اسلام آباد(آئی این پی) پی ایس ایل اسپاٹ فکسنگ میں سزا یافتہ کرکٹر شرجیل خان نے پھر سے باکسنگ گلووز پہن لئے ۔ کرکٹ کے دروازے بند ہوئے ایک سال گزر گیا،شرجیل خان خود کو فٹ رکھنے کیلئے باکسنگ رنگ میں نظر آنے لگے۔تفصیلات کے مطابق شرجیل خان نے خود کو فٹ رکھنے کیلئے باکسنگ شروع کر دی ۔پی ایس ایل میں اسپاٹ فکسنگ کی وجہ سے ان پر کرکٹ کے دروازے پانچ سال کیلئے بند ہیں وہ کسی قسم کی ڈومیسسٹک کرکٹ میں حصہ بھی لے سکتے اسی لیے انہوں نے خود کو فٹ رکھنے کیلئے باکسنگ شروع کر ہے۔ ٹیسٹ کرکٹر نے رِنگ میں باکسنگ کے ایسے جوہر دکھائے کہ کوچ بھی حیران رہ گیا۔ شرجیل خان کا کہنا ہے کہ باکسنگ دوسرا پسندیدہ کھیل ہے گو کہ ان دنوں میں کرکٹ کے میدان سے دور ہوں اس لیے باکسنگ سے اپنادل بہلاتا ہوں ۔

جوہانسبرگ (اے پی پی) کرکٹ ساﺅتھ افریقہ کی سلیکشن کمیٹی نے آئندہ ہفتے بھارت کے خلاف شیڈول ٹی ٹونٹی انٹرنیشنل سیریز کیلئے سکواڈ کا اعلان کر دیا، ہینرچ کلاسن، جونیئر ڈالا اور کرسٹیان جونکر پہلی بار سلیکٹرز کا اعتماد حاصل کرنے میں کامیاب رہے۔، جے پی ڈومینی ٹیم کی قیادت کریں گے، انہیں فاف ڈوپلیسی کی جگہ یہ ذمہ داری سونپی گئی ہے، ڈوپلیسی بھارت کے خلاف پہلے ایک روزہ میچ کے دوران انجری کا شکار ہوئے تھے اور ان دنوں بحالی صحت کے عمل سے گزر رہے ہیں، آسٹریلیا کے خلاف شیڈول ٹیسٹ سیریز کے پیش نظر ہاشم آملہ، ایڈن مرکرم اور عمران طاہر کو ڈراپ کر دیا گیا ہے۔ جنوبی افریقہ اور بھارت کے درمیان تین ٹی ٹونٹی میچوں پر مشتمل سیریز کا آغاز 18 فروری سے ہو گا۔ اعلان کردہ ٹی ٹونٹی سکواڈ کپتان جے پی ڈومینی، فرحان بہاردین، جونیئر ڈالا، اے بی ڈی ویلیئرز، ریزا ہینڈرکس، کرسٹیان جونکر، ہینرچ کلاسن، ڈیوڈ ملر، کرس مورس، ڈین پیٹرسن، ایرن فانگیسو، اینڈائل پہلک وایو، تبریز شمسی اور جان سمٹس پر مشتمل ہے۔

لاہور(آئی این پی) پاکستان سپر لیگ کے دوسرے ایڈیشن کے دوران سامنے آنےوالا سپاٹ فکسنگ اسکینڈل کے باعث معطل ہونےوالے کرکٹرناصرجمشید کی ایک سالہ معطلی ختم ہوگئی ۔پاکستان کرکٹ بورڈ کے اینٹی کرپشن یونٹ نے اسپاٹ فکسنگ کیس میں تعاون نہ کرنے پرناصرجمشید کوایک سال کیلئے معطل کردیا تھا۔ناصرکی معطلی 13فروری کوختم ہوگئی تاہم بورڈ کی جانب سے چند روز قبل نئی چارج شیٹ جاری ہونے کے بعد ان کی معطلی برقرارہے۔معطلی ختم پر ناصر جمشیدکوآج سے برمنگھم میں کلب کرکٹ کا دوبارہ آغازکرنا تھا تاہم ایک بار پھر معطل ہونے کے باعث ان کا معاہدہ ایک بارپھرخطرے میں پڑگیا ہے۔واضح رہے کہ پاکستان کرکٹ بورڈ (پی سی بی) نے متنازع کرکٹر ناصر جمشید کو پی سی بی اینٹی کرپشن کوڈ کے آرٹیکل 2 کی ذیلی شق 1.1، 1.2، 1.3، 1.4 اور 4.4 کی خلاف ورزی کرنے پر نوٹس جاری کردیا۔خیال رہے کہ ناصر جمشید پاکستان سپر لیگ (پی ایس ایل) 2017 میں اسپاٹ فکسنگ کیس کے مرکزم ملزم ہیں اور انہیں پی سی بی کے اینٹی کرپشن یونٹ سے معاملے پر تحقیقات میں تعاون نہ کرنے پر ایک سال کی پابندی کا سامنا ہے۔پاکستان کرکٹ بورڈ نے معاملے پر پیش رفت کرتے ہوئے ناصر جمشید پر اسپاٹ فکسنگ کے معاملے پر نوٹس جاری کرتے ہوئے 14 دن کے اندر جواب طلب کرلیا ہے۔ ناصر جمشید پر اسپاٹ فکسنگ اسکینڈل کے ماسٹر مائنڈ ہونے کا الزام ہے۔پی ایس ایل 2017 میں اسپاٹ فکسنگ کا کا معاملے اس کے آغاز کے پہلے ہی ہفتے میں سامنے آیا تھا۔اس ہی معاملے پر پی سی بی نے شرجیل خان اور خالد لطیف کو 3 سال کی پابندی کی سزا سنائی تھی۔اپنے دفاع میں ناصر جمشید نے دعویٰ کیا تھا کہ ان کے خلاف لگے الزامات ڈرامائی اور بے بنیاد ہیں۔