لاہور (ویب ڈیسک) :معروف صحافی ندیم ملک نے تحریک انصاف کے رہنما فیصل واوڈا سے کہا کہ سنا ہے آپ کے تین وزیر جلد ہی پکڑے جانے والے ہیں۔جس پر فیصل واوڈا نے سوال کیا کہ آپ صوبائی وزیر کی بات کر رہے ہیں یا پھر وفاقی وزرائ کی تو ندیم ملک نے جواب دیا کہ دونوں کو ملا کر تین ہوتےہیں۔فیصل واوڈا نے کہا کہ کوئی بھی شخص قانون سے بالاتر نہیں۔فیصل واوڈا نے کہا کہ اگر ایسی کوئی خبر ہے تو میں متفق ہوں ان کو پکڑا جانا چاہئیے۔فیصل واوڈا نے کہا کہ میں آپ کی خبر کہ پی ٹی آئی کے تین وزیر پکڑے جانے والے ہیں کی تصدیق کرتا ہوں۔دوسری طرف وزیراعظم عمران خان پہلے ہی اس بات کا اعلان کر چکے ہیں کہ اگر کوئی وزیر کرپشن میں ملوث نکلا تو اس کے خلاف قانونی کاروائی ہو گی جب کہ بہتر کارگردگی نہ دکھانے والے وزرائ کو بھی وزارت سے ہاتھ دھونا پڑے گا۔وزیراعظم عمران خان نے وفاقی کابینہ کے تین اہم وزرا کی کارکردگی پر عدم اطمینان کا اظہار کرتے ہوئے انھیں اپنی کارکردگی بہتر بنانے کی ہدایت کی تھی۔ وزیراعظم عمران خان نے ان وزرائ کو کارکردگی بہتر بنانے کیلئے تین ماہ کی مہلت دی ہے۔وزیراعظم نے وزیر برائے بین الصوبائی رابطہ فہمیدہ مرزا، وفاقی وزیر برائے ا?ئی ٹی خالد مقبول صدیقی اور نیشنل فوڈ سیکیورٹی کے وزیر محبوب سلطان کی کارکردگی پر اظہارِ عدم اطمینان کرتے ہوئے انہیں اپنی کارکردگی بہتر بنانے کی ہدایت کی تھی۔
