لاہور(ویب ڈیسک)چیف جسٹس آف پاکستان آج اتوار کے روز بھی عدالت لگائیں گے ،چیف جسٹس ثاقب نثار کی سر براہی میں بنچ سائلین کی درخواستیں سنے گا،چیف جسٹس نے چیف سیکرٹری پنجاب اورایڈووکیٹ جنرل پنجاب کو پیش ہونے کا حکم دے رکھا ہے۔ چیف جسٹس پاکستان کی سربراہی میں بنچ نے گزشتہ رات گئے تک سائلین کی درخواستوں کی سماعت کی اور موقع متعلقہ حکام کو حل کرنے کی ہدایات جاری کیں۔چیف جسٹس آج چھٹی کے روز بھی عدالت لگائیں گے،سپریم کورٹ لاہور رجسٹری کے باہر سائلین جمع ہونا شروع ہو گئے،اس موقع پر سکیورٹی کے سخت انتظامات کئے گئے ہیں،متعلقہ ایس پی ،ایس ایچ او اور پولیس کی بھاری نفری تعینات ہے جبکہ سائلین کو چیکنگ کے بعد سپریم کورٹ میں داخل ہونے کی اجازت دی جا رہی ہے۔
