نیویارک(شوبز ڈیسک ) دو سال قبل بہت سے پاکستانیوں نے انزیلکا طاہر نامی پاکستانی نژاد لڑکی کا نام پہلی بار اس وقت سنا جب انہوں نے مس ارتھ 2016 کے مقابلہ حسن میں پاکستان کی نمائندہ بن کر شمولیت کی اس وقت سے ہی اکثر پاکستانی سوشل میڈیا صارفین ان سے ناخوش تھے۔تاہم اب انہوں نے ایک اور ایسا کام کر دیا ہے کہ ایک بار پھر تنقید کی توپوں کا رخ ان کی جانب ہوگیا ہے۔ ایک ویب سائٹ کے مطابق انہوں نے انٹرنیٹ پر اپنی تازہ ترین تصویر پوسٹ کی جس میں وہ کچھ زیادہ ہی قابل اعتراض لباس پہنے ہوئے نظر آئی ہیں جس پر اکثر پاکستانی سوشل میڈیا صارفین اسے برداشت نہیں کر پائے اور انہیں بدترین القابات سے نواز رہے ہیں۔ دوسری جانب دنیا بھر میں ان کے ایسے بے شمار پرستار بھی موجود ہیں جو ان کی تعریف کر رہے ہیں اور مزید ایسی تصاویر پوسٹ کرنے کیلئے حوصلہ افزائی بھی کررہے ہیں۔
