لاہور(نیوزایجنسیاں)مشہور قومی باکسر محمد وسیم نے اسلام آباد کا باکسنگ ہال برطانوی باکسر عامر خان کے نام کرنے پر مایوسی کا اظہار کرتے ہوئے کہا ہے کہ عامر خان نے پاکستان کی کبھی نمائندگی نہیں کی لیکن ان کیلئے قومی ہیروز کو نظر انداز کیا جا رہا ہے۔باکسر محمد وسیم کراچی کے نیشنل کوچنگ سینٹر میں کروڑوں روپے سے تیار باکسنگ ارینا پہنچے اور برسوں سے ویران اس ارینا کو آباد کرنے کا عزم لیے اس کی صفائی کا عمل شروع کیا۔اس موقع پر گفتگو کرتے ہوئے انہوں نے حکومتی کی عدم توجہی پر افسوس کا اظہار کرتے ہوئے اسلام آباد میں باکسنگ ہال عامر خان کے نام کرنے پر شکوہ کیا۔انہوں نے کہا کہ عامر خان نے آج تک پاکستان کے لیے کوئی فائٹ نہیں لڑی جبکہ انہوں نے پاکستان کو کئی میڈلز جتوائے اور چیمپیئن بنوایا لیکن اس کے باوجود ان کی کوئی قدر نہیں، قومی ہیروز کو نظر انداز نہ کیا جائے۔محمد وسیم نے کہا کہ اگر کراچی کا باکسنگ ارینا ان کے نام کیا جائے تو وہ مفت کوچنگ دینے کو تیار ہیں۔

اسلام آباد(آئی این پی)پاکستان میں واقع دنیا کے دوسرے بلند ترین پہاڑ کے ٹوکو سر کرنے کی کوشش کرنے والے پولینڈ کے کوہ پیما رافیل فرونیا کو زخمی ہو جانے کے بعد سکردو کے ایک ہسپتال منتقل کر دیا گیا ہے۔رافیل فرونیا اپنی ٹیم کے ساتھ کے ٹو کو سردی کے موسم میں سب سے پہلے سر کرنے کی کوشش میں اس وقت زخمی ہو گئے جب ایک چٹان ان کے بازو پر آ گری اور وہ ٹوٹ گیا۔زخمی ہونے کے بعد رافیل فرونیا کو ہیلی کاپٹر کے ذریعے سکردو کے ایک ہسپتال منتقل کر دیا گیا ہے۔کوہ پیمائی کے ادارے الپائن فیڈریشن کے مطابق رافیل فرونیا کا بازو دو دن پہلے ٹوٹا تھا۔ادارے کی جانب سے فراہم کردہ اطلاعات کے مطابق انھیں کوہ پیماں کے لیے مخصوص ایک کیمپ میں ابتدائی طبی امداد فراہم کی گئی۔ انھیں مزید علاج کے لیے بہتر موسمی حالات کا انتظار کرنے کی ضرروت تھی تاکہ انھیں ہیلی کاپٹر کے ذریعے ہسپتال پہنچا سکے۔

جوہانسبرگ( آن لائن ) عمران طاہر پر نسلی تعصب پر مبنی جملے کسنے کے واقعے کی تحقیقات شروع کردی ، بھارت کےخلاف کھیلے جانےوالے پنک ون ڈے میچ کے دوران عمران طاہر کو نامعلوم شائق نے نسلی تعصب پر مبنی جملے کسے، کرکٹر نے واقعہ کے بارے میں سٹیڈیم سکیورٹی کو آگاہ کیا۔

اس حوالے سے سوشل میڈیا پر کسی شائق کی جانب سے بنائی گئی ویڈیو بھی گردش کر رہی ہے جس میں عمران طاہر کو شائقین سے باتیں کرتے ہوئے دکھایا گیا ہے۔تاہم ان میں سے صرف یہی بات واضح سمجھ میں آتی ہے کہ لیگ اسپنر کہہ رہے ہیں ”میری فیملی بھی ہے“ جبکہ وڈیو میں بعض شائقین عمران طاہر کو ایک برا کھلاڑی کہہ رہے ہیں۔ کرکٹ ساﺅتھ افریقہ نے کہا کہ اس وڈیو سے آگا ہیں ، عمران طاہر نے اس شخص یا کسی بھی بچے کے ساتھ کوئی ہاتھا پائی نہیں کی۔واضح رہے کہ نسل پرستی پر مبنی جملے کسنا آئی سی سی کوڈ آف کنڈکٹ کے خلاف ہے اور اگر کوئی شائق اس کا مرتکب قرار پایا جائے تو اسے پابندیوں اور مقدمات کا سامنا کرنا پڑ سکتا ہے۔#/s#۔

