ممبئی (شوبزڈیسک) بالی وڈ اداکارہ پریانکا چوپڑا اور نک جوناس کی مہندی اور سنگیت کی تقریب آج ہو گی۔ بھارتی ذرائع ابلاغ کے مطابق اداکارہ پریانکا چوپڑا اور نک جوناس 2دسمبر کو جودھ پور کے امید بھون پیلس میں شادی کے بندھن میں بندھ جائیں گے جو ہندی رسم و رواج اور عیسائی مذہب دونوںکے مطابق سر انجام پائے گی جبکہ ان کی مہندی اور سنگیت کی تقریب آج ہو گی جس میں نک جوناس اپنی منگیتر پریانکا چوپڑا کے لئے اپنے ہٹ گانے گائیں گے اور پریانکا چوپڑا اپنی فلموں کے گانوں پر ڈانس کریں گی اس کے ساتھ ان کی ہلدی یا مایوں کی رسم 30نومبر کو ہو گی۔
