اعصام سٹٹ گارٹ اوپن کے فائنل 8میں داخل

اسٹٹ گارٹ (اے پی پی)سٹار پاکستانی کھلاڑی اعصام الحق قریشی فاتحانہ آغاز کرتے ہوئے اسٹٹ گارٹ اوپن ٹینس ٹورنامنٹ مینز ڈبلز کوارٹر فائنل میں پہنچ گئے۔ جرمنی میں جاری ایونٹ میں بدھ کو کھیلے گئے مینز ڈبلز پہلے راﺅنڈ میچ میں اعصام الحق اور ان کے ہالینڈ کے جوڑی دار جین جولین راجر نے عمدہ کارکردگی کا مظاہرہ کرتے ہوئے ارجنٹائن کے گوئیڈو پیلا اور ان کے آسٹریلین جوڑی دار جان ملمین کو زبردست مقابلے کے بعد 7-6 اور 6-4 سے ہرا کر کوارٹر فائنل کیلئے کوالیفائی کیا۔دوسری جانب شہرہ آفاق سوئس سٹار اور ریکارڈ 20 مرتبہ کے گرینڈسلام چیمپئن راجر فیڈرر اسٹٹ گارٹ اوپن ٹینس ٹورنامنٹ مینز سنگلز کوارٹر فائنل میں پہنچ گئے۔ مینز سنگلز پری کوارٹر فائنل میں راجر فیڈرر نے عمدہ کارکردگی کا مظاہرہ کرتے ہوئے حریف جرمنی کھلاڑی مسشا زیوریف کو 3-6، 6-4 اور 6-2 سے ہرا کر کوارٹر فائنل تک رسائی حاصل کی۔