اسلام آباد (آن لائن) پاکستان مسلم لیگ (ن) اور تحریک انصاف کے مابین چوہدری نثار علی خان کو عبوری وزیراعظم بنانے پر خفیہ مذاکرات شروع ہوگئے ہیں۔ دونوں جماعتیں چوہدری نثار علی خان پر متفق نظر آتی ہیں تاہم پاکستان پیپلزپارٹی کی طرف سے شدید مخالفت کا سامنا کرنا پڑے گا۔ ذرائع نے بتایا ہے کہ مسلم لیگ (ن) اور پاکستان تحریک انصاف کے مابین چوہدری نثار علی خان کو عبوری وزیراعظم بنانے کے معاملہ پر خفیہ مذاکرات جاری ہیں۔ چوہدری نثار علی خان نے بھی عبوری وزیراعظم کا عہدہ سنبھالنے پر رضا مندی ظاہر کردی ہے تاہم پیپلزپارٹی کی طرف سے چوہدری نثار عکی شدید مخالفت کی جائے گی۔ ملک کی اسٹیبلشمنٹ بھی چوہدری نثار کے نام پر راضی ہے جس کے بعد مسلم لیگ (ن) نے یہ مذاکرات شروع کئے ہیں عبوری وزیراعظم آئین کے تحت تین ماہ کی مدت کیلئے ہونا ہے جس کی بنیادی ذمہ داری ملک میں انتخابات منعقد کرانا ہے ۔ موجودہ حکومت اپنی مدت پوری کرنے والی ہے اور سینیٹ انتخابات کے بعد عبوری حکومت کے قیام بارے حتمی فیصلے کئے جائیں گے۔

لاہور (مانیٹرنگ ڈیسک) ممتاز قانون دان اور حقوقانسانی کی علمبردار عاصمہ جہانگیر مرحومہ نے اپنی آخری آرام گاہ کے حوالے سے اپنی وصیت اپنے شوہر اور اہل خانہ سے پوشیدہ رکھی تھی۔ انہوں نے اپنے بیٹے جیلانی جہانگیر کو صرف اس حد تک آگاہ کیا تھا کہ انہوں نے اپنی تدفین کے حوالے سے پاکستان بار کونسل کے 3 ارکان کو وصیت کردی ہے، میرے مرنے کے بعد وہ جہاں کہیں گے مجھے وہاں دفن کرنے دیا جائے۔ پاکستان بار کونسل کے رکن اعظم نذیر تارڑ نے بتایا کہ عاصمہ جہانگیر نے انہیں، محمد احسن بھون اور عابد ساقی کو چند ماہ قبل وصیت کی تھی کہ زندگی کا کوئی پتہ نہیں ہوتا۔ میرے مرنے کے بعد مجھے میرے بیدیاں روڈ پر واقع میرے فارم ہاﺅس پر دفن کیا جائے۔انہوں نے بتایا کہ عاصمہ جہانگیر کا کہنا تھا کہ میں نے اپنے گھر والوں کو اس وصیت سے اس لئے آگاہ نہیں کیا کہ وہ مجھے گلبرک یا کسی قریبی قبرستان میں دفن ہونے کے لئے منا لیں گے۔ فارم ہاﺅس میں درختوں کی بڑی گھنی چھاﺅں ہے، باغیچہ تیار ہوگیا ہے، میں نہیں چاہتی کہ مجھے کسی عام قبرستان میں دفن کردیا جائے اور تین چار سال بعد گورکن میری ہڈیاں نکال کر وہاں کسی اور کو دفن کردیں۔ اعظم نذیر تارڑ نے بتایا کہ عاصمہ جہانگیر کے مرنے کے بعد ان کے بیٹے جیلانی جہانگیر نے ہم سے پوچھا کہ ان کی والدہ نے کس جگہ دفن ہونے کی وصیت کی تھی۔ جس پر انہیں آگاہ کیا گیاتو عاصمہ جہانگیر کے گھر والوں نے ان کی وصیت کے احترام میں ان کی بیدیاں روڈ کے فارم ہاﺅس میں تدفین کی اجازت دے دی اور انہیں ان کی وصیت کے مطابق وہاں دفن کیا گیا۔a

