لاہور(شوبزڈےسک)پاکستان فلم انڈسٹری کے معروف گلوکارہ شازیہ منظورنے کہا ہے کہ نیا سال 2019پاکستانیوں کے لئے کامیابیوں وکامرانیوں کا سال ہے،انہوں نے کہا کہ نئے سال میں ہدائیتکار باسوچودھری کی فلم”اتھرے راجپوت“کا میوزک بھی اتھرا ہے،جوشائقین کے دلوں کوبھا جائے گا،اورلوگ اس کو سن کر متاثرہوں گے،شازیہ منظورنے کہا کہ اس فلم کے گیتوں کو باسوچودھری نے بڑی خوبصورتی سے لفظوں میں پرویا ہے،جسے میوزک ڈائریکٹراشفاق علی نے بہت ہی باکمال دھنوں میں سجایا ہے،انہوں نے کہا کہ میں بیس سال سے فلم انڈسٹری چھوڑچکی تھی اب دوبارہ سے مجھے میرے بھائی دبنگ ہیروشمس رانا اور باسوچودھری کے کہنے پر آئی ہوں ،فلم ”اتھرے راجپوت“میں میری آوازمیں گیتوں کو ریکارڈکیا گیا ہے،فلم میں ٹائٹل رول شمس رانا اور خرم جانوبابا ادا کررہے ہیں،اگلے سال فلم کی باقاعدہ عکسبندی کا آغازکردیا جائیگا۔
