہوں گے۔خواتین کی نشستوں پر تحریک انصاف کی مہرتاج روغانی، نورین فاروق خان میدان میں ہوں گی، قومی وطن پارٹی کی انیسہ زیب طاہر خیلی، پیپلز پارٹی کی روبینہ خالد، مسلم لیگ (ن) کی رئیسہ داو¿د، جے یو ا?ئی (ف) کی نعیمہ کشور، اے این پی کی شگفتہ ملک امیدوار ہیں جب کہ ثوبیہ شاہد آزاد امیدوار ہوں گی۔بلوچستان بلوچستان سے جنرل نشستوں پر بڑی تعداد ا?زاد امیدواروں کی ہے جن میں احمد خان، انوار الحق، حسین اسلام، سردار شفیق ترین، علاو¿الدین، فتح محمد بلوچ، کہدہ بابر اور صادق سنجرانی شامل ہیں۔جنرل نشستوں پر مسلم لیگ (ن) کے امیر افضل خان مندوخیل، نیشنل پارٹی کے محمد اکرم ، جے یو ا?ئی (ف) کے مولوی فیض محمد، اے این پی کے نظام الدین کاکٹر اور بی این پی مینگل کے ہمایوں عزیز امیدوار ہوں گے۔خواتین کی نشستوں پر مسلم لیگ (ن) کی ثمینہ زہری، نیشنل پارٹی کی طاہرہ خورشید، جے یو ا?ئی (ف) کی عذرا سید میدان میں ہوں گی جب کہ ثناء جمالی، شمع پروین مگسی اور عابدہ عظیم آزاد امیدوار کے طور پر سینیٹ نشست کی دوڑ میں ہوں گی۔

پشاور(ویب ڈیسک) چیئرمین تحریک انصاف عمران خان کا کہنا ہے سابق وزیراعظم نواز شریف نے پارلیمنٹ کو عدلیہ کے خلاف استعمال کیا تو سڑکوں پر نکلنے کے سوا کوئی چارہ نہیں ہوگا۔میڈیا سے بات کرتے ہوئے عمران خان کا کہنا تھا کہ 1997 میں نواز شریف اور (ن) لیگ نے سپریم کورٹ پر ڈنڈوں سے حملہ کیا، ایک چیف جسٹس کو ڈنڈوں سے بھگایا جب کہ پیسے دی کر انہوں نے ججز کو بھی خریدا لیکن اب عدلیہ کے خلاف پارلیمنٹ کو استعمال کیا جارہا ہے۔عمران خان نے کہا کہ جتنا نواز شریف کو اپنی صفائی دینے کا موقع ملا اتنا کسی پاکستانی کو نہیں ملا جب کہ پاناما کیس میں تین سو ارب روپے کے قطری خط کے علاوہ کوئی جواب نہیں دیا گیا جب کہ توہین عدالت پر بھی نواز شریف کےخلاف کچھ نہیں کیاجارہا۔ان کا کہنا تھا کہ شریف خاندان کو ڈر ہے کہ نیب عدالت سے ان کے خلاف فیصلہ آنے والا ہے، اگر پارلیمنٹ کو انہوں نے استعمال کیا تو اس بار پاکستان کی عدلیہ کے لئے لوگوں کو نکالوں گا۔عمران خان نے کہا کہ مختلف مقدمات میں مطلوب سابق پولیس افسر عابد باکسر آرہا اور وہ بتائے گا کہ شہباز شریف کے کہنے پر اس نے کتنے قتل کیے۔خیبرپختونخوا حکومت کا ہیلی کاپٹر استعمال کرنے کے سوال پر عمران خان نے کہا کہ صوبائی حکومت کا ہیلی کاپٹر ایک منٹ بھی اپنی ذات کے لئے استعمال نہیں کیا، کسی منصوبے پر جاتے تھے تو صرف اس وقت سرکاری ہیلی کاپٹر استعمال کرتا تھا۔ عمران خان نے کہا کہ سرکاری خرچے پر ٹھہر سکتا ہوں لیکن جب بھی نتھیا گلی ٹھہرا اپنے خرچے پر ٹھہرا اور آج بھی پرائیویٹ ہیلی کاپٹر پر اپنا پیسا خرچ کر کے پشاور آیا ہوں، خوف خدا ہے اس لیے اپنا ایک ایک روپیہ خرچ کرتا ہوں۔چیئرمین تحریک انصاف نے کہا کہ اس قوم کے پیسے میں اپنے اوپر نہیں خرچ کرنا چاہتا، نیب یہ پتا کرائے کہ شریف خاندان کے لئے ہیلی کاپٹر کتنا استعمال ہوا، جب نواز شریف وزیراعظم تھے تو ان کے بچوں کے لئے کیا ہیلی کاپٹر ٹیکسی کی طرح استعمال نہیں کیا جاتا تھا۔

لاہور: (ویب ڈیسک) ریحام خان نے الزام عائد کیا ہے کہ مجھ سے شادی سے قبل ہی عمران خان اور بشریٰ بی بی کے درمیان مبینہ تعلقات قائم ہو چکے تھے۔ریحام خان نے ایک بار پھر اپنے سابق شوہر عمران خان پر الزامات کی بوچھاڑ کرتے ہوئے ایک نیا پینڈورا باکس کھول دیا ہے۔ برطانوی اخبار دی ٹائمز کو انٹرویو میں انہوں نے الزام عائد کیا کہ مجھ سے شادی سے قبل ہی بشریٰ بی بی اور عمران خان میں تعلقات قائم ہو چکے تھے۔انہوں نے دعویٰ کیا کہ میری شادی سے تقریباً 3 سال قبل سے ہی عمران خان اپنی موجودہ اہلیہ بشریٰ بی بی سے رابطے میں تھے جبکہ مجھے علم ہے کہ دونوں یکم جنوری کو شادی کے بندھن میں بندھ چکے تھے لیکن اس کا اعلان بعد میں کیا گیا، بالکل ماضی کی طرح جب عمران خان نے مجھ سے شادی کے دو ماہ بعد دنیا کو ہمارے رشتے کے بارے میں بتایا تھا۔غیر ملکی خبر رساں ادارے کے مطابق ریحام نے چونکا دینے والے الزامات کی بوچھاڑ کرتے ہوئے کہا کہ عمران خان میرے سابق شوہر ہیں لیکن وہ اپنے افیئرز کی وجہ سے پاکستان کی بدنامی کے باعث بن رہے ہیں۔ انہوں نے الزام لگایا کہ مجھ سے شادی کے دوران بھی عمران افیئرز میں ملوث رہے۔

اسلام آباد (ویب ڈیسک)تحریک انصاف کے مرکزی رہنما عزیر اللہ جان نے پی ٹی آئی کو چھوڑکر پی پی میں شمولیت اختیار کر لی ۔آصف زرداری کے ساتھ ایک ملاقات میں انہوں نے کہا کہ اب میں ایک نئے جوش و جذبے کے ساتھ پیپلز پارٹی کا ساتھ دوں گا اور ذولفقار علی بھٹو کے ویژن کو آگے بڑھاﺅں گا۔