لاہور (ویب ڈیسک) :آسیہ بی بی کے بھائی جیمز مسیح کا کہنا ہے کہ آسیہ بی بی پاکستان میں محفوظ نہیں ہے۔آسیہ بی بی کے پاس ملک چھوڑنے کے علاوہ اور کوئی دوسرا راستہ نہیں ہے۔میڈیا رپورٹس کے مطابق آسیہ بی بی کے بھائی جیمز مسیح کا کہنا ہے کہ ابھی وہ اس ملک کا نام نہیں بتا سکتا جہاں آسیہ بی بی کو لے کر جایا جائے گا تاہم اسپین اور فرانس نے آسیہ بی بی پناہ دینے کی آفر کی ہے۔جمیز مسیح نے مزید بتایا کہ آسیہ بی بی کے شوہر عاشق مسیح اکتوبر کے وسط میں اپنے بچوں کے ہمراہ برطانیہ سے واپس آئے۔اور وہ آسیہ بی بی کی رہائی کے انتظار کر رہے تھے۔تاہم مذکورہ خاندان کو سپریم کورٹ سے آنے والے فیصلے کے بعد ملک میں پیدا ہونے والی صورتحال کے پیش نظر چھپا کر رکھا ہوا ہے۔عاشق مسیح کا کہنا ہے کہ میری دو چھوٹی بیٹیوں کی عمر اس وقت دس برس سے بھی کم تھی جب آسیہ بی بی کو جیل ہوئی۔
اور ان دوںوں کو والدہ کے ساتھ گزارا ہوا وقت بھی یاد نہیں ہے۔عاشق مسیح نے کہا کہ ہم عدالت کے شک گزار ہیں کہ اس نے ہمیں انسان تصور کرتے ہوئے عقیدے اور مذہب کی تفریق کیے بغیر فیصلہ دیا۔واضح رہے کہ سپریم کورٹ نے آسیہ بی بی کیس کا فیصلہ سنایا تو ملک بھر میں احتجاجی مظاہروں کا سلسلہ شروع ہو گیا۔ حکومت نے مظاہرین سے مذاکرات کا آپشن استعمال کرنے کا فیصلہ تو کیا لیکن تحریک لبیک کے رہنماو¿ں کی جانب سے اپنایا گیا تضحیک آمیز رویہ اور ناقابل قبول شرائط مذاکرات کی ناکامی کا باعث بنیں۔

لاہور (ویب ڈیسک) : آسیہ بی بی سے متعلق سپریم کورٹ کے فیصلے کے بعد پنجاب سمیت ملک بھر میں احتجاجی مظاہروں کا سلسلہ شروع ہو اجو ابھی تک جاری ہے۔ ملک بھر میں امن و امان کی صورتحال کو بہتر بنانے کے لیے پولیس اور رینجرز کو تعینات کیاگیا لیکن بظاہر پولیس بھی اپنی ذمہ داری سرانجام دینے میں ناکام نظر آئی۔ حال ہی میں سامنے آنے والی تصویر میں دیکھا گیا کہ مظاہرین ہاتھوں میں ڈنڈے ا±ٹھائے موٹرسائیکل سواروں کو روکنے کی کوشش کر رہے ہیں جبکہ پاس کھڑے پولیس اور سکیورٹی اہلکار ٹھائے ان کو دیکھ رہے ہیں۔
اس ایک تصویر نے موجودہ صورتحال میں پولیس کی کارکردگی کا پول کھول دیا ہے جس پر قانون نافذ کرنے والے اداروں اور سکیورٹی اہلکاروں کو سخت تنقید کا نشانہ بنایا جا رہا ہے۔مبصرین کا کہنا ہے کہ پولیس کا کام شہریوں کی جان و مال کی حفاظت ہوتا ہے لیکن اس تصویرمیں حقیقت اس کے برعکس دکھائی دیتی ہے۔یہاں یہ بات قابل ذکر ہے کہ سکیورٹی خدشات کے پیش نظر پنجاب کے مختلف شہروں میں آج بروز جمعہ موبائل فون سروس معطل ہے۔جبکہ ملک کے مختلف شہروں میں آج تعلیمی ادارے بند رہیں گے۔ پاکستان ٹیلی کمیونیکشن اتھارٹی اور وزارت داخلہ کی جانب سے جاری اطلاعات کے مطابق راولپنڈی، اسلام ا?باد، لاہور، گوجرانوالہ سمیت پنجاب کے مختلف شہروں میں موبائل فون سروس جمعہ کی صبح ا?ٹھ بجے سے مغرب تک معطل رہے گی۔ جبکہ بلوچستان اور خیبر پختونخوا میں جمعہ کے روز اکثر سرکاری اور نجی اسکول اور کالج بند رہیں گے۔

