ممبئی(ویب ڈیسک) رنویر سنگھ نے اپنی اہلیہ اور اداکارہ دپیکا پڈوکون کو دنیا کی خوبصورت ترین لڑکی قراردیدیا۔بھارتی میڈیا رپورٹس کے مطابق رنویر سنگھ اور دپیکا پڈوکون کی شادی کی خوشی میں منعقد ہونے والی گرینڈ پارٹی میں رنویر سنگھ کا اپنی اہلیہ کے حوالے سے کہنا تھا کہ انہوں نے دنیا کی خوبصورت ترین لڑکی سے شادی کی ہے۔رنویر نے پرجوش انداز میں کہا کہ ہمیں بہت خوشی ہے کہ آپ سب آج رات ایک ساتھ یہاں موجود ہیں، یہ رات ہم دونوں کے لئے بہت یادگار ہے کیوں کہ ہمارے سارے دوست اور محبت کرنے والے ایک چھت تلے جمع ہیں جب کہ ہم یہاں اپنا شاندار مستقبل آپ کے ساتھ شیئر کرنے کے لیے آئے ہیں۔واضح رہے کہ رنویر اور دپیکا رواں ماہ ہی اٹلی کے پرفضا مقام پر شادی کے بندھن میں بندھے ہیں۔

لاہور(صدف نعیم سے)تقریب سے خطاب کرتے ہوئے صوبائی وزیر اطلاعات و ثقافت فیاض الحسن نے کہا کہ پاکستان میں فلم ڈرامہ کو جتنا فروغ دے سکیں ہم مدد کریں گے ۔3 ماہ میں 45 میٹینگز کر چکا ہوں جس میں سینیئر فنکار شامل تھے۔پاکستان میں فلم کے حالات بدقسمتی سے بہت خراب ہیں ۔کراچی میں لوگ فلم کے لیے اسپانسر کررہے ہیں ۔10 سالوں سے فلم انڈسٹری کا برا حال ہے ۔انڈین اور ہالی ووڈ کی فلموں سے سینیما گھر چل رہے ہیں ۔فلم فسٹیول سے آپ نے ہمیں سوچنے پر مجبور کردیا ۔گزشتہ 18 سالوں سے انڈیا پاکستان کو دہشت گرد ملک کے طور پر فلم کے ذریعے پیش کررہا ہے ۔10 سالوں سے تو ہر فلم میں پاکستان کی بدنامی کا کوئی سین شامل کیا جاتا تھا ۔لیکن پاکستانی سیاست میں لوٹ مار میرا شوق اور روک سکوں تو روک لو فلم نظر آرہی تھی۔پچھلے دس سالوں میں نواز شریف اور زرداری ہاتھوں میں ہاتھ ڈال کر فلم چلا رہے تھے ۔میں پنجاب کے ثقافت کے وزیر کے طور پر بہت بہتری لاﺅں گا ۔اگلے ماہ سے وائس آف پنجاب پروگرام لارہا ہوں۔سرکاری سطح پر فلم فسٹیول لارہے ہیں۔آل شریف کو بھی ٹھیک کریں گے اور فلم انڈسٹری کو بھی۔پاکستان کے تصور کو ہم فلم کے ذریعے بہتر کرسکتے ہیں ۔خادم اعلی کی قیادت میں جو ثقافت میں کرپشن جاری تھی اسے روک دیاہے۔