ممبئی(شوبز ڈیسک) بالی وڈ اداکار رنویر سنگھ کی آنکھ مارنے والی تصویر سوشل میڈیا پر وائرل ہوگئی۔ سماجی رابطوں کی ویب سائٹ ٹویٹر پر بالی ووڈ سٹار رنویر سنگھ نے ایک نئی تصویر شیئر کی ہے جس میں وہ آنکھ مارتے نظر آ رہے ہیں۔ سوشل میڈیا پر اس تصوہر کو بہت پسند کیا جا رہا ہے۔ بھارتی اداکارہ پریا پرکاش نے گزشتہ دنوں سوشل میڈیا پر ایک ویڈیو میں یہ انداز اپنایا تھا جس نے انھیں راتوں رات شہرت کی بلندیوں پر پہنچا دیا تھا۔پریا پرکاش کی اس تصویر کو اب بالی ووڈ اداکار بھی کاپی کرتے نظر آ رہے ہیں جن میں رنویر سنگھ بھی شامل ہیں۔

ایبٹ آباد(شوبز ڈیسک) مقامی اداکارہ اور رقاصہ نور کو مبینہ طور پر ان کے سابق شوہر شازی خان نے گھر میں گھس کر فائرنگ کرکے قتل کردیا۔ تفصیلات کے مطابق ایبٹ آباد میں مسلح شخص نے مقامی اداکارہ اور رقاصہ نور کے گھر میں گھس کر فائرنگ کردی، جس کے نتیجے میں نور شدید زخمی ہوگئی، فنکارہ کو زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئی۔نور بی بی کی والدہ کا کہنا ہے کہ ان کی بیٹی کے سابق شوہر شازی خان نے آج صبح گھر میں گھس کر اندھا دھند فائرنگ کی، جس کے باعث ان کی بیٹی ہلاک ہوگئی۔ پولیس کے مطابق رقاصہ نور کو سابق شوہر شازی خان نے کچھ عرصہ قبل طلاق دی تھی۔واقعے کا مقدمہ نوربی بی کی والدہ کی مدعیت میں تھانہ کینٹ میں درج کرلیا گیا ہےجب کہ ملزم کی تلاش کے لیے پولیس چھاپے ماررہی ہے۔

ممبئی(شوبز ڈیسک) نامور بالی وڈ اداکارہ زرین خان سوشل میڈیا پر اپنے بارے میں نازیبا تبصرہ کرنے والے مداح پر برس پڑیں یہاں تک کہ اسے تھپڑ مارنے کی دھمکی بھی دے دی۔ دراصل جنوری میں سوشل میڈیا پر ایک شخص نے زرین خان کو زیادتی کی دھمکی دی تھی بعدازاں اس شخص کو اس شو میں بلالیا گیا۔ اپنے سامنے اس شخص کو دیکھ کر زرین جذبات پر قابو نہ رکھ سکیں اور اسے کھری کھری سناتے ہوئے کہا تم کون ہو، کون پہچانتا ہے تمہیں، تمہیں ڈاکٹر کی ضرورت ہے۔زرین خان کو اس شخص پر اتنا شدید غصہ آیا کہ انہوں نے شو کے دوران ہی اسے تھپڑ مارنے کی دھمکی دیتے ہوئے کہا کہ میرا ہاتھ تمہارے منہ سے بڑا ہے اگر میں نے تمہیں تھپڑ مارا تو تمہارا جبڑا ٹوٹ کر نیچے گر جائے گا۔ بعد ازاں زرین خان غصے میں وہاں سے چلی گئیں۔

زرین خان نے شو کے پرومو کی مختصر ویڈیو اپنے انسٹا گرام اکانٹ پر شیئر کرتے ہوئے لکھا ہے کہ اگر آپ مجھے کچھ کہنا چاہتے ہیں تو میرے منہ پر کہیں، ہجوم کے پیچھے یوزر نام کو استعمال کرتے ہوئے کچھ کہنے کی ضرورت نہیں ہے۔

لندن (شوبز ڈیسک) بافٹا ایوارڈ میں فلم تھری بل بورڈز نے پانچ ایوارڈز اپنے نام کرکے میلہ لوٹ لیا جبکہ بہترین اداکار کا ایوارڈ گیری اولڈمین کے نام رہا۔برٹش اکیڈمی آف فلم اینڈ ٹیلی وژن آرٹس ایوارڈ کی تقریب لندن کے رائل البرٹ ہال میں منعقد ہوئی۔فلم تھری بل بورڈز کو بہترین فلم کے علاوہ بہترین اداکارہ ،ریجنل اسکرین پلے معاون اداکار اور بہترین برطانوی فلم کا ایوارڈ سے بھی نوازا گیا۔اسی فلم کے لیے فرانسس مکڈورمنڈ کو بہترین اداکارہ کا ایوارڈ دیا گیا جبکہ بہترین اداکار کا ایوارڈ گیری ایوارڈ کو فلم ڈارکیسٹ آور کے لیے دیا گیا۔

