لاہور (ویب ڈیسک )پاکستان تحریک انصاف کے سینئر رہنما جہانگیر ترین اور سپیکر پنجاب اسمبلی پرویز الہیٰ کے درمیان ہونے والی ملاقات کی ویڈیو لیک ہو گئی ہے جس میں وفاقی وزیر طاہر چیمہ بھی شریک تھے۔ویڈیو لیک ہونے کے بعد تحریک انصاف کے اندرونی اختلافات کھل کر سامنے ا? گئے ہیں۔تفصیلات کے مطابق ویڈیو میںوفاقی وزیر طاہر بشیر چیمہ نے جہانگیر ترین کو مخاطب کرتے ہوئے کہا کہ ” چوہدری سرور کو کنٹرول کریں “ ، جس پر پرویز الہیٰ میدان میں آتے ہیں اور کہتے ہیں کہ ” ہاں یار انہیں توکنٹرول کرو “ اس پر طاہر بشیر چیمہ دوبارہ گفتگو کو جاری کرتے ہوئے کہتے ہیں کہ ” انہیں کنٹرول کریں اور مہربانی کریں کیونکہ وہ آپ کے چیف منسٹر کو چلنے نہیں دیں گے “۔
یاد رہے کہ جہانگیر ترین ، پرویز الہیٰ اور طاہر بشیر چیمہ کے درمیان ملاقات ابھی کچھ دیر قبل ہی ہوئی ہے۔واضح رہے کہ اس سے قبل بھی عثمان بزدار میں پارٹی میں پائے جانے والے تحفظات سے متعلق خبریں ا?تی رہیں تاہم عمران خان نے ہمیشہ اپنے وزیراعلیٰ کا ساتھ دینے کا اعلان کیا ہے۔

لاہور(ویب ڈیسک)وزیراعظم عمران خان نے لاہور میں شیلٹر ہوم منصوبے کا سنگ بنیاد رکھ دیا،وزیراعظم کو شیلٹر ہوم منصوبے سے متعلق بریفنگ دی گئی ،تقریب میں وزیراعلیٰ پنجاب سردار عثمان بزدار اور دیگر شریک ہوئے۔تفصیلات کے مطابق وزیراعظم عمران خان نے شیلٹرہوم منصوبے کا سنگ بنیاد رکھ دیا،شیلٹرہوم بے سہارااورغریب افرادکیلئے بنائے جائیں گے، وزیراعظم کو شیلٹر ہوم منصوبے سے متعلق بریفنگ دی گئی ، منصوبے کے تحت حکومت پنجاب پہلے مرحلے میں لاہور میں پانچ شیلٹر ہوم قائم کرے گی،تقریب میں وزیراعلیٰ پنجاب سردار عثمان بزدار اور دیگر شریک ہوئے۔دورہ لاہور میں وزیراعظم ایوان وزیر اعلیٰ بھی جائیں گے جہاں وزیراعلیٰ سردار عثمان بزدار سے ان کی ون آن ون ملاقات ہوگی۔ وزیراعلیٰ سردار عثمان بزدار وزیراعظم کو حکومت پنجاب کی کارکردگی بارے بریف کریں گے۔ وزیراعظم عمران خان صوبائی وزرا سے بھی مشاورت کریں گے، وزرا اپنے محکموں بارے اقدامات سے وزیراعظم کو آگاہ کریں گے ، صوبائی وزرا کی 70 روزہ کارکردگی کو مد نظر رکھتے ہوئے وزرا کے مستقبل اور انکے محکموں کی تبدیلیوں کے حوالے سے اہم فیصلے بھی متوقع ہیں۔وزیر اعظم 100روزہ پلان پر حکومت پنجاب کی مجموعی تیاریوں پر بھی بریفنگ لیں گے۔ وزیر اعظم کی بیور و کریسی کے اعلیٰ حکام کے ساتھ بھی ملاقاتیں شیڈول میں شامل ہیں۔

