وزیر اعلیٰ پنجاب مریم نوازشریف نے 1965ء کی جنگ کے ہیرو میجر عزیز بھٹی شہید نشان حیدر کو خراج عقیدت

لاہور (مانیٹرنگ ڈیسک) وزیر اعلیٰ پنجاب مریم نوازشریف نے 1965ء کی جنگ کے ہیرو میجر عزیز
بھٹی شہید نشان حیدر کو یوم شہادت کے موقع پراپنے پیغام میں خراج عقیدت پیش کیاہے۔شہید کی موت قوم کیلئے حیات نوکاپیغام ہوتی ہے۔ وزیراعلی مریم نوازشریف نے کہاکہ میجرعزیز بھٹی شہیدنے دھرتی کی حفاظت کرتے ہوئے بہادری اور شجاعت سے دشمن کو بھی ورطہ حیرت میں ڈال دیاـ دفاع وطن کیلئے میجرعزیز بھٹی شہید کی قربانی پر پوری قوم کو فخر ہے۔ وطن عزیز کی حفاظت کیلئے اپنی قیمتی جانیں نچھاور کرنے والے پوری قوم کے ہیرو ہیں۔ شہداء کی عظیم قربانیوں پرپاکستانی قوم کو ناز ہے۔ وزیراعلی مریم نوازشریف نے کہاکہ میجر عزیز بھٹی شہید نے 1965ء کی جنگ میں بے مثال بہادری اور شجاعت کا مظاہرہ کیا۔ قوم اپنے شہدا کرام کی قربانیوں کو کبھی فراموش نہیں کرے گی۔میجر عزیز بھٹی شہید نے وطن کے دفاع کے لیے اپنی جان کا نذرانہ پیش کیا۔وزیراعلی مریم نوازشریف نے کہاکہ شہداء پاکستان ہمارا فخر اور قومی ہیروز ہیں ـمیجر عزیز بھٹی شہید کی جرات و بہادری قابلِ تقلید مثال ہے۔ وطن عزیز کے دفاع میں جان قربان کرنے والے شہدا کو سلام پیش کرتے ہیں ۔ وزیراعلی پنجاب مریم نواز شریف نے ایم این اے محمود بشیر ورک کے انتقال پرگہرے دکھ اور افسوس کا اظہار کیاہے، وزیراعلی مریم نواز شریف نے سوگوار خاندان سے اظہارِ ہمدردی و تعزیت کیا۔وزیراعلیٰ پنجاب مریم نواز شریف سے پاکپتن کے ارکان صوبائی اسمبلی نے ملاقات کی،جس میں عوامی مسائل اور ضروریات پر تبادلہ خیال کیاگیاـملاقات کرنے والوں میں فاروق احمد مانیکا، چودھری جاوید احمد، عمران اکرم، سردار منصب علی ڈوگر شامل تھےـ ارکان اسمبلی نے پاکپتن میں اربن اور رورل ڈویلپمنٹ سے متعلق تجاویز پیش کیں ـارکان صوبائی اسمبلی نے پاکپتن میں الیکٹرو بس کے اجراء اور دیگر ترقیاتی منصوبے شروع کرانے پر شکریہ ادا کیاـپاکپتن کے ارکان اسمبلی نے الیکٹروبس کو دہائی کا گیم چینجر منصوبہ قرار دیاـ ارکان اسمبلی کوپاکپتن میں جاری ڈویلپمنٹ پراجیکٹس کے معیار،رفتار اور شفافیت پر کڑی نظر رکھنے کی ہدایت کی۔ صوبائی ارکان اسمبلی نے پاکپتن شہر کی بیوٹیفکیشن پروزیراعلی مریم نوازشریف اور ٹیم کو خراج تحسین پیش کیاـارکان صوبائی اسمبلی نے عارف والا پاکپتن کیلئے جدید ترین نواز شریف سکولز آف ایمیننس کے قیام پر اظہار تشکر کیا۔ ارکان