لاہور(لیڈی رپورٹر)لیجنڈ اداکار قوی خان نے کہا ہے کہ پاکستانی ڈراموں کی مقبولیت آج بھی قائم ہے ، جبکہ فلم انڈسٹری اپنی بحالی کی جنگ لڑرہی ہے ، گذشتہ چند سالوں سے اچھی فلمیں سینما گھروں میں نمائش کےلئے پیش کی جا رہی ہیں۔ خبریں سے خصوصی گفتگو کرتے ہوئے انہوں نے کہا کہ پاکستانی ڈراموں کی مقبولیت آج بھی قائم ہے ،ہمارے ڈرامے بیرون ممالک میں بھی بہت پسند کیئے جاتے ہیں۔ فلم انڈسٹری اپنی بحالی کی جنگ لڑرہی ہے ، گذشتہ سال بہت اچھی فلمیں سینما گھروں میں نمائش کےلئے پیش کی جا رہی ہیں۔ انہوں نے کہا کہ امید ہے کہ بہت جلد فلم انڈسٹری اپنے پاﺅں پر کھڑی ہوجائے گی۔ انہوں نے کہا کہ محنتی اور جنون سے کام کرنیوالے اداکاروں کو ہمیشہ پذیرائی ملی ہے ، یہی وجہ ہے کہ میں آج تک شوبز انڈسٹری سے وابستہ ہوںاورآج بھی ٹی وی ڈراموں میں کام کررہاہوں ،سٹیج کے حوالے سے انہوں نے کہا کہ ماضی میں ہمارا سٹیج بہت کامیاب تھا، مگر اب وہ معیار نہیں رہا، اس لئے سٹیج سے دو رہوگیاہوں ، میری دعا ہے کہ ہماری شوبز انڈسٹری جلد اپنا کھویا ہوا مقام حاصل کریگی۔

لاہور(شوبز ڈیسک) اداکارہ وماڈل مومل شیخ نے کہا ہے کہ فلم بینوں کی واپسی اوربحران کے خاتمے کے لئے اچھے موضوعات کاانتخاب کیا جائے اورپڑھے لکھے نوجوانوں کو انڈسٹری میں متعارف کروایا جائے۔ اپنے اےک انٹر وےو مےں مومل شیخ نے کہا کہ پاکستان فلم انڈسٹری کے بحران میں مسلسل اضافے اورسینکڑوں سینما گھرکی تباہی کی وجوہات کوئی جاننا نہیں چاہتا ، حالانکہ ان کے بارے میں نوجوان فلم میکرز کو ضرور جاننا چاہیے، تاکہ وہ آئندہ ایسی غلطیاں نہ کریں۔ ملک بھرمیں سینما گھروں کی بڑی تعداد موجود تھی، جوکاروبارنہ ہونے کی وجہ سے پٹرول پمپ، پلازے اور دیگر کاروباری مراکز میں تبدیل ہوچکے ہیں۔

ممبئی (شوبز ڈیسک) بالی وڈ گلوکارہ آشا بھوسلے کو یش چوپڑا میموریل ایوارڈ سے نوازا گیا۔ بھارتی میڈیا کے مطابق پانچویں یش چوپڑا میموریل ایوارڈ کی تقریب ممبئی میں منعقد کی گئی جس میں گلوکارہ آشا بھوسلے کو فلم انڈسٹری میں 6 دہائیوں سے زائد خدمات
کے اعتراف میں ایوارڈ اور 10 لاکھ روپے کیش انعام سے نوازا گیا، انہوں نے اپنے میوزک کیریئر میں 20 مختلف زبانوں میں 11ہزار سے زائد گانے گائے اس موقع پر فلمساز یش چوپڑا کی بیوی پامیلا چوپڑا ، فلمساز بونی کپور ،ریکھا ، مدھور بھنڈارکر ، گلوکارہ الکا یاگنک ،جیکی شروف ،پرنیتی چوپڑا ،پونم ڈھلون ،پدمنی کوہلپور، ہنی ایرانی اور دیگر موجود تھے۔ اس سے قبل گلوکارہ لتا منگیشکر ، امیتابھ بچن ، ریکھا اور شاہ رخ خان کو ایوارڈ سے نوازا جا چکا ہے۔