کوئٹہ(ویب ڈیسک) بہن نے اپنے عاشق سے شادی رکوانے کے لیے بڑی بہن پر تیزاب پھینکوا دیا۔میڈیا رپورٹس کے مطابق کچھ روز قبل کوئٹہ میں ایک افسوسناک واقعہ پیش آیا تھا جب نا معلوم افراد ماں بیٹی پر تیزاب پھینک کر فرار ہو گئے تھے۔ ماں بیٹی پر تیزاب پھینکنے کے الزام میں تین افراد کو گرفتار کیا گیا تھا جس میں متاثرہ خاتون کی بیٹی بھی شامل ہے۔پولیس کے مطابق گرفتار ہونے والے دو دیگر افراد مردہیں جن کو گرفتار لڑکی نے اپنی ماں اور بڑی بہن پر مبینہ طور پر تیزاب پھینکنے کے لیے استعمال کیا۔رپورٹس میں مزید بتایا گیا ہے کہ گرفتار ہونے والے افراد کی شناخت ارم،اعجاز اور عبداللہ کے ناموں سے ہوئی۔ماں اور بیٹی پر تیزاب پھینکنے کا واقعہ 26اکتوبر کو پیش آیا تھا۔پولیس ذرائع کے مطابق ملزمان سے تفتیش کے دوران جو بات آئی اس کے مطابق گرفتار ہونے والی لڑکی اعجاز نامی مرد کو پسند کرتی تھی اور اس سے شادی کرنا چاہتی تھی تاہم رشتہ دار اعجاز کی شادی ارم کی بڑی بہن کرن سے کروانا چاہتے تھے۔بہن کی اعجاز سے شادی رکوانے کے لیے ارم نے بہن پر تیزاب پھیکنے کا منصوبہ بنایا۔ملزم اعجاز کا کہنا ہے کہ ارم نے اسے یہ کام کرنے پر مجبور کیاتھا اور کہا تھا کہ اگر میں نے ایسا نہ کیا تو وہ خودکشی کر لے گی۔واضح رہے کرن کی والدہ فرزانہ بی بی 20 سال سے گھروں میں کام کر کے اپنے بچوں کی کفالت کر تی ہے کوئٹہ میں اس سے پہلے بھی اس طرح واقعات رونما ہوئے جس پر اب تک ملزمان کی گرفتاری نہیں کی گئی ہے۔ فرزانہ بی بی نے تفصیلات بتاتے ہوئے کہا کہ میں اپنی بیٹی کو ٹیوشن سے گھر لے جا رہی تھی کہ راستہ میں دو افراد کھڑے تھے اور انہوں نے مجھ پر اور میری بیٹی پر تیزاب پھینک دیا جس کی وجہ سے ہم دونوں جھلس گئے اور زخمی حالت میں بی ایم سی منتقل کیا گیا۔

اسلام آباد (ویب ڈیسک ) نئے پاکستان میں تبدیلی آ نہیں رہی تبدیلی آگئی ہے۔ اے آئی جی اسلام آباد نے چرسیوں اور شرابیوں کو کھلی چھٹی دے دی۔ اب کسی سے شراب پکڑی جائے یا چرس، وہ جیل کی ہوا نہیں کھائے گا ، ہاں البتہ پولیس والوں کے ساتھ مل کر جوڑا بنالے تو اس کی اپنی مرضی ہے۔عمران خان کی حکومت کے آغاز میں ایک چرسی کی ویڈیو سوشل میڈیا پر وائرل ہوئی تھی جس میں اس نے کپتان سے افغانستان سے سستا مال منگوانے کی اپیل کی تھی۔ اب لگتا ہے کہ تبدیلی سرکار نے اس چرسی کی پکار پر لبیک کہہ دیا ہے کیونکہ نئے پاکستان میں شراب پکڑی جائے یا چرس، اس پر نہ تو مقدمہ ہوگا اور نہ ہی کوئی سو موٹو نوٹس لیا جائے گا۔ اے آئی جی اسلام آباد کے دفتر سے پولیس اہلکاروں کو تحریری حکم جاری کردیا گیا ہے جس میں اہلکاروں کو ہدایت کی گئی ہے کہ اگر کوئی شخص ایک بوتل شراب کی لے کر جارہا ہو تو اسے ناکے پر نہ روکا جائے اور نہ ہی اس کے خلاف ایف آئی آر درج کی جائے۔ حکمنامے میں چرس رکھنے والوں کے خلاف کارروائی سے بھی روک دیا گیا ہے ، یہ واضح نہیں کیا گیا کہ چرس کی کتنی مقدار وفاقی دارالحکومت میں ’ حلال‘ قرار دی گئی ہے۔ایک وہ وقت بھی تھا جب سابق چیف جسٹس افتخار محمد چوہدری نے اداکارہ عتیقہ اوڈھو سے شراب کی بوتل برآمد ہونے پر سوموٹو نوٹس لے لیا تھا جس کے نتیجے میں اداکارہ آج تک بھی عدالتوں کے چکر کاٹ رہی ہے۔ لیکن اب زمانہ بدل چکا ہے کیونکہ تبدیلی آ نہیں رہی، تبدیلی آگئی ہے۔

کراچی (ویب ڈیسک )سندھ کابینہ نے صوبے بھر میں پولی تھین بیگز کے استعمال پر پابندی لگانے کا فیصلہ کرلیا۔وزیراعلیٰ سندھ سید مراد علی شاہ کی زیر صدارت ہونے والے کابینہ اجلاس میں محکمہ ماحولیات کے حکام نے بتایا کہ پولی تھین بیگ کی تیاری اور استعمال جرم ہے۔جس پر کابینہ نے پولی تھین بیگ کے استعمال کے خلاف محکمہ ماحولیات کی سفارشات کی منظوری دے دی۔ترجمان کے مطابق 3 ماہ میں مرحلہ وار تمام اضلاع میں پلاسٹک بیگ کے استعمال پر پابندی عائد کی جائے گی۔اجلاس کے دوران بیمار و معمر قیدیوں کی رہائی کے لیے ہر 3 ماہ میں نئی لسٹ مرتب کرنے کا فیصلہ کرتے ہوئے کابینہ نے خطرناک امراض میں مبتلا معمر قیدیوں کی رہائی کی بھی منظوری دی۔ترجمان کے مطابق اجلاس میں فیصلہ کیا گیا کہ محکمہ جیل کی میڈیکل کمیٹی معمر قیدیوں کی تفصیلات کابینہ کو ارسال کرے گی جبکہ ضلعی انتظامیہ کے ذریعے رہائی پانے والے قیدیوں پر نظر رکھی جائے گی۔اجلاس کے دوران وزیراعلیٰ نے غیرملکی اور زرِ ضمانت نہ ہونے والے قیدیوں کی تفصیلات بھی طلب کرلیں۔ترجمان وزیراعلیٰ کے مطابق قیدیوں کو سندھ حکومت ضمانت ادا کرکے رہا کرے گی ۔ اجلاس میں گورنر، وزیراعلیٰ، وزیرداخلہ، اسپیکر، چیف جسٹس سندھ ہائیکورٹ، چیف سیکریٹری، آئی جی پولیس اور 2 ایڈیشنل آئی جیز کو بلٹ پروف گاڑی دینے کی منظوری بھی دی گئی۔دوسری جانب کابینہ نے مشیر قانون مرتضیٰ وہاب کی سربراہی میں سندھ پولیس میں تقرری و تعنیاتی ڈرافٹ رولز پر غور کے لیے کمیٹی بھی تشکیل دے دی، جس میں امتیاز شیخ، شبیر بجار، آئی جی پولیس اور سیکریٹری داخلہ شامل ہیں۔ترجمان کے مطابق کمیٹی سندھ پولیس رولز کا جائزہ لے کر کابینہ کو رپورٹ دےگی۔

