لاہور (آن لائن) صوبائی وزیر اطلاعات و ثقافت فیاض الحسن چوہان نے کہا ہے کہ مولانا فضل الرحمان آئندہ ملک کے صدر ہونگے اس بات پر مٹی ڈال دینی چاہئے گزشتہ\ روز اپنے دور ہ الحمراءآرٹ سینٹر کے موقع پر میڈیا سے غیر رسمی گفتگو کرتے ہوئے فیاض الحسن چوہان نے کہا کہ مولانا فضل الرحمان ساری عمر لوگوں کے پیسے پرعیاشی کرتے رہے ہیں اور اب انہیں اپنی جیب سے پیسے خرچ کرنے پڑ رہے ہیں تو ان کی کوشش ہے کہ وہ جلد از جلد ملک کے صدر منتخب ہو جائیں انہوں نے کہا کہ بہتر ہے مولانا فضل الرحمان ملک کے صدر نہ ہی بنیں اگر وہ صدر بن گئے تو پاکستان دنیا کو کیا منہ دکھائے گا قبل ازیں انہوں نے چیئرمین آرٹ کونسل توقیرناصر کے ہمراہ الحمراءآرٹ سینٹر کے مختلف حصوں کا دورہ کیا اس موقع پر الحمراءآرٹ سینٹر کے ایگزیکٹو ڈائریکٹر کیپٹن (ر)عطاءمحمد نے صوبائی وزیر کو بریفنگ دی۔