حافظ آباد (بیورو رپورٹ) غریب خواتین کو جہیز فنڈز کے نام پر ان کا بون میرو نکالنے والے گروہ سے تفتیش کا عمل جا ری ہے۔ گروہ کے مرکزی ملزم ندیم اور ساتھی ساجد کا پولی گرافک ٹیسٹ کروانے کا فیصلہ کیا گےا ہے جس کے لئے پولیس نے پنجاب فرانزک سائنس لیبارٹری کو خط ارسال کر دیا ہے جبکہ پانچ متاثرہ خواتین کو میڈیکل کے لئے لاہور ریفر کر دیا گےا ہے۔ حافظ آباد میں جہیز فنڈز اور مالی امداد کا جھانسہ دیکر سادہ لوح غریب خواتین کے بلڈ سیمپل اور بون میرو نکالنے والے گروہ سے تفتیش کا عمل جا ری ہے پولیس نے گروہ کے ایک اور ملزم ساجد کو بھی گرفتار کر لیا ہے۔ پولیس ذرائع کے مطابق مرکزی ملزم ندیم اور اسکے ساتھی ساجد کا پولی گرافک ٹیسٹ کروایا جا گا جس کے لئے پنجاب فرانزک سائنس لیبارٹری کو خط ارسال کر دیا گےا۔ پولیس کی جانب سے اس کیس کی مزید تفتیش کے لئے مختلف ٹیمیں تشکیل دی گئی ہیں جو مختلف پہلوںکو مد نظر رکھتے ہوئے تفتیش کر رہی ہیں ۔دوسری جانب پانچ متاثرہ خواتین کو میڈیکل ایگزامینیشن کے لئے لاہور ریفر کر دیا گےا ہے جبکہ ملزمان سے برآمد ہونے والے بلڈ سیمپل اور دیگر جسمانی مواد کو بھی ٹےسٹ کے لئے پنجاب فرانزک سائنس لیبارٹری بھجوا دیا گےا ہے۔ پولیس نے سولہ متاثرہ خواتین کے میڈیکل کروانے کے بعد نمونہ جات پنجاب فرانزک سائنس لیبارٹی بجھوا دیئے۔گرفتار ملزمان کا مقامی عدالت سے دو روزہ ریمانڈ حاصل کر لیا گےا۔ متاثرہ خواتین نے دل ہلا دینے والے انکشافات کیے۔ ملزم ندیم دو ماہ سے یہ دھندہ کر رہا تھا۔ گروہ میں شامل آمنہ بی بی خواتین کو جہیز فنڈز کا جھانسہ دے کر اپنے گھر لاتی جہاں ملزم اُن کے جسم کے مختلف حصوں سے جسمانی مادے نکالتا۔ غربت کی ماری کئی خواتین پیسوں کے لالچ میں اپنا بلڈ سیمپل اور بون میرو نکلوانے خود ملزم کے پاس آتیں۔ متاثرخواتین کا کہنا ہے کہ ندیم نے اُن کے بلڈ سیپمل اور جسمانی مادہ نکال کر اُنھیں اپاہج بنا دیا ہے۔ اب اُن کے لیے چلنا پھرنا اور کام کرنا بھی مشکل ہو گیا ہے۔ ملزم ابتک دو سو سے زائد خواتین کے بلڈ سیمپل اور بون میرو نکال چکا ہے انکا کہنا تھا کہ بہت سی خواتین بدنامی اور خوف کے مارے سامنے نہیں آ رہی اگر حکومت انہیں سپورٹ فراہم کرے تو وہ بھی ملزم کے خلاف بہت کچھ بتانا چاہتی ہیں۔ انہوں نے میاں نواز شریف اور وزیر اعلیٰ پنجاب سے مطالبہ کیا کہ انکا کا نام بدنام کر کے سادہ لوح اور غریب خواتین کی زندگیوں سے کھیلنے والے درندہ صفت انسان کے خلاف سخت کاروائی کرتے ہوئے اسے سزا موت دی جائے۔ ڈی پی او ڈاکٹر سردار غیاث گل کا کہنا ہے کہ پولیس نے بروقت کاروائی کرتے ہوئے گروہ میں شامل خاتون سمیت چار ملزمان کو گرفتار کر لیا گیا جبکہ خواتین بلڈ سیپمل اور بون میرو خریدنے والے ڈی ایچ کیو کے ملازم ساجد کو گرفتار کر لیا گیا۔ جس سے تفتیش کی جا رہی ہے انکا کہنا تھا کہ واقعہ کی تحقیقات کے لیے ایک کمیٹی تشکیل دی گئی ہے جو تین روز میں اپنی رپورٹ پیش کرے گی۔گروہ کے مرکزی ملزم ندیم اور اُسکے ساتھی ساجد کا پولی گرافک ٹیسٹ بھی کروانے کا فیصلہ کیا گیا ہے جس کے لیے پولیس کی جانب سے پنجاب فرانزک سائنس لیبارٹری کو خط جاری کر دیا گیا ہے۔ ایم ایس ڈی ایچ کیو ہسپتال ڈاکٹر ریحان اظہر کا کہنا ہے کہ سولہ خواتین کے میڈیکل مکمل کر لیے گئے ہیں، خواتین کی ریڑھ کی ہڈی اور جسم کے دوسرے حصوں پر انجکشن کے نشانات بھی پائے گئے ہیں۔خواتین کے نمونے پنجاب فرانزک سائنس لیبارٹی بھجوائے گئے ہیں۔ دوسری جانب وفاقی وزیر صحت سائرہ افضل تارڑ نے واقعہ پر گہرے دُکھ کا اظہار کرتے ہوئے کہا کہ غریب خواتین کو جہیز اور مالی امداد کا جھانسہ دے کر اُن کی زندگیوں سے کھیلنے والوں سے کسی قسم کی رعایت نہیں برتی جائے گی اورملزمان کو کیفر کردارتک پہنچایا جائے گا۔

لاہور (کورٹ ر پورٹر)لاہور قصور کی کم سن بچی زینب قتل کیس میں ملوث ملزم نے عدالت کے روبر واعتراف جرم کر لیا۔کوٹ لکھپت جیل میں قائم خصوصی عدالت میں انسداددہشت گردی عدالت کے جج سجاد احمد نے زینب قتل کیس کی سماعت کی ،سماعت کے دوران ملزم نے اعتراف کیا کہ وہ زینب سمیت نو بچیوں کو زیادتی کے بعد قتل کرنے کا میںملوث ہے ، عدالت نے ملزم کے اعترافی بیان کے باوجود ٹرائل جاری رکھنے کا حکم کہا کہ اس کیس کا فیصلہ ٹرائل مکمل ہونے کے بعد کیاجائے گا۔زینب قتل کیس میں مجموعی طور پر 56 گواہان شامل کئے گئے تھے، آج عدالت کے روبرو 16 گواہان کے بیانات قلمبند کئے گئے اور گواہان کے بیانات پر ملزم کے وکیل کی جانب سے جرح بھی کی جا رہی ہے ، زینب قتل کیس میںاستغاثہ کی جانب سے بیس گواہان ترک کر دئیے گئے،آیندہ دو سے تین روز میں زینب قتل کیس کے فیصلے کا امکان ہے، سپریم کورٹ اور لاہور ہائیکورٹ کے احکامات پر مقدمہ کی روزانہ کی بنیاد پر سماعت کی جا رہی ہے۔