لاہور(ویب ڈیسک )سپریم کورٹ نے ماڈل ٹاو¿ن کیس میں شریف برادران کی طلبی سے متعلق ہائی کورٹ کے فیصلے کے خلاف اپیل سماعت کے لیے مقرر کردی۔ہائیکورٹ نے ماڈل ٹاو¿ن کیس میں نوازشریف، شہبازشریف اور رانا ثنااللہ کو طلب کرنےکی درخواست مسترد کردی تھی جس پر درخواست گزار نے عدالت عالیہ کے فیصلے کے خلاف سپریم کورٹ میں اپیل دائر کی تھی۔ سپریم کورٹ نے ہائیکورٹ کے فیصلے کے بعد درخواستگزار کی اپیل جمعہ کو سماعت کے لیے مقرر کردی ہے۔جسٹس گلزار احمد اور جسٹس فیصل عرب پر مشتمل عدالتِ عظمیٰ کا 2 رکنی بینچ اپیل پر سماعت کرےگا جس کے لیے درخواست گزار سمیت تمام فریقین کو نوٹسز جاری کردیئے گئے ہیں۔یاد رہے کہ 17 جون 2014 کو لاہور کے علاقے ماڈل ٹاو¿ن میں پاکستان عوامی تحریک کے سربراہ ڈاکٹر طاہر القادری کی رہائش گاہ کے سامنے قائم تجاوزات کو ختم کرنے کے لیے پولیس کی جانب سے آپریشن کیا گیا۔پی اے ٹی کے کارکنوں کی مزاحمت اور پولیس آپریشن کے نتیجے میں 14 افراد جاں بحق ہوئے جن میں خواتین بھی شامل تھیں جب کہ پولیس کی فائرنگ سے درجنوں افراد زخمی بھی ہوئے۔پنجاب حکومت کی جانب سے واقعہ کی تحقیقات کے لئے جے آئی ٹی بنائی گئی جس کی رپورٹ بھی منظرعام پر آچکی ہے۔

لاہور (ویب ڈیسک )پیپلزپارٹی نے پنجاب میں سینیٹ کی دونوں نشستوں پر ضمنی انتخاب میں مسلم لیگ(ن) کو ووٹ دینے کا فیصلہ کیا ہے۔ایوان بالا کی دو نشستوں پر ضمنی انتخابات کے لیے پارلیمانی جماعتوں نے آپس میں رابطے تیز کردیے، حکومتی جماعت تحریک انصاف کو ٹف ٹائم دینے کے لیے اپوزیشن کی دو بڑی جماعتیں مسلم لیگ(ن) اور پیپلزپارٹی نے ووٹ کو تقسیم ہونے سے بچا لیا۔پیپلزپارٹی نے پنجاب میں سینیٹ کی دونوں نشستوں پر(ن) لیگ کو ووٹ دینے کا فیصلہ کیا ہے، یہ فیصلہ چیئرمین پی پی پی بلاول بھٹوزرداری کا پنجاب اسمبلی میں پارلیمانی لیڈر حسن مرتضی سے مشاورت کے بعد کیا گیا۔حسن مرتضیٰ کا کہنا تھا کہ سینیٹ کی دونوں نشستوں پر (ن) لیگ کے امیدواروں کو ووٹ دیں گے، ہمارا مقابلہ فاشسٹ جماعت سے ہے جن کا ساتھ نہیں دیا جا سکتا۔واضح رہے کہ (ن) لیگ کے ہارون اختر اور سعدیہ عباسی کی نااہلی کے باعث خالی ہونے والی پنجاب کی دو سینیٹ نشستوں پر ضمنی انتخاب 15 نومبر کو ہوگا۔