Yearly Archives: 2018

دلچسپ و عجیب

پیزا کی شوقین د لہنوں کیلئے پھولوں کی بجائے ’پیزا گلدستہ‘ تیار

لاہور(ویب ڈیسک) ویڈنگ سیزن کا آغاز ہوچکا ہے اور اگر آپ کی شادی ہونے والی ہے اور آپ کا پارٹنر پیزا کا دیوانہ ہے تو آپ بھی شادی میں پھولوں کا گلدستہ دینے کے بجائے ’پیزا گلدستہ‘ دے سکتے ہیں۔نیوجرسی کے مورس ٹاو¿ن میں ولا اٹالین کچن نے ویڈنگ سیزن پر خصوصی طور پر نئے جوڑوں کے لیے پیزا گلدستہ متعارف کیا ہے تاکہ جو افراد پیزا کے شوقین ہیں وہ شادی کے دن پھولوں کا گلدستہ دینے کے بجائے دلچسپ اور مزیدار ’پیزا گلدستہ‘ دیں۔ایسی ہی ایک تصویر گزشتہ ہفتے سے سوشل میڈیا پر وائرل ہے جس میں دیکھا جا سکتا ہے کہ دلہے نے شادی پر دلہن کو ’پیزا گلدستہ‘ دیا ہے اور دونوں پیزا کھانے کے شوقین ہیں۔پیزا گلدستہ کو نیو یارک فوڈ اسٹائلسٹ جیسی بیئرڈین نے شاندار طریقے سے تیار کیا ہے جس میں پنیر سے لے کر دودھ، مشروم اور تمام لوازمات شامل ہیں۔ولا اٹالین کچن کے ڈیجیٹل ڈائریکٹر می می ونڈرلچ نے اسے دنیا کا پہلا ’پیزا گلدستہ‘ قرار دیا اور کہا ہے کہ یہ رواں برس کا سب سے انوکھا ٹرینڈ ہے۔ان کا کہنا تھا کہ پیزا لورز کے لیے ان کی شادی پر اس سے بہترین تحفہ اور کچھ نہیں ہوسکتا اور ان کی شادی میں پھولوں کی خوشبو کے بجائے پیزا سے مصالحوں کا تڑکا لگے گا۔

اہم خبریں, پاکستان

زعیم قادری نے نئی سیاسی جماعت بنا نے کا فیصلہ کر لیا ، کیا نام رکھیں گے؟ بڑا دعویٰ سامنے آ گیا

لاہور (ویب ڈیسک ) مسلم لیگ ن کے منحرف رہنما زعیم حسین قادری نے نئی سیاسی جماعت بنانے کا فیصلہ کر لیااور ان کی جماعت کا نام پاکستان مسلم لیگ نظریاتی رکھے جانے کا امکان ہے۔ زعیم قادری نے جماعت کی تشکیل اور شمولیت کے حوالے سے مختلف علاقوں سے ہم خیال رہنماﺅں سے رابطہ بھی کیا ہے۔ زعیم قادری ن لیگ کا ٹکٹ نہ ملنے پر آزاد حیثیت سے الیکشن میں حصہ لے رہے ہیں۔ ایک انٹرویو میں زعیم قادری نے کہا کہ ن لیگ پرائیویٹ لمیٹڈ کمپنی بن چکی ہے، کس کو نہیں پتہ کہ ن لیگ میں کیا ہو رہا ہے؟ ہمارے ساتھ قسمیں کھاتے تھے کہ ہم شریف لوگ ہیں، ہمیں کیا پتہ تھا کہ یہ لوگ کیا ہیں۔انہوں نے کہا کہ چودھری عبدالغفور اندر کے آدمی تھے، انہیں زیادہ معلوم ہے، انہوں نے بتایا کہ پارٹی میں 2007ء سے سوالات اٹھا رہا تھا جس پر مجھے پارٹی میں ناپسند کیا جانے لگا، ن لیگ نے مجھے دو ٹکٹ دیئے جو میں نے واپس کر دیئے۔

