راولپنڈی(ویب ڈیسک) آرمی چیف جنرل قمر جاوید باجوہ نے کہاہے کہ بلوچستان کی سیکیورٹی پاک فوج کی اولین ترجیح ہے اور پاکستان کی خوشحالی صوبے کے امن واستحکام اور خوشحالی سے جڑی ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے وزیراعلیٰ بلوچستان جام کمال نے ملاقات کی جس میں صوبے کی سیکیورٹی صورتحال پر بات چیت کی گئی جب کہ وزیراعلیٰ بلوچستان نے سیکیورٹی اور معاشی صورتحال میں بہتری پر پاک فوج کو سراہا۔آئی ایس پی آر کے مطابق اس موقع پر آرمی چیف جنرل قمر جاوید باجوہ نے کہا کہ بلوچستان کی سیکیورٹی پاک فوج کی اولین ترجیح ہے، پاکستان کی خوشحالی بلوچستان کے امن واستحکام اور خوشحالی سے جڑی ہے۔پاک فوج کے سربراہ کا کہنا تھا کہ پاک افغان بارڈر پر باڑ کی تنصیب سے سیکیورٹی صورتحال بہتر ہوگی اور پاک ایران سیکیورٹی تعاون سے بھی سیکیورٹی مزید بہتر ہوگی۔

لاہور (ویب ڈیسک) سابق وزیراعظم نواز شریف نے صحت مند زندگی کے طرز عمل کو مدنظر رکھتے ہوئے گھر سے تازہ کھانے کی فراہمی کے باوجود اپنے کھانے پینے کی عام اشیاءمیں ذاتی دلچسپی لینا شروع کردی۔ کوٹ لکھپت جیل میں قید سابق وزیراعظم نواز شریف نے گزشتہ روز ازخود ناشتے میں انڈے ابال کر کھائے۔ خیال رہے کہ نواز شریف کو گھر کے کھانے کی سہولیت کے علاوہ ان کی بیرک میں چھوٹے موٹے کاموں کی انجام دہی کیلئے ایک مشقتی کی سہولت بھی دی گئی ہے تاہم گزشتہ روز ان کے ازخود اپنے ہاتھوں سے تازہ انڈے بال کر کھانے سے یہ بات واضح ہوتی ہے کہ وہ صحت مند زندگی گزارتے ہوئے اپنے کھانے پینے کے شوق پر آج بھ ی کسی افسردگی کو اثر انداز نہیں ہونے دے رہے۔

لاہور:(ویب ڈیسک) چیف جسٹس پاکستان جسٹس ثاقب نثار نے اسلام ا?باد ہائیکورٹ میں ججز کی تعداد بڑھانے کے معاملے پر ریمارکس دیے کہ حکومت چاہتی ہے عدلیہ مفلوج ہوجائے۔سپریم کورٹ میں کیسز کی سماعت کے دوران چیف جسٹس پاکستان جسٹس میاں ثاقب نثار نے ایڈیشنل اٹارنی جنرل اشتیاق خان سے مکالمہ کیا کہ حکومت کو اسلام آباد ہائیکورٹ کے ججز کی تعداد بڑھانے پر سفارشات بھیجی تھیں، نگران حکومت کے دور کی سفارشات پر کچھ نہیں کیا گیا۔چیف جسٹس پاکستان نے کہا کہ حکومت چاہتی ہے عدلیہ مفلوج ہو جائے، اسلام آباد ہائیکورٹ میں اس وقت 4 ججز کام کررہے ہیں، کام کا سرا بوجھ ان ججز پر ہے۔جسٹس ثاقب نثار نے ایڈیشنل اٹارنی جنرل سے استفسار کیا کہ آپ ججز کی تعداد کیوں نہیں بڑھا رہے؟ اسلام آباد ہائی کورٹ میں دو رکنی بینچ تشکیل نہیں دیا جا سکتا، ملک کی تمام ہائی کورٹس اہم ہیں مگر اسلام آبادہائی کورٹ میں بہت اہم کیسز ہیں۔چیف جسٹس پاکستان نے کہاکہ حکومت اسلام آباد ہائی کورٹ کا معاملہ دیکھے ورنہ عدالت سوموٹو لے گی۔