دبئی (اے پی پی) یاسر شاہ نے پاکستان کی طرف سے ٹیسٹ اننگز میں تیسری بہترین باﺅلنگ کا اعزاز حاصل کر لیا، انہوں نے نیوزی لینڈ کے خلاف جاری دوسرے کرکٹ ٹیسٹ میچ کی پہلی اننگز میں تباہ کن باﺅلنگ کا مظاہرہ کرتے ہوئے 41 رنز کے عوض 8 کھلاڑیوں کو آﺅٹ کر کے یہ کارنامہ انجام دیا، یہ ان کے کیریئر کی بہترین باﺅلنگ بھی ہے، اس سے قبل 76 رنز کے عوض 7 وکٹیں ان کے کیریئر کی بہترین باﺅلنگ تھی، پاکستان کی طرف سے ٹیسٹ تاریخ میں ایک اننگز میں بہترین باﺅلنگ کا اعزاز عبدالقادر کو حاصل ہے جنہوں نے 1987ءمیں انگلینڈ کے خلاف 56 رنز دے کر 9 کھلاڑیوں کو پویلین کی راہ دکھائی تھی، دوسری بہترین باﺅلنگ کا اعزاز سرفراز نواز کے پاس ہے جنہوں نے 1979ءمیں آسٹریلیا کے خلاف 86 رنز کے عوض 9 وکٹیں لی تھیں۔