شوبز

ایشوریا اور انیل کپور کی فلم ’فنے خان‘ کا پہلا ٹیزر جاری

لاہور(ویب ڈیسک) سابق حسینہ عالم ایشوریا رائے بچن اور انیل کپور کی فلم ’فنے خان‘ کا پہلا ٹیزر جاری ہوگیا۔فلم ’فنے خان‘ میں ایشوریا رائے بچن ، انیل کپور اور راج کمار راو¿ مرکزی کرداروں میں نظرآئیں گے لیکن فلم کی خاص بات یہ ہے کہ ایشوریا رائے اور انیل کپور 17 سال بعد ایک ساتھ جلوہ گر ہوں گے۔انیل کپور اور ایشوریا 17 سال بعد ایک ساتھ جلوہ گر ہونے کو تیار۔سابق حسینہ عالم کی یہ فلم عید الفطر کے موقع پر ریلیز ہونا تھی لیکن فلم کے پروڈیوسرز نے سلمان خان کی ’ریس 3‘ کے ساتھ باکس آفس ٹاکرے سے گریز کرتے ہوئے ریلیز کی تاریخ بدل دی تھی۔فلم کا پہلا پوسٹر گزشتہ روز جاری کیا گیا تھا لیکن اب فلم کا پہلا ٹیزر سامنے آیا ہے جس میں ایشوریا رائے کے انداز نے مداحوں کے دل موہ لیے ہیں۔ٹیزر 57 سیکنڈ کے دورانیے پر مبنی ہے جس میں انیل کپور اور راج کمار راو¿ کو بھی دکھایا گیاہے۔فلم ’فنے خان‘ 3 اگست کو نمائش کے لیے پیش کی جائے گی جس کے پروڈیوسر خود انیل کپور بھی ہیں۔واضح رہےکہ انیل کپور اور ایشوریا کی ’تال‘ اور ’ہمارا دل آپ کے پاس ہے‘ مشہور فلموں میں شامل ہیں جب کہ دونوں اداکار فلم ’ہمارا دل آپ کے پاس ہے‘ میں 2000 میں آخری بار جلوہ گر ہوئے تھے۔

