ممبئی (ویب ڈیسک )نامور بالی ووڈ اداکارہ پریتی زنٹا نے خود پر تنقید کرنے والوں کو جواب دیتے ہوئے کہا ہے کہ آپ چاہے کتنی ہی اچھی چیزیں کرلیں لیکن آپ کی ایک غلطی پر آپ کو بے جاتنقید کا نشانہ بنایاجاتاہے۔تنازعات سے دور رہنے والی اداکارہ پریتی زنٹا حال ہی میں’می ٹو‘مہم کے حوالے سے دئیے گئے اپنےایک بیان کی وجہ سے تنازعے کی زد میں آگئیں۔ چند روز قبل ایک انٹرویو کے دوران جب پریتی زنٹا سے ان کی ’می ٹو‘کہانی کے متعلق پوچھاگیا تو انہوں نے انتہائی غیر ذمہ دارانہ ردعمل کا مظاہرہ کرتے ہوئے کہا تھا کہ کاش میرے ساتھ بھی ایسا ہوتا تومیں اپنی کہانی شیئر کرتی لیکن میں کسی کے برے رویے کا شکار نہیں ہوئی۔اداکارہ کے اس بیان نے میڈیا پر طوفان کھڑا کردیا اور سوشل میڈیا پر انہیں شدید تنقید کا نشانہ بنایا گیا جس کے بعد پریتی نے ایک اور انٹریو کے دوران کہا اداکاروں کو نشانہ بنانا آسان ہوتا ہے، آج کے دور میں اس بات سے کوئی فرق نہیں پڑتا کہ آپ میں کتنی خوبیاں ہیں بلکہ لوگ آپ کو آپ کی برائیوں سے پرکھتے ہیں، آپ چاہے 100 اچھی چیزیں کرلیں لوگوں کو پرواہ نہیں ہوتی لیکن صرف ایک غلطی پر آپ کو بے جا تنقید کا نشانہ بنایاجاتاہے۔ ان کا کہنا تھا کہ مستقبل میں اس تجربے کے بعد میں انٹرویو دینا نہیں چھوڑوں گی لیکن یقینی طور پر میں بات کرتے ہوئے معیار کا خیال رکھوں گی۔

ممبئی( ویب ڈیسک ) بھارتی انتہا پسند ہندو جماعت کی جانب سے سیاہی پھینکنے کی دھمکی کے بعد بالی ووڈ کنگ شاہ رخ خان کی سیکیورٹی سخت کردی گئی۔بھارتی ریاست اڑیسہ کے تاریخی خطے کلنگا میں 27 نومبر سے شروع ہونے والے ہاکی ورلڈ کپ کی افتتاحی تقریب منعقد ہونی ہے جس میں شاہ رخ خان کو بطور مہمان شرکت کے لیے مدعو کیا گیا ہے۔ اسی دوران کلنگا سینا نامی ہندو انتہا پسند تنظیم کی جانب سے اداکار کی اڑیسہ آمد پر ان کے چہرے پر سیاہی پھینکنے کی دھمکیاں دی گئی ہیں۔ریاست اڑیسہ کی شدت پسند تنظیم کلنگا سینا نے شاہ رخ پر الزام عائد کیا ہے کہ 17 سال قبل ریلیز ہونے والی فلم ’اشوکا‘ میں شاہ رخ خان نے اڑیسہ کی نہ صرف تاریخ کو مسخ کیا بلکہ ریاست کی ثقافت اور یہاں کے لوگوں کی جانب سے لڑی جانے والی کلنگا جنگ کی غلط منظر کشی بھی کی۔انتہا پسند تنظیم کے سربراہ ہیمنت رت نے مطالبہ کرتے ہوئے کہا کہ شاہ رخ خان ریاست کے لوگوں کے جذبات مجروح کرنے پر معافی مانگیں ورنہ اڑیسہ آمد پر ا±ن کے چہرے پر سیاہی پھینکی جائے گی۔اداکار کو دھمکی ملنے کے بعد اڑیسہ کے کمشنر کا کہنا ہے کہ ہاکی ورلڈ کپ کے دوران شاہ رخ خان کی آمد کے موقع پر سیکیورٹی کے سخت انتظامات کیے جائیں گے۔

ممبئی (ویب ڈیسک) بولی وڈ میں جہاں متعدد اداکاروں، پروڈیوسرز اور ڈائریکٹرز کے بچے موجود ہیں، وہیں کچھ خاندان کے کئی افراد بھی انڈسٹری میں موجود ہیں۔جہاں بھارتی فلم انڈسٹری میں کرینہ کپور اور رنبیر کپور کے خاندان کا نام رہتا ہے، وہیں جھانوی کپور اور ارجن کپور کا خاندان بھی اس حوالے سے پیچھے نہیں۔اطلاعات ہیں کہ جھانوی کپور کے والد فلم ساز بونی کپور ایک ایسے فلم بنانے کی منصوبہ بندی بنا رہے ہیں، جس میں وہ اپنے پورے کپور خاندان کے اہم اداکاروں کو کاسٹ کرنا چاہتے ہیں۔جی ہاں، اطلاعات ہیں کہ بونی کپور جلد ہی اپنی بیٹی جھانوی کپور اور بیٹے ارجن کپور سمیت اپنے بھائیوں انیل کپور اور سنجے کپور جیسی کاسٹ پر مبنی فلم بنانے کا اعلان کریں گے۔دکن کیرونیکل نے اپنی رپورٹ میں بتایا کہ بونی کپور نے ریاست گووا میں جاری فلم فیسٹیول میں بات کے دوران انکشاف کیا کہ وہ جلد ہی اپنے بیٹے اور بیٹی کی کاسٹ پر مبنی فلم بنانے کا اعلان کریں گے۔

لاہور(شوبزڈیسک) فلم سٹارنگار چودھری اور کامےڈےن قےصر پےا کا ماثیل تھیٹر میں ڈرامہ ”دلدار صدقے “شروع ہو گیا جبکہ ڈرامے مےں فلم سٹار مہک نور اور کامےڈےن سخاوت ناز بھی پر فارم کر رہے ہیں ۔ تماثےل تھےٹر کے چےئر مےن قےصر ثناءاللہ خان کی زےر نگرانی شروع ہونےوالے مذکورہ نئے ڈرامے مےں فلم سٹار نگار چودھری ‘قےصر پےا کے علاوہ کامےڈےن طاہر انجم ‘گلفام ‘سخاوت ناز ‘سلےم البےلا ‘مہک نور ‘حسنہ بھٹی ‘فےروزہ علی اور عانزہ سمےت دےگر اداکارائےں بھی پر فار م کرےں گی۔ اس حوالے سے چےئر مےن قےصر ثناءاللہ خان نے بتاےا کہ ےہ ڈرامہ کامےڈی سمےت ہر لحاظ سے اےک منفر د ڈرا مہ ہوگا جس مےں تمام فنکار وں نے بھرپور محنت کی ہے۔
اور ےہ ڈرامہ شائقےن کو ضرور پسند آئےگا ۔