لاہور (مانیٹرنگ ڈیسک ) تحریک انصاف کے رہنما امجد خان نے کہاہے کہ اگر اپوزیشن ایک بھی ہوتی تو بھی صدارتی انتخاب تحریک انصاف ہی جیتتی ہماری پارٹی کو بڑی تعداد میں ووٹ ملیں گے۔چینل فائیو کے پروگرام نیوز ایٹ 7میں گفتگو کرتے ہوئے انہوں نے کہا کہ اصل میںاپوزیشن نظریہ کے بجائے مفادات پر اکٹھی تھی ہمیں اپوزیشن سے کوئی خطرہ نہیں۔تحریک انصاف کے لئے اصل چیلنج ملک کو درست سمت میں ڈالنا ہے۔عارف علوی وزیراعظم عمران خان کے ساتھ کھڑے تھے کھڑے ہیں اور کھڑے رہیں گے۔پارٹی میں کوئی دھڑے بندی نہیں۔ پیپلز پارٹی کے رہنما تاج حیدر نے کہا ہے کہ ہم ملک میں مساوات اور قانون کی بالادستی چاہتے ہیں۔شہباز شریف خود پر کیسز کے باعث دباﺅ میں ہیں۔زرداری پر منٹی لانڈرنگ کا جھوٹا کیس ہے۔ہمیں مولانا فضل الرحمان سے خفیہ ملاقاتوں کی ضرورت نہیں۔اعتراز احسن نے آمروں کا مقابلہ کیا۔نواز شریف اور شہباز شریف کی پالیسی میں فرق ہے شہباز شریف اسٹیبلشمنٹ سے الجھنا نہیں چاہتے۔اگر فارم 45ٹھیک ہے تو الیکشن کی شفافیت میں کوئی شک نہیں۔اگر مولانا دستبردار نہیں ہوتے تو اعتزاز احسن کا جیتنا مشکل ہے۔ تجزیہ کاررحیم اللہ یوسفزئی نے کہا ہے کہ امریکہ او ر پاکستان کو معلوم ہے سارے مسائل ٹیبل پر ہیں۔ صدرٹرمپ کے ہوتے پاک امریکہ تعلقات میں بہتری کا امکان نہیں۔امریکہ میں بھی ٹرمپ کی کافی مخالفت ہے۔کئی ملکوں سے امریکی تعلقات خراب ہو چکے ہیں۔پاکستان پر اب امریکہ کا اثر اتنا نہیں رہا۔امریکہ اپنی شرائط پر دوستی کا خواہا ںہے۔امریکہ امداد نہیں دیتا بلکہ الٹا پاکستان کا پیسہ دبا لیا ہے۔