اسلام آباد(ویب ڈیسک ) پاک فوج کے ترجمان میجر جنرل آصف غفور نے کہا ہے کہ آسیہ مسیح کا کیس 10 برسوں سے عدالتوں میں چل رہا ہے، اس کیس کا فوج سے کوئی تعلق نہیں، ہر معاملے میں فوج کو گھسیٹنا افسوسناک ہے. سرکاری ٹی وی سے بات چیت کرتے ہوئے انہوں نے کہا کہ آسیہ بی بی کیس میں قانونی کارروائی کو مکمل ہونے دیا جائے، معاملہ عدالت میں ہے اور کوئی فیصلہ آنے کے بعد مسلمان آگے کا راستہ چن سکتے.انہوں نے کہا کہ پاک فوج کی خواہش ہے کہ امن و امان کی صورتحال خراب کیے بغیر معاملات حل ہوجائیں، آئین اور قانون کی حد بندیاں دی گئی ہیں، جس کا احترام کرنا چاہیے.میجر جنرل آصف غفور نے کہا کہ ہرکیس میں فوج کو گھسیٹنے کی کوشش کی جاتی ہے، آسیہ بی بی کیس عدالتی معاملے ہے، پاک فوج کا اس سے کوئی تعلق نہیں، اس کیس کو لے کر افواج پاکستان کے خلاف بات کرنا افسوسناک ہے ۔انہوں نے کہا کہ پاک فوج کے خلاف باتوں کو بڑے عرصے سے برداشت کر رہے ہیں، آئین اور قانون کے مطابق ایکشن ہوسکتا ہے لیکن کوشش کی جائے کہ وہ نوبت نہ آئے کہ پاک فوج کو ایکشن لینا پڑے. انہوں نے کہا کہ اسلام ہمیں امن و محبت کا درس دیتا ہے، ہمیں اسلامی تعلیمات کو نہیں چھوڑنا چاہیے، تمام مسلمانوں کا رسول? سے محبت کا رشتہ ہے، حضور ? کی محبت کے رشتے پر کوئی سمجھوتہ نہیں کریں گے.

اسلام آباد(مانیٹرنگ ڈیسک) تحریک انصاف کے رہنما ابراہیم خان نے کہا ہے کہ گزشتہ دس سال سے ماضی کی حکومتوں کی غلط پالیسیوں کے باعث پاکستان معاشی مسائل کا کار ہوا۔ہم معیشت کو درست سمت میں لے کر جا رہے ہیں۔چینل فائیو کے پروگرام نیوز ایٹ7میں گفتگو کرتے ہوئے انہوں نے کہا کہ چار عشروں کی غلطیوں کی تلافی دو ماہ میں نہیں ہو سکتی وقت لگے گا لیکن ان مسائل سے بہرحال جلد نکل جائیں گے۔بیرونی قوتیں تو چاہتی یہی ہیں پاکستان کو مقروض بنا کر دیوالیہ ڈکلیئر کر دیا جائے حکومت آئی ایم کے شکنجے سے قوم کو نجات دلانا چاہتی ہیں۔ریاست رٹ قائم کرنا حکومت کا فرض ہوتا ہے۔وزیراعظم عمران خان کی تقریر بالکل درست تھی۔ مسلم لیگ ن کے رہنماءخیل داس نے کہا کہ وزیراعظم عمران خان بس نعرے ہی مارتے ہیں عوام کو ریلیف نہیں مہنگائی ملی۔حکومت کو عام آدمی کی کوئی فکر نہیں ایک کروڑ نوکری کی بات کرنے والے لوگوں کو نوکری سے نکال رہے ہیں۔ وزیر خزانہ اسد عمر کا کوئی ہوم ورک نہیں۔