انٹر نیشنل, اہم خبریں

اردوان کی کا میابی پر اسرائیل اور ایران خو ش کیوں؟

ایران، ترکی اور اسرائیل ایک دوسرے کے علاقائی حریف ہیں اور برسوں سے ان کے درمیان اختلاف رہا ہے۔ترکی کی ایک عرصے سے رہنمائی کرنے والے لیڈر رجب طیب اردوغان کی تہران اور یروشلم کی انتظامیہ سے مخاصمت کے سبب ان ممالک کے درمیان سفارتی بحران اور علاقائی عدم استحکام نظر آیا ہے۔دونوں ممالک کے رشتے، بطور خاص اردوغان اور عمومی طور پر ترکی انتظامیہ سے اچھے نہیں رہے ہیں۔لیکن اب اردوغان کے پاس ایگزیکٹو صدر کی نئی طاقت ہوگی کیونکہ ترکی میں وزیر اعظم کا عہدہ ختم کر دیا گیا ہے۔ایسے میں اسرائیل اور ایران دونوں کیونکر خوش ہو سکتے ہیں جبکہ اردوغان جنھیں ‘نیا سلطان’ کہا جا رہا ہے انھیں پانچ سال کی نئی مدت ملی ہے؟رواں سال یکم اپریل کو صدر اردوغان نے اسرائیل کے وزیر اعظم بنیامین نتن یاہو کو ‘دہشت گرد’ کہا تھاحال ہی میں اردوغان نے اسرائیل کو زمین پر قبضہ کرنے والا دہشت گرد ملک کہا تھا۔ترکی نے اسرائ?ل کی فلسطینوں کے ساتھ ناروا سلوک برتنے کی سخت مذمت کی تھی۔ یہاں تک کہ غزہ میں گذشتہ مئی میں ہونے والے خونی مظاہروں کے بعد اس نے اسرائیلی سفیر کو انقرہ سے نکال دیا تھا۔لیکن علاقائی تجزیہ نگاروں کا کہنا ہے کہ ان کے رشتوں کے افق پر نرمی نظر آ رہی ہے۔ سنٹرسٹ نظریہ کے حامل اخبار یڈیوٹ اخرنوٹ کے سمدار پیری کا کہنا ہے کہ ‘اردوغان کے سخت رویے کے باوجود یہ واضح ہے کہ ایک ایسا وقت آئے گا جب وہ رفتہ رفتہ لگام ڈھیلی چھوڑیں گے اور اسرائیل کے ساتھ تعلقات کی بحالی کی اجازت دیں گے۔ ترکی اور اسرائیل ہمیشہ ایک دوسرے کے لیے اہم رہے ہیں۔’در حقیقت دونوں ممالک کے درمیان تجارت معمول پر رہی ہے اور حالیہ مہینوں کے درمیان ان کے معاشی رشتے متاثر نہیں ہوئے ہیں۔ترکی میں اسرائیلی مصنوعات کا سرکاری طور پر بائیکاٹ نہیں ہوا ہے اور کسی بھی تجارتی معاہدے کو منسوخ نہیں کیا گیا ہے۔ترکی کے صدر ہمیشہ سے اسرائیل کے ناقد اور فلسطینی رہنام محمود عباس کے حامی رہے ہیںترکی کی سیاست میں اسرائیل کے ساتھ انتہائی اقدام پر بحث ہوئی ہے اور اردوغان کے اہم حریف سی ایچ پی کے محرم انجے نے ان کی وکالت کی ہے۔ایک دوسری پارٹی کرد نواز ایچ ڈی پی پارٹی نے تو یہاں تک کہا کہ ‘اسرائیل کے ساتھ تمام معاشی تعلقات کو توڑ لینا چاہیے۔’ خیال رہے کہ اس موقف کی سی ایچ پی بھی حمایت کرتی ہے۔اپنے سیاسی حریف کے برخلاف اردوغان اور ان کی اے کے پارٹی تجارتی محاذ پر نسبتاً کم اسرائیل مخالف رہی ہے۔ترکی کے انتخابات سے قبل اسرائیلی اخبار ہاریٹز نے اس بات کی جانب اشارہ کیا کہ ‘ترکی میں سفارتی بحران کے ابتدا کے بعد اے کے پی نے پارلیمان میں ایک قرارداد کو نامنظور کر دیا جس میں یہودی ریاست کے ساتھ تمام پرانے معاہدے کو توڑنے اور معاشی تعلقات کو ختم کرنے کی بات کہی گئی تھی۔اردوغان اور اے کے پی نے اسرائیل کے خلاف شعلہ بیانیوں کا استعمال کیا ہے لیکن اسرائیل کو پتہ ہے کہ وہ دونوں ممالک کے معاشی رابطے کو خطرے میں نہیں ڈالیں گے۔
دریں اثنا غرب اردن میں فلسطینی صدر محمود عباس نے صدر اردوغان کو ان کی جیت پر مبارکباد دی ہے اور ترکی کے لیے مزید کامیابیوں، ترقیات اور استحکام کی خواہش ظاہر کی ہے۔

اہم خبریں, پاکستان

بینظیر بھٹو کے قتل میں مبینہ طور پر ملوث شدت پسند اکرام کی ویڈیو منظر عا م پر آگئی

لندن (ویب ڈیسک)پاکستان کی سابق وزیر اعظم بینظیر بھٹو کے قتل میں مبینہ طور پر ملوث ایک شدت پسند اکرام اللہ نے حال ہی میں طالبان کی جانب سے جاری کی گئی ویڈیو میں خود پر لگائے گئے الزام کی تردید کی ہے۔خیال کیا جاتا رہا کہ 2007 دسمبر میں راولپنڈی کے لیاقت باغ میں ہونے والے حملے کے لیے اکرام اللہ متبادل خود کش حملہ آور تھے اور اگر پہلہ حملہ آور اپنے مشن میں ناکام ہوتا تو اکرام اللہ اس مشن پر جاتے۔پاکستان پیپلز پارٹی کی رہنما اور ملک کی دو دفعہ منتخب ہونے والی وزیر اعظم بینظیر بھٹو اور ان کے ساتھ ساتھ 20 افراد بھی اس حملے میں ہلاک ہو گئے تھے۔واقعے کے 11 سال بعد طالبان کے ایک نئے دھڑے کی جانب سے یہ ویڈیو جاری کی گئی جو کہ بی بی سی نے حاصل کی ہے۔ خیال کیا جا رہا ہے کہ یہ ویڈیو مشرقی افغانستان میں بنائی گئی ہے۔اس ویڈیو میں اکرام اللہ نے 2007 کے حملے کے بارے میں اپنا پہلا بیان دیا ہے اور اور متعدد بار اس بات کو دہرایا ہے کہ وہ اس کی تیاری میں کسی بھی لمحے ملوث نہیں تھے اور نہ ہی انھیں اس منصوبے کا کوئی علم تھا۔واضح رہے کہ اکرام اللہ پاکستانی حکام کی جانب سے جاری کی گئی مطلوبہ افراد کی فہرست میں شامل ہیں اور عدالتی دستاویزات میں انھیں دوسرا خود کش حملہ آور قرار دیا گیا ہے ۔دوسری جانب بینظیر بھٹو کے قریبی ساتھی اور ملک کے سابق وزیر داخلہ رحمان ملک نے اکرام اللہ کے اس دعوے کی تردید کی ہے۔بی بی سی سے بات کرتے ہوئے رحمان ملک نے کہا کہ اکرام اللہ ‘مکمل طور پر جھوٹ بول رہا ہے’ اور کہا کہ اس حملے میں ملوث دوسرے ملزمان نے عدالت میں اس کا نام دوسرے خود کش حملہ آور کی حیثیت سے لیا تھا۔

انٹر نیشنل, اہم خبریں

خواتین کی خریدو فروخت، جبری مشقت، زبردستی شادیاں، اور جنسی غلامی ، بھارت دنیا کا سب سے غیر محفوظ ملک

لندن(ویب ڈیسک)بین الاقوامی ماہرین کی جانب سے دنیا بھر میں خواتین کو درپیش مسائل کے حوالے سے کیے گئے سروے میں یہ انکشاف سامنے آیا ہے کہ جنسی استحصال اور جبری مشقت کے لحاظ سے بھارت خواتین کے لیے دنیا کا سب سے خطرناک ملک ہے۔امریکی خبر رساں ادارے سی این این کی رپورٹ کے مطابق ’تھامس رائٹرز فاو¿نڈیشن‘ نامی ادارے کی جانب کیے گئے اس سروے میں 550 ماہرین نے حصہ لیا۔سروے کے نتیجے میں یہ بات سامنے آئی کہ خواتین کے خلاف جنسی زیادتی کے واقعات، گھریلو کاموں کے لیے خواتین کی خریدو فروخت، جبری مشقت، زبردستی شادیاں، اور جنسی غلامی کے حوالے سے بھارت دنیا کا سب سے غیر محفوظ ملک ہے۔

 

پاکستان

دنیا کا طاقتورترین انسان؟دیو قامت ،عظیم الجثہ پاکستانی ،436کلو وزن، ایک ہاتھ سے آدمی کو سر کے اوپر اٹھا لیتاہے ،دھوم مچ گئی

کراچی (ویب ڈیسک)انٹرنیٹ پر آج کل ایک دیو قامت اور عظیم الجثہ پاکستانی شہری کی دھوم مچی ہوئی ہے جس کا یہ دعویٰ ہے کہ وہ دنیا کا طاقتور ترین انسان ہے۔ویب سائٹ آڈیٹی سینٹرل کی رپورٹ کے مطابق 25 سالہ ارباب خضر حیات المعروف خان بابا کا وزن 436 کلو ہے اور قد 6 فٹ سے زیادہ ہے۔خان بابا کا تعلق صوبہ خیبر پختونخوا کے شہر مردان سے ہے اور اس کا کہنا ہے کہ وہ بچپن ہی سے ریسلنگ دیکھنے کا شوقین تھا اور مستقبل میں ڈبلیو ڈبلیو ای میں پاکستان کی نمائندگی کا خواہاں ہے۔خان بابا ایک ہاتھ سے آدمی کو اپنے سر کے اوپر اٹھا لیتا ہے اور ہاتھ سے سکے بھی توڑ دیتا ہے۔خان بابا کی مختلف وڈیوز یوٹیوب پر وائرل ہورہی ہیں جن میں وہ ایک ٹریکٹر اور گاڑیوں کو اپنے ہاتھ سے روکتے ہوئے دکھائی دے رہے ہیں۔صحافیوں سے گفتگو کرتے ہوئے خان بابا نے دعویٰ کیا کہ ‘2012 میں جاپان میں ہونے والے ایک ویٹ لفٹنگ مقابلے میں انہوں نے 5 ہزار کلو گرام وزن اٹھایا اور دعویٰ کیا کہ کوئی بھی اس ریکارڈ کو نہیں توڑ سکتا’۔خان بابا کا کہنا ہے کہ جب وہ 18 سال کا تھا تو اچانک اس کے جسم میں تبدیلی رونما ہونا شروع ہوگئی اور ان کا وزن بڑھتا گیا۔ان کا دعویٰ ہے کہ وہ ایک دن میں 10 ہزار کیلوریز کھاجاتے ہیں اور صرف ناشتے میں 36 انڈے، 4 مرغیاں، تین کلو گائے کا گوشت اور پانچ کلو دودھ پی جاتے ہیں۔خان بابا کا کہنا ہے کہ اتنا زیادہ وزن ہونے کے باوجود انہیں کوئی بیماری نہیں اور وہ خود کو بالکل فٹ محسوس کرتے ہیں۔انہوں نے بتایا کہ سفر کے لیے انہیں شدید مشکلات پیش آتی ہیں کیوں کہ کسی بھی گاڑی میں وہ فٹ نہیں آتے۔خان بابا مردان میں ایک سیلیبرٹی سے کم نہیں اور لوگ دور دور سے ان کے ساتھ تصویریں بنوانے کے لیے آتے ہیں۔دوسری جانب خان بابا پر بعض لوگوں کی جانب سے تنقید بھی کی جارہی ہے اور کچھ لوگوں نے اس کے دعووں کے حقیقی ہونے پر سوالات بھی اٹھائے ہیں۔بعض لوگوں کا کہنا ہے کہ خان بابا ہر وقت شال اوڑھے رکھتا ہے جس کی وجہ سے وہ اور بھی موٹا نظر آتا ہے۔بعض ناقدین یہ بھی کہتے ہیں کہ خان بابا پیٹ اور سینے کو برابر رکھنے کے لیے سینے پر کوئی شے باندھتا ہے جسے چپھانے کے لیے وہ ہر وقت شال اوڑھے رکھتا ہے۔

سائنس و ٹیکنالوجی

خبر دار کونسے سمارٹ موبائل فونز پر واٹس ایپ استعمال پر پابندی ،خبر آ گئی

لندن (ویب ڈیسک)موبائل ایپلی کیشنز کی مقبول ترین ایپ ’واٹس ایپ‘ اب پرانے آئی فونز اور اینڈرائڈ اسمارٹ فون پر نہیں چلے گی۔واٹس ایپ بلاگ پوسٹ کے مطابق واٹس ایپ اب ان تمام اسمارٹ فون پر نہیں چلے گی جن کا ورڑن 2.3.7، نوکیا ایس40 ہوگا یا پھر آئی او ایس 7 ہے۔بلاگ پوسٹ کے مطابق یکم فروری 2020 تک مکمل طور پر واٹس ایپ پرانے ورڑن پر کام کرنا ختم کردے گی۔گوگل فگر(google figure) کے مطابق ابھی بھی 0.3 فیصد اینڈرائڈ ڈیوائس پرانے ورڑن پر چل رہے ہیں جو تقریباً 6 ملین ٹیبلٹس اور اسمارٹ فون میں استعمال ہو رہا ہے۔وہ صارفین جو ان سسٹم کو استعمال کررہے ہیں وہ اب اس پر کوئی نیا واٹس ایپ اکاو¿نٹ نہیں بنا سکیں گے البتہ وہ اپنے اکاو¿نٹ کو مذکورہ تاریخ کے ختم ہونے تک جاری رکھ سکتے ہیں۔واٹس ایپ ان ورڑن پر بلکل نہیں چلے گا: اینڈرائڈ ورڑن 2.3.3 ونڈوز فون 8.0 یا اس سے بھی پرانے آئی فون 3 جی ایس/آئی او ایس 6 نوکیا سمبیان ایس 60 بلیک بیری او ایس اور بلیک بیری 10 2 سال تک قابل استعمال ورڑن اینڈرائڈ ورڑن 2.3.7 یا اس سے پرانے ورڑن اور آئی او ایس 7 اور اس سے پرانے ورڑن پر اسے 2 سال تک استعمال کیا جاسکتا ہے۔اس کے علاوہ واٹس ایپ میں نوکیا ایس 40 میں رواں برس کے آخر 31 دسمبر تک کام کرسکے گا۔جب کہ کچھ ایسے بھی ورڑن ہیں جن کو صرف اپ ڈیٹ کرنے سے واٹس استعمال کیا جاسکے گا جن میں اینڈرائڈ 4.0+، آئی فون آئی او ایس 8 پلس ونڈوز فون 8.1 پلس شامل ہیں۔

اہم خبریں, دلچسپ و عجیب, کھیل

فیفا فٹبال عالمی کپ 2018 کی سب سے پیاری تصویر

لندن (ویب ڈیسک)کوبے، میکس، نیال، جیکب اور کائل سے ملیے۔ پانچ آٹھ سالہ لڑکے، جو کھیلوں کے شوقین، بہترین دوست اور انگلینڈ? کی ٹیم کے مداح ہیں۔جیکب کے والد سٹیو نے بی بی سی سپورٹس کو بتایا کہ ان تمام لڑکوں کی مائیں گذشتہ 20 برس سے بہترین دوست ہیں۔وہ کہتے ہیں کہ ’ہم سب خاندان چیشیئر میں ایک ہی رہائشی علاقے میں رہتے ہیں لیکن ہم نے کچھ ایسی منصوبہ بندی نہیں کی تھی۔‘ان کا کہنا تھا کہ ‘ایک دن وہ سب دوپہر کے کھانے کے لیے گئے اور ان میں سے ایک نے اعلان کیا کہ ان کے اولاد ہونے والی ہیں۔ فوراً تمام ہنسنے لگیں کیونکہ وہ تمام حاملہ تھیں اور انھوں نے ایک دوسرے کو نہیں بتایا تھا۔’ان بچوں کی پیدائش کے کچھ ماہ بعد، 2010 کے عالمی کپ کے دوران ان کے والدین نے ایک گروپ فوٹو بنانے کا فیصلہ کیا، جہاں سے اس روایت نے جنم لیا۔سٹیو کہتے ہیں: ‘ہم امید کرتے ہیں کہ وہ آئندہ آنے والے برسوں میں بھی ایسی ہی تصویر بناتے رہیں گے۔’لیکن کیا ہم انھیں مستقبل میں انگلینڈ? کی آفیشل فٹبال ٹیم کی تصویر میں دیکھ سکیں گے؟ ایسا ممکن ہے۔انگلینڈ کی ٹیم اس وقت گروپ جی میں اپنے دونوں میچ جیتے کے بعد پہلی پوزیشن پر ہے
ؒؒکوبے جو دوسرے لڑکوں سے چند ماہ بڑا ہے اب رگبی کا دیوانہ ہے لیکن دیگر لڑکے ہر ہفتے ایک ساتھ فٹبال کھیلتے ہیں۔
جیکب کا کہنا تھا کہ وہ حالیہ عالمی کپ سے بھی بھرپور لطف اندوز ہورہے ہیں۔
و

اہم خبریں, پاکستان

عمرا ن خان نے سکندر بوسن کے بعد چو دھری الیاس اور پی پی 28 سے محمد زبیر کو دیا گیا ٹکٹ واپس لے لیا

گجرات (ویب ڈیسک )پاکستان تحریک انصاف نے ٹکٹیں دینے کے بعد اب ’واپس ‘ لینے کا عمل شروع کر دیاہے ، گجرات کے حلقہ این اے 71 سے چوہدری الیاس سے ٹکٹ بھی واپس لے لیا گیاہے۔نجی ٹی وی کے مطابق گجرات کے حلقہ این اے 71 سے چوہدری الیاس اور پی پی 28 سے محمد زبیر کو دیا گیا ٹکٹ واپس لے لیا گیاہے ، دونوں امیدواروں کے نام پی ٹی آئی فہرست سے غائب ہو چکے ہیں۔یہاں یہ امر بھی قابل ذکر ہے کہ چوہدری الیاس تحریک انصاف کے سابق ضلعی صدر 2013 میں پارٹی امیدوار تھے۔واضح رہے کہ گزشتہ روز پی ٹی آئی نے ن لیگ سے پارٹی میں شمولیت اختیار کرنے والے سکندر بوسن کو دیا گیا ٹکٹ بھی چند ہی گھنٹوں کے بعد واپس لے لیا تھا۔