نئی دہلی (آن لائن) سابق بھارتی کرکٹر کپل دیو اور سدھو کو پاکستان کے متوقع وزیر اعظم عمران خان کی جانب سے حلف برداری کے باضابطہ دعوت نامے موصول ہوگئے ہیں۔ میڈیا رپورٹس کے مطابق چیئرمین پاکستان تحریک انصاف عمران خان کی وزیر اعظم کیلئے حلف برداری کی تقریب 18 اگست کو ہوگی۔ جس کے لیے سابق بھارتی کپتان کپل دیو، نوجوت سدھو اور سنیل گواسکر کو بھی شرکت کی دعوت دی گئی ہے۔ کپل دیو اور سدھو نے دعوت نامے ملنے کی تصدیق کر دی ہے، دونوں سابق کرکٹرز حلف برداری کی تقریب سے ایک روز قبل پاکستان پہنچیں گے۔ نوجوت سدھو کا عمران خان سے کرکٹ کے حوالے سے 0 سال کا تعلق رہا ہے، دعوت نامہ ملنے کے بعد ان کا کہنا تھا کہ عمران کی جانب سے مجھے ذاتی طور پر بھی دعوت دی گئی، ہم دونوں نے کچھ منٹ تک گفتگو بھی کی، میں نے انہیں ان کی کامیابی پر مبارکباد بھی دی اور نیک تمنا¶ں کا اظہار بھی کیا۔ سدھو نے پرانے وقت کو یاد کرتے ہوئے کہا کہ عمران خان کے آنے سے پاکستان اور بھارت کے درمیان نئے تعلقات پیدا ہوں گے۔ سنیل گواسکر کا کہنا ہے کہ لندن میں ہونے کے باعث حلف برداری تقریب میں شرکت سے معذرت چاہتا ہوں نیک خواہشات عمران خان کے ساتھ ہیں۔