ن لیگ کی حکومت میں ملکی معیشت بہتر تھی،موجودہ حکومت ناکام ہو چکی عام آدمی کا جینا دوبھر ہو گیا ہے۔ پیپلز پارٹی کے رہنماءچوہدری منظور نے کہا ہے کہ ضرورت اس بات کی ہے کہ تمام جماعتیں مل کر ملکی مسائل حل کریں کیونکہ ملک سب کا ہے جب تک سب مل کر نہیں بیٹھیں گے مسائل ختم نہیں ہوں گے ۔ہم تو چاہتے ہیں موجودہ صورتحال کو کنٹرول کیا جائے تاکہ عوام اس کوفت سے باہر آئیں۔ وزیر برائے صحت عامر کیانی نے کہا کہ بارہ نومبر سے ڈھائی کروڑ بچوں کو پولیو کے قطرے پلانے کے لئے ٹارگٹڈ کوششیں شروع جائیںگی۔اس سے قبل پشاور میں پولیو کے زیادہ کیسز رپو رٹ ہوتے تھے لیکن اب اکا دکا کیس سامنے آتے ہیں جنہیں ہم جلد ٹارگٹ کریں گے۔

جھنگ(ڈسٹر کٹ رپورٹر) جھنگ گوجرہ روڈ چوہدری کالونی کا رہائشی 83سالہ بزرگ شخص فالج اور دیگر بیمارویوں کی وجہ سے اپاہج کو اکلوتے بیٹے محمد اسلم نے اپنے ساتھیوں سے ملکر ساری عمر کی جمع پونجی سے محروم کر دیا ۔بیمار اور لاچار باپ کو ایک حویلی میںچھوڑ کر فرار ہو گیا ،خبریں کی ٹیم نے بے بس اور بے سہارا کو مدد فراہم کی اور ڈی پی او جھنگ کو ایک درخواست دی کہ بیٹے کے خلاف انکوائری ہو،لیکن متعلقہ تھانہ کا مقدمہ درج کرنے سے انکاری، بزرگ زندگی اور موت کی کشمکش میںوقت گزارنے پر مجبور، 20لاکھ روپے فراڈ کے ذریعے اکلوتے بیٹے نے ساتھیوں سے ملکر ہڑپ کر لیے۔تفصیلات کے مطابق گوجرہ روڈ کا رہائشی محمد یعقوب نامی شخص جو کہ اس وقت تقریباََ 83سال کی عمر کا بزرگ اور فالج کا مریض ہے بیٹا محمد اسلم جو کہ شرابی او رنشئی لوگوں کے ساتھ ملا ہوا ہے نے ایک پلاٹ باپ کے جعلی انگوٹھے لگا کر فروخت کردیا اوررقم بنک میں جمع کرانے کا جھانسہ دیکر ہڑپ کر گیا اس کے علاوہ بنک میں جمع رقم بھی جعلی انگوٹھوں کی مدد سے نکلوا کر ہڑپ کر گیا اور ضیعف باپ کو بے سہارا ایک ویران چاردیواری میں چھوڑ کر فرار ہو گیا بزرگ شخص نے کسی کی مدد سے خبریں کو اطلاع دی تو خبریں کی ٹیم نے پہنچ کر تمام معملات دیکھے اور ڈی پی او جھنگ کوایک درخواست کے ذریعے انکوائری کروانے کا کہا ،جس میں ڈی پی او جھنگ نے فوری طور پر بیٹے خلاف مقدمہ درج کرنے کا حکم دیا لیکن مقامی تھانہ سٹلائٹ نے اب تک کوئی کاروائی عمل میںنہیں لائی 83سالہ بزرگ کی ڈی پی او جھنگ سے فوری نوٹس لینے کی اپیل ہے کہ میری عمر بھر کی کمائی میرا بیٹا اسلم اور اس کے ساتھیوں نے جعل سازی اور فراڈ کر کے ہتھیا لی ہے ،فوری طور پر ان کے خلاف کاروائی عمل میںلائی جائے تاکہ میں اپنی زندگی کے باقی چند دن اپنا علاج ومعالجہ کروا کر زندہ رہ سکو۔اس کے علاوہ روزنامہ خبریں کے چیف ایڈیٹر کا تمام معاملات اجاگر کرنے پر بھی شکریہ ادا کیا ۔