سیول( آن لائن ) کینیڈا سے تعلق رکھنے والے سنوبورڈر مارک مک مورس ایک حادثے میں بری طرح سے زخمی ہونے کے بعد وینٹی لیٹر پر چلے گئے تھے، لیکن قدرت کو کچھ اور ہی منظور تھا۔غیر ملکی میڈیا کے مطابق کینیڈا کے سنوبورڈر مارک مک مورس نے سرمائی اولمپکس میں برونز میڈل حاصل کر کے سب کو چونکا دیا ہے۔ اس کی وجہ یہ ہے کہ ٹھیک گیارہ ماہ قبل یہ کھلاڑی ہسپتال کے بستر پر موت وحیات کی کشمکش میں مبتلا تھا۔گزشتہ سال 2017ئ میں مارک مک مورس کھیل کے دوران پیش آنے والے ایک حادثے میں اپنی متعدد ہڈیاں اور جبڑہ تڑوا بیٹھے تھے۔ اس کے علاوہ انھیں کئی اندرونی چوٹیں بھی آئیں جس سے ان کے پھیپھڑوں سے خون رسنا شروع ہو گیا تھا۔

کینیڈا کے علاقے برٹش کولمبیا کی برفانی چوٹی پر حادثے کے بعد انھیں ہیلی کاپٹر کے ذریعے ریسکیو کر کے ہسپتال پہنچایا گیا تھا۔ اپنی حالت بارے کرتے مارک مک مورس نے بتایا کہ مجھے یقین نہیں تھا کہ میں بچ جاو¿ں گا کیونکہ میں حادثے کے بعد بری طرح سے زخمی ہو چکا تھا۔شمالی کوریا کے شیر پیانگ چینگ میں جاری سرمائی اولمپکس میں مارک مک مورس نے برونز میڈل حاصل کر کے ثابت کر دیا ہے کہ اگر انسان کچھ کرنے کی ٹھان لے تو اسے غیبی مدد حاصل ہو جاتی ہے۔#/s#۔

کراچی( نیوزایجنسیاں) قومی کرکٹ ٹیم کے کپتان سرفراز احمد نے کہا ہے کہ کراچی میں پی ایس ایل کا فائنل ہونا خوش آئند ہے۔تفصیلات کے مطابق نجی ٹی وی سے گفتگو کرتے ہوئے سرفرازاحمد کا کہناتھا کہ کراچی میں کرکٹ آنا بہت ہی خوش آئند بات ہے،پہلے لوگوں میں کرکٹ آئی تھی اور اب کراچی والے چاہیں گے کہ یہاں پر میچ ہواور دوبارہ کرکٹ بحال ہو۔انھوں نے امید ظاہر کی کہ جو بھی ٹیمیں کراچی میں کھیلیں گی وہ یہاں کے ہجوم کوخوب انجوائے کریں گی۔پی ایس ایل تھری کافائنل کراچی کے نیشنل سٹیڈیم میں ہوگا اورامید ہے شائقین کی بڑی تعدادمیچ سے لطف اندوزہونے کےلئے سٹیڈیم کارخ کرے گی اورکراچی کے شائقین کوطویل عرصے بعد بڑامقابلہ دیکھنے کوملے گا۔واضح رہے کہ گزشتہ روز غیر ملکی سیکیورٹی کنسلٹنٹ ریگ ڈکسن نے پی ایس ایل 3کے فائنل کے لیے سیکیورٹی انتظامات کواطمینان بخش قرار دینے کے ساتھ بعض معاملات پراپنے تحفظات کا اظہارکردیا تھا۔ریگ ڈکسن ان کا کہنا تھا کہ 25 مارچ کو فائنل کراچی میں منعقد کرانے کا فیصلہ کرنا میرا کام نہیں ہے، میں اپنی رپورٹ7 دن میں پیش کردوں گا، ۔سیکیورٹی کنسلٹنٹ کا کہنا تھا کہ اداروں کی جانب سے دی جانے والی بریفنگ اور پریزینٹیشن بہت مفصل اوربھر پور رہی جس سے میں بہت مطمئن ہوں اور یہ میری رپورٹ کی تیاری کے لیے سود مند رہیں گی لیکن کچھ معاملات پر تبادلہ خیالات کرنا ہے لیکن یہ کہہ سکتا ہوں مثبت توقعات ہیں۔اس موقع پر سندھ کے وزیرداخلہ سہیل انورسیال کا کہنا تھاکہ صوبائی حکومت کراچی میں فائنل کے انعقاد کو ممکن بنانے کی ہر ممکن کوشش کریگی۔