لاہور(ویب ڈیسک)پنجاب کے مختلف علاقے شدید دھند کی لپیٹ میں ہیں جس کے باعث معمولات زندگی متاثر ہے۔ملتان، خانیوال، لودھراں، بہاولپور سمیت صوبے کے کئی شہروں میں دھند چھائی ہوئی ہے جس سے ٹریفک کی روانی متاثر ہے۔ ترجمان موٹر وے پولیس نے ڈرائیورز کو احتیاطی تدابیر اختیار کرنے کی ہدایت کی ہے۔ دھند کے باعث خانیوال روڈ پر ٹریفک حادثے میں 3 افراد جاں بحق ہوگئے۔دوسری جانب ملک بھر میں شدید سردی کی لہر برقرار ہے، اسکردو میں کم سے کم درجہ حرارت منفی 14 ڈگری سینٹی گریڈ ریکارڈ کیا گیا، کوئٹہ میں منفی 3، اسلام آباد اور پشاور میں منفی ایک جب کہ لاہور میں 2 اور کراچی میں 12 ڈگری سینٹی گریڈ رہا۔
