لاہور (ویب ڈیسک)سابق کپتان شاہد خان آفریدی نے گزشتہ روز مقبوضہ کشمیر کے دارالحکومت سرینگر کی جامع مسجد میں ٹیلی فونک خطاب کرنا تھا۔بھارتی میڈیاکے مطابق اس موقع پر انتظامیہ نے شہر میں انٹرنیٹ سروس معطل کردی تھی تاکہ آفریدی کے خطاب کو بڑے پیمانے پر نہ سنا جا سکے یوشاہد آفریدی نے پچھلے دنوں کشمیری عوام پر بھارتی مظالم کے خلاف آواز بلند کی تھی جس پر انہیں بھارتی کھلاڑیوں کی طرف سے سخت تنقید کا سامنا کرنا پڑا تھاتاہم شاہدآفریدی اپنے موقف پر ڈٹے رہے۔

لندن (آن لائن )دورہ انگلینڈ کیلئے قومی کرکٹرز کے تربیتی کیمپ کے تیسرے روز فاسٹ بالر محمد عامر زخمی ہونے کے باعث کیمپ میں شریک نہ ہو سکے۔ٹریننگ کے تیسرے روز بھی لاہور میں موسم بہتر رہا اور ہوا چلنے سے موسم خوشگوار ہو گیا، کھلاڑیوں نے فزیکل ٹریننگ کے بعد فیلڈنگ پریکٹس کی،جس کے بعدکھلاڑیوں نے اپنی بیٹنگ خامیوں پرقابو پانے کےلئے مشقیں کیں۔دورہ آئرلینڈ اور انگلینڈ کیلئے قومی ٹیسٹ ٹیم کا تربیتی کیمپ کا آج آخری روز قذافی اسٹیڈیم لاہور میں ہو گا کھلاڑی بیٹنگ ، بولنگ اور فیلڈنگ سمیت تمام شعبوں میں بہتری کیلئے خوب ٹریننگ کریں گے۔واضح رہے کہ قومی ٹیم 22 اپریل کی شب انگلینڈ روانہ ہوگی، گرین کیپس آئر لینڈ کے خلاف واحد ٹیسٹ میچ 11 مئی اور اس کے بعد 24 مئی اور یکم جون سے انگلینڈ کیخلاف دو ٹیسٹ میچز کھیلیں گے۔

موہالی(آن لائن )ٹی ٹونٹی کرکٹ میں سب سے زیادہ رنز اور 21 سنچریاں بنانےوالے کرس گیل کنگز الیون پنجاب کے ٹیم ڈائریکٹر وریندر سہواگ کے شکرگزار ہیںجنہوں نے ان کو نیلامی کے دوران آخری لمحات میں ٹیم کیلئے خرید کر آئی پی ایل کو بچا لیا۔11ویں ایڈیشن کے اولین سنچری میکر آئی پی ایل میں کھلاڑیوں کی نیلامی کے دوران2 مرتبہ بولی نہ لگنے پر کسی ٹیم کا حصہ نہیں بن سکے تھے لیکن دو مسلسل میچز میں مرد میدان کا ایوارڈ لے کر انہوں نے اپنا انتخاب درست ثابت کردیا۔کرس گیل کے مطابق انہیں نیلامی میں نظر انداز کئے جانے کا کوئی دکھ نہیں ہوا بلکہ وہ ثابت قدم رہے اور لوگوں کی اس بات سے متفق نہیں کہ انہیں خود کو ثابت کرنا ہے۔ جارحانہ بیٹسمین کے مطابق وہ خود کو ہر سطح پر ثابت کر چکے جس کا ثبوت ان کی کارکردگی

لاہور(صباح نیوز)پاکستانی فاسٹ بولر محمد عباس نے کہا ہے کہ انگلینڈ کےخلاف سیریز میں ان کا ہدف انگلش کپتان جوروٹ ہوں گے۔پاکستان اور انگلینڈ کے درمیان سیریز بہت سخت ہوگی،تمام کھلاڑیوں کو اپنا اپنا رول ادا کرنا ہو گا ۔پاکستان کی جیت میں اپنا کردار بہتر طریقے سے ادا کرنے کی کوشش کروں گا۔انگلینڈ کے خلاف سیریز کیلئے پاکستانی اسکواڈ میں جگہ بنانے والے پاکستانی پیسر نے ایک انٹرویو میں کہا کہ میں دورہ انگلینڈ کےلئے کافی ایکسائیٹڈ ہوں۔پاکستانی گلین مک گرا کے نام سے مشہور محمد عباس ان دنوں انگلینڈ میں کاﺅنٹی کرکٹ کھیلنے میں مصروف ہیں۔ان کا مزید کہنا تھا کہ وہ بھرپور پریکٹس کررہے ہیں،کاونٹی کی وجہ سے انگلش کنڈیشنز سے بھی کافی اچھی ایڈجسٹمنٹ ہوگئی ہے۔انگلینڈ کے خلاف دو ٹیسٹ میچوں کی سیریز کا پہلا میچ پاکستان 24 مئی سے کھیلے گا۔