گگو منڈی( نمائندہ خبریں) سنگدل باپ نے 12سالہ بچے کو زنجیروں میں جکڑ کر گھر میں قید کر دیا ۔ والدہ کی اطلاع پر پولیس نے معصوم بچے کو برآ مد کر لیا ۔ باپ سمیت تین افراد کے خلاف مقدمہ درج ۔تفصیلات کے مطابق وہاب ٹاﺅن گگو منڈی کے رہائشی فیاض احمد نے اپنے 12سالہ معصوم بیٹے مبینہ تشدد کا نشانہ بنانے کے بعد زنجیروں میں جکڑ کر گھر میں قید کیا ہوا تھا جس کی اطلاع بچے کی والدہ نے پولیس کو دی تو سب انسپکٹر خالد نے پولیس نفری کے ہمراہ فیاض احمد کے گھر پر چھاپہ مارا اور ایک کمرہ میں قید زنجیروں میں جکڑے ہوئے 12سالہ بچے جہانزیب کو برآمد کر لیا گھر میں موجود جہانزیب کی والدہ نے بتایا کہ اسکا خاوند فیاض احمد اکثر اوقات ہم ماں بیٹوں کو تشدد کانشانہ بناتا ہے اور کل بھی اس نے ہمیں زدو کوب کرنے کے بعد جہانزیب کو زنجیروں میں جکڑ کر کمرے میں قید کر دیا ۔ملزم فیاض احمد نے کہا کہ جہانزیب سکول نہیں جاتا تھا اسے ڈرانے کے لیے اس کے پاﺅں میں زنجیر زنجیر ڈالی تھی ۔پولیس نے بچے کو برآ مد کرنے کے بعد اس کے باپ فیاض احمد چچا محمد اقبال اور دادی حضوراں بی بی کے خلاف مقدمہ درج کر کے تفتیش شروع کر دی ہے ۔

لاہور (مانیٹرنگ ڈیسک) چینل فائیو کے پروگرام ”لائیو ایٹ 8“ میں گفتگو کرتے ہوئے تجزیہ کار جاوید اقبال بٹ نے کہا ہے کہ امریکی امداد سے چھٹکارا حاصل کرنا ہو گا منسوخ کی گئی امداد کو بحال کرنا امریکہ کی مجبوری ہے۔ دہشت گرددی کے خلاف جنگ میں سب سے زیادہ پاک افواج کے سپوت شہید ہوئے۔ انہوں نے مزید کہا کہ نئی حکومت واحد ایسی حکومت ہے جو تمام اداروں کے شانہ بشانہ کھڑی ہے ایسی صورتحال میں امریکی امداد کے بغیر بھی معاملات چل سکتے ہیں وقت آ گیا ہے اب عوام خوشحال ہو گی لیکن حکومت کا ساتھ دینا ہو گا۔ سمندر پار پاکستانیوں نے ڈیم فنڈ میں کروڑوں روپے جمع کرائے۔ عمران خان نے کہا تو وہ مزید امداد بھی کر سکتے ہیں۔ تجزیہ کار میاں حبیب نے کہا ہے کہ امریکہ کو اب پاکستان کے ساتھ برابری کی سطح پر بات کرنا ہو گی۔ نئی حکومت کو حکمت عملی طے کرنی چاہیے۔ ہم نے امریکہ کی جنگ لڑی امداد نہیں سپورٹ فنڈ ہے جس کو امریکہ بند نہیں کر سکتا۔ اس حوالے سے عالمی سطح پر اعتماد حاصل کرنا چاہیے۔ انہوں نے کہا کہ پاکستان نے دہشت گردی کے خلاف جنگ میں امریکہ کا اتحادی بن کر سب سے زیادہ قربانیاں دیں جنگ کیلئے امریکہ ہمیں سپورٹ فنڈ دے رہا تھا اسے امداد کا نام نہیں دیا جا سکتا۔ امریکہ سپورٹ فنڈ دینے کا پابند ہے اپنی بادشاہت ظاہر کرتے ہوئے بدمعاشی کر رہا ہے۔ تجزیہ کار عبدالودﺅد قریشی نے کہا کہ امریکہ دہشت گردی کے بعد اب پاکستان کو معاشی طور پر تباہ کرنا چاہتا ہے۔ انہوں نے کہا کہ پاکستان کے ساتھ امریکہ نے ایک معاہدہ کیا تھا جس کے تحت پاکستان کے حکمرانوں پر دباﺅ ڈالا گیا کہ ہم سے اتنا قرضہ لے لے کر اگر پاکستان کے عوام ہر طرح کا مکمل ٹیکس بھی دیں تو بھی سود ادا نہ ہو سکے یہ ایک منصوبہ بندی تھی تاکہ پاکستان پر اپنی مرضی مسلط کر سکے مشرف نواز کے ساتھ ہوئے معاہدوں پر عمران خان نے ان سب کو ختم کرنے کا کہا ہے انہوں نے مزید کہا کہ امریکی امداد بند کرنے کا مقصد پاکستان کو معاشی طور پر بدحال کرنے کی کوشش ہے۔

لاہور: قومی احتساب بیورو (نیب)، عدالتی کارروائی اور سیاستدانوں کے دھمکیوں سے خوفزدہ متعدد بیوروکریٹس اہم عہدے قبول کرنے میں گھبراہٹ کا شکار ہیں۔ڈکے مطابق ایسے تمام سرکاری منصوبے جس میں کثیر رقم کا دخل ہے، بیروکریٹس ان منصوبوں سے متعلق امور پر فیصلہ کرنے میں سخت الجھن کا شکار ہیں۔اس حوالے سے پاکستان ایڈمنسٹریٹو سروس (پی اے ایس) کے اعلیٰ افسر نے بتایا کہ وہ تمام ایماندار ایڈمنسٹریٹو افسران جنہیں سابق وزیر اعلیٰ شہباز شریف کے دور میں کوئی عہدہ نہیں دیا گیا، وہ بھی موجودہ حکومت میں کوئی ذمہ داری اٹھانے سے قاصر ہیں کیونکہ انہیں سابق حکومت کے سیاستدان تنقید کا نشانہ بنائیں گے۔

اسلام آباد(ویب ڈیسک)وزیر خارجہ شاہ محمود قریشی نے کہا ہے کہ امریکا نے امداد نہیں بلکہ کولیشن سپورٹ فنڈ کی وہ رقم روکی ہے جو پاکستان دہشتگردی کے خلاف خرچ کرچکا ہے۔اسلام آباد میں ایک پریس کانفرنس کے دوران امریکی محکمہ دفاع کے 30 کروڑ ڈالر کی امداد منسوخ کرنے کے فیصلے پر اپنے ردعمل میں کہا کہ امریکی سیکریٹری خارجہ آرہے ہیں، کوشش ہوگی کی باہمی عزت و احترام کا رشتہ قائم کرتے ہوئے تعلقات کو بہتر بنائیں۔شاہ محمود قریشی نے کہا کہ پاک امریکا تعلقات تقریباً معطل ہیں، گزشتہ حکومت کی صورتحال یہ تھی کہ کسی لیول پرانگیجمنٹ نہیں ہورہی تھی۔انہوں نے کہا کہ خطے میں امن و استحکام کیلئے پاکستان نے قربانیاں دی ہیں، امریکا امداد نہیں بلکہ اتحادی سپورٹ فنڈ کی مد میں ڈالرز دے رہا تھا۔انہوں نے کہا کہ 5 ستمبر کو امریکی وزیر خارجہ پاکستان کے دورے پر آرہے ہیں، کوشش ہوگی کہ پاک امریکا تعلقات کو بہتر کروں، امریکی وزیر خارجہ سے نئے رشتے پر بات ہوگی اور ان کی خدمت میں اپنا نکتہ نظر پیش کریں گے۔وزیر خارجہ نے کہا کہ امریکاسے گفت و شنید ہی نہیں ہورہی تھی،ایک تعطل تھا، یہ ایک نئی اوپننگ ہمارے سامنے آرہی ہے، ہمارا عزم ہے کہ خطے اور دنیا کو دہشتگردی سے پاک کریں۔انہوں نے کہا کہ امریکا نے رقم مدد کیلئے نہیں کولیشن سپورٹ فنڈ کی مد میں دینی تھی، یہ ہمارا پیسہ ہے،ہم نے خرچ کیا ہے، یہ پیسا امن، استحکام اور دہشت گردی کے خاتمے کیلئے خرچ ہوا۔انہوں نے کہا کہ یہ وہ پیسا ہے جو پاکستان نے اپنے وسائل سے خرچ کیا اور امریکا نے ہمیں واپس کرنا تھا۔شاہ محمود قریشی نے کہا کہ امریکا نےسابق حکومت کے دور سے ہی یہ فنڈ معطل کررکھا ہے، یہ تاثر دینا کہ یہ کیا ہوگیا،یہ کوئی نئی چیز نہیں۔انہوں نے کہا کہ جی ایچ کیو میں وزیراعظم عمران خان کو دی جانے والی بریفنگ ملکی مفاد میں ہے۔انہوں نے کہا کہ پاکستان کو اندرونی سیکیورٹی چیلنجز کا سامنا ہے، ہماری کوشش ہوگی کہ مشترکہ مفادات کو مدنظر رکھ کر آگے بڑھیں۔

کراچی (ویب ڈیسک)ایم ایم اے کے سربراہ مولانا فضل الرحمان نے شکوہ کیا ہے کہ ڈنڈے کھانے، جیلیں کاٹنے اور قربانی کے لیے ہم قبول ہیں تو پھر صدارت کے لیے کیوں قابل قبول نہیں ہیں۔لاہور میں شہبازشریف سے ملاقات کے بعد ن لیگی رہنماو¿ں کے ہمراہ میڈیا سے گفتگو کرتے ہوئے مولانا فضل الرحمان کا کہنا تھا کہ پیپلز پارٹی نے مجھے آل پارٹیز کا کنوینر نامزد کیا اور دوسری جماعتوں نے اس کی تائید کی۔ان کا کہنا تھا کہ حزب اختلاف کی تمام جماعتوں نے صدارتی الیکشن کے لیے مجھ پر اعتماد کیا، کوشش ہے کہ متحدہ اپوزیشن کا متفقہ امیدوار ہو۔انہوں نے کہا کہ کوشش ہے کہ متحدہ اپوزیشن کے امیدوار کو آج ہی تسلیم کر لیاجائے تاکہ وحدت کا مظاہرہ ہو۔ایک سوال کے جواب میں مولانا فضل الرحمان کا کہنا تھا کہ دستبردار ہونے کے لیے مجھے ایم ایم اے کی 5 جماعتوں اور اے پی سی کی 5 جماعتوں کو اعتماد میں لینا ہے جب کہ پیپلز پارٹی اپنے امیدوار کو دستبردار کرنے کے لیے اپنے فورم پر فیصلہ کر سکتی ہے۔انہوں نے کہا کہ پیپلز پارٹی، آصف زرداری اور اعتزاز احسن سے اچھے دوستانہ تعلقات ہیں، ڈنڈے کھانے، قربانیاں دینے اور جیلیں کاٹنے کے لیے ہم قابل قبول ہو سکتے ہیں تو صدارتی الیکشن کے لیے کیوں قابل قبول نہیں ہیں۔مولانا فضل الرحمان نے کہا کہ پیپلز پارٹی نے وزیراعظم کے الیکشن کے لیے بھی اپنے 53 ووٹ خاموش کرا کر عمران خان کو وزیراعظم بننے کا موقع فراہم کیا۔انہوں نے کہا کہ ن لیگی قائدین صدارتی الیشکن کا معرکہ سر کرنے کے لیے مکمل طور پر یکسو اور تیار ہیں، پیپلز پارٹی بھی اپوزیشن جماعتوں کے امیدوار کو قبول کرے۔