لاہور (خصوصی رپورٹ) پاکستان میں کرکٹ کے حوالے سے بہت جوش وخروش دیکھنے میں آتا ہے اور خاص طور پر جب میچ پاکستان اور بھارت کے مابین ہو تو پھر کرکٹ دیکھنے کا جنون اور بڑھ جاتا ہے۔ روایتی حریف بھارت کے ساتھ میچ بہت دلچسپ ہوتا ہے اور دونوں ملکوں میں ہی اس میچ کو بہت اہمیت حاصل ہوتی ہے۔ تاہم ایشیا کپ 2018ءمیں پاکستان بھارت کے ساتھ کھیلے جانے والے دونوں میچ ہار گیا جس کے بعد پاکستانی کرکٹ شائقین شدید مایوس ہوئے۔ معروف صحافی مبشر لقمان بھی بھارت کے ہاتھوں پاکستان کی شکست پر دلبرداشتہ ہیں۔ یہی وجہ ہے کہ انہوں نے ٹویٹ کرتے ہوئے کہا ہے کہ 80 کاروں اور آٹھ بھینسوں کے بعد 11 کھلاڑی نیلام کئے جائیں گے۔ اس سے تین ہزار ارب جی بی ڈیٹا اور 20 ہزار میگاواٹ سالانہ بجلی کی بچت ہوگی جو قوم کرکٹ میچ دیکھنے میں خرچ کرتی ہے۔ سوشل میڈیا صارفین نے بھی مبشر لقمان کے اس ٹویٹ پر دلچسپ قسم کے تبصرے کئے ہیں۔ کچھ سوشل میڈیا صارفین کا خیال ہے کہ واقعی کرکٹ ٹیم کو نیلام کردینا چاہئے تاہم کچھ صارفین کا کہنا ہے کہ ہار جیت کھیل کا حصہ ہوتا ہے اس لئے ٹیم سے مایوس ہونا اچھی بات نہیں ہے۔

اسلام آباد(ویب ڈیسک)پاکستان اور آئی ایم ایف کے درمیان مذاکرات آج سے اسلام آباد میں شروع ہوں گے، جس کے دوران پاکستان کی معیشت کو درپیش چیلنجوں کا جائزہ لیا جائے گا۔اس سلسلے میں آئی ایم ایف کا وفد اسلام آباد پہنچ گیا ہے، جو ایک ہفتے تک پاکستان میں قیام کرے گا۔وزارت خزانہ کے ذرائع کے مطابق پاکستان اور آئی ایم ایف کے درمیان مذاکرات میں آئی ایم ایف مشن کی سربراہی ہیرالڈ فنگر کریں گے جبکہ پاکستانی وفد میں سیکریٹری خزانہ، گورنر اسٹیٹ بینک، سیکریٹری اقتصادی امورشریک ہوں گے۔اس دوران آئی ایم ایف وفد کی خزانہ، تجارت، توانائی، پیٹرولیم، سرمایہ کاری اور ایف بی آر حکام سے مذاکرات ہوں گے۔پاکستان کو رواں سال 8 ارب ڈالر کی مالی معاونت درکار ہے، تاہم پاکستان نے تاحال آئی ایم ایف سے بیل آو¿ٹ پیکج کی درخواست نہیں کی۔گزشتہ دنوں وفاقی وزیر خزانہ اسد عمر نے عرب نیوز کو دیئے گئے انٹرویو میں کہا تھا کہ پاکستان کو ایسی کسی ایمرجنسی کا سامنا نہیں کہ اسے بیل آو¿ٹ پیکج کے لیے آئی ایم ایف کا دروازہ کھٹکھٹانا پڑے۔ان کا کہنا تھا، ‘ہم نے درآمدات نہیں روکیں اور نہ ہی مالیاتی پابندیاں لگائی ہیں’۔تاہم وزیر خزانہ نے اس بات پر زور دیا کہ ہمیں بہتر فیصلے کرنے کی ضرورت ہے اور جلدبازی یا ایمرجنسی میں فیصلے نہیں کرنے چاہئیں۔27 ستمبر کو آئی ایم ایف اسٹاف مشن کے شیڈول دورہ پاکستان کے حوالے سے اسد عمر نے کہا، ‘ہم ان کے ساتھ بات چیت کر رہے ہیں، لیکن یہ بات چیت قرض کے لیے نہیں ہے، ہمارا مقصد یہ ہے کہ اگر کسی مرحلے پر ہم ا±ن سے رابطہ کریں تو اس سے پہلے ہم اپنا ہوم ورک کرلیں’۔

اسلام آباد(ویب ڈیسک) قیمتی گاڑیوں کے بعد وزیراعظم ہاو¿س میں بھینسوں کی نیلامی کا عمل جاری ہے جس کے دوران خریدار بولی لگانے والوں سے الجھ پڑے۔تحریک انصاف نے کفایت شعاری مہم کے تحت غیر ضروری اخراجات میں کمی لانے کا اعلان کیا تھا جس کے لیے پہلے مرحلے میں وزیراعظم ہاو¿س کے زیر استعمال لگڑری اور عام گاڑیوں کی نیلامی کی گئی اور دوسرے مرحلے میں بھینسوں کی نیلامی کی جارہی ہے۔وزیراعظم ہاو¿س میں موجود 8 بھینسوں کو نیلامی کے لیے پیش کیا گیا تو خریداروں نے شکوہ کیا کہ بھینسوں کی اتنی قیمت نہیں جتنی لگائی جارہی ہے۔بھینسوں کی نیلامی کے دوران خریداروں اور بولی لگانے والے عملے کے دوران نوک جھوک ہوئی، وزیراعظم ہاو¿س کے عملے نے کہا یہ اوپن بولی ہے جس نے بھینسیں لینی ہیں لے ورنہ واپس چلا جائے، خریدار کو نقد رقم بھی ادا کرنا ہوگی۔مسلم لیگ (ن) کے دو کارکنان نے دو بھینسیں بالترتیب 3 لاکھ اور 3 لاکھ 30 ہزار روپے میں خریدیں، خریدار حاجی امداد علی کا کہنا تھا کہ بھینسیں نواز شریف کی نشانی ہیں اور وہ اسے اپنے ڈیرے میں رکھیں گے۔وزیراعظم عمران خان کے مشیر نعیم الحق کا 11 ستمبر کو اپنے ٹوئٹر بیان میں کہنا تھا کہ وزیراعظم ہاو¿س میں موجود 8 بھینسیں سابق وزیراعظم نواز شریف نے اپنی غذائی ضروریات پوری کرنے کے لیے رکھی تھیں جنہیں نیلام کیا جائے گا۔

لاہور (ویب ڈیسک)دنیا کا مقبول ترین سرچ انجن گوگل رواں ماہ اپنی 20 ویں سالگرہ کا جشن منا رہا ہے، جس کے لیے آج خصوصی اینیمیٹڈ ویڈیو ڈوڈل پیش کیا گیا ہے۔کسی بھی چیز کی معلومات حاصل کرنے کے لیے آج ہر شخص گوگل کا محتاج ہے، یہی وجہ ہے کہ گوگل کو 20 برس سے بے شمار صارفین استعمال کر رہے ہیں۔یوں تو گوگل کو آفیشل طور پر 4 ستمبر 1998کو متعارف کیا گیا تھا لیکن کمپنی کی جانب سے اس کی سالگرہ ہر سال 27 ستمبر کو منائی جاتی ہے۔آج گوگل کا ڈوڈل اینیمیٹد ویڈیو میں تبدیل کیا گیا ہے، جس میں انگریزی حروف کے غبارے بنائے گئے ہیں۔خصوصی اینیمیٹڈ ڈوڈل ویڈیو 1 منٹ 37 سیکنڈ پر مشتمل ہے جس میں منفرد زبانوں میں وہ سب دکھایا گیا ہے، جسے صارفین سرچ کرتے ہیں، جیسے کھیلوں کی معلومات، تصاویر، کھانے پینے کی اشیاء کی معلومات اور جفز وغیرہ۔اینیمیٹڈ ویڈیو کے آخر میں گوگل نے مختلف زبانوں میں صارفین کا شکریہ بھی ادا کیا۔ گوگل کا آغاز اسٹینڈفورڈ یونیورسٹی کے دو طلبا لیری پیج اور سرگی برن نے کیا تھا، جن کا مقصد ایک ایسا سسٹم تیار کرنا تھا جس سے لوگوں کو باآسانی ہر چیز کی معلومات حاصل ہوسکیں۔گوگل کمپنی کی جانب سے ہر برس یہ کوشش ہوتی ہے کہ وہ صارفین کو زیادہ سے زیادہ بہتر سروس فراہم کریں اور یہی وجہ ہے کہ گوگل میں گاہے بگاہے متعدد فیچرز بھی شامل ہوتے رہتے ہیں۔گوگل اس وقت 150 زائد سے زیادہ زبانوں اور 190 سے بھی زائد ممالک میں استعمال کیا جانے والا سرچ انجن ہے۔

کراچی (ویب ڈیسک)پولیس کی جانب سے سندھ ہائیکورٹ کو بتایا گیا ہے کہ مختلف علاقوں سے لاپتا مزید 8 افراد کئی ماہ بعد گھر واپس آگئے۔جسٹس نعمت اللہ پھلپھوٹو نے لاپتہ افراد سے متعلق درخواستوں پر سماعت کی، اس موقع پر پولیس کی جانب سے رپورٹ سندھ ہائیکورٹ میں پیش کی گئی۔رپورٹ میں بتایا گیا کہ کراچی کے مختلف علاقوں سے لاپتہ ہونے والے 8 افراد گھر واپس پہنچ گئے جب کہ واپس آنے والوں میں سے بیشتر افراد عدالت میں بھی پیش ہوئے۔ جسٹس نعمت اللہ پھلپھوٹو نے ریمارکس دیے کہ عدالت کی کوشش سے لاپتا افراد کے اہلخانہ کو حوصلہ ملا جب کہ عدالت نے واپس آنے والوں کی گمشدگی کی درخواستوں کو نمٹا دیا۔

اسلام آباد(ویب ڈیسک) گزشتہ ماہ کراچی میں مبینہ پولیس مقابلے میں 10 سالہ بچی امل کی ہلاکت کے ازخود نوٹس کیس کی سپریم کورٹ میں سماعت کے دوران نجی اسپتال انتظامیہ نے بچی کے والدین کے اس موقف کو مسترد کر دیا کہ واقعے کے روز امل کو وقت پر طبی امداد فراہم نہیں کی گئی، تاہم بچی کے والدین نے اسپتال انتظامیہ کی رپورٹ کو جھوٹ کا پلندہ قرار دے دیا۔دوسری جانب سپریم کورٹ نے جسٹس خلجی عارف کی سربراہی میں ایک کمیٹی قائم کرتے ہوئے 2 ہفتوں میں رپورٹ طلب کرلی۔ گزشتہ ماہ 13 اگست کی شب کراچی میں ڈیفنس موڑ کے قریب اختر کالونی سگنل پر مبینہ پولیس مقابلے میں ایک مبینہ ملزم کے ساتھ ساتھ جائے وقوع پر موجود گاڑی کی پچھلی نشست پر بیٹھی 10 سالہ بچی امل بھی جاں بحق ہوگئی تھی۔رپورٹس سامنے آئی تھیں کہ امل کی موت پولیس اہلکار کی گولی لگنے کی وجہ سے ہوئی، جس کے بعد چیف جسٹس پاکستان جسٹس ثاقب نثار نے واقعے کا نوٹس لیا تھا۔مذکورہ کیس کی 25 ستمبر کو ہونے والی گذشتہ سماعت کے دوران سپریم کورٹ نے پولیس ٹریننگ اور قواعد میں ضروری ترامیم، پرائیویٹ اسپتالوں میں زخمیوں کے علاج اور واقعے کے ذمہ داران کے تعین کے لیے ایک کمیٹی قائم کرتے ہوئے نجی اسپتال کے مالک کو بھی آج پیش ہونے کا حکم دیا تھا۔چیف جسٹس آف پاکستان جسٹس ثاقب نثار کی سربراہی میں سپریم کورٹ کے 3 رکنی بنچ نے آج ازخود نوٹس کیس کی سماعت کی۔سماعت کے دوران نجی اسپتال انتظامیہ نے امل کے والدین کے موقف کو مسترد کردیا اور کہا کہ ‘ہم علاج کر رہے تھے لیکن والدین خود بچی کو دوسرے اسپتال لےجانا چاہتے تھے’۔تاہم بچی کے والدین نے اسپتال انتظامیہ کی رپورٹ کو جھوٹ کا پلندہ قرار دے دیا۔بچی کے والد عمر نے عدالت عظمیٰ کے روبرو کہا کہ ‘اسپتال انتظامیہ ہمیں بچی کو دوسرے اسپتال لے جانے کا کہہ رہی تھی، جس پر ہم نے اسپتال انتظامیہ کو کہا کہ اپنا عملہ اور مصنوعی تنفس کا سامان بھی ساتھ دیں، لیکن اسپتال انتظامیہ نے کہا کہ ہم نہ تو عملہ دے سکتے ہیں اور نہ ہی مصنوعی تنفس کا سامان’۔اس موقع پر چیف جسٹس نے اسپتال انتظامیہ کی جانب سے جھوٹ بولنے پر برہمی کا اظہار کرتے ہوئے کہا کہ ‘ڈاکٹر ہوکر جھوٹ بولنے کی کیا ضرورت ہے’؟جس کے بعد سپریم کورٹ نے جسٹس خلجی عارف کی سربراہی میں ایک کمیٹی قائم کرتے ہوئے 2 ہفتوں میں رپورٹ طلب کرلی۔عدالت عظمیٰ نے کمیٹی میں پولیس افسر اے ڈی خواجہ، ڈسٹرکٹ بار کا ایک نمائندہ، ڈاکٹر اور مزید ایک پولیس افسر کو شامل کرنے کی بھی ہدایت کی۔اس کے ساتھ ہی سپریم کورٹ نے امل قتل کیس کی سماعت 2 ہفتوں کے لیے ملتوی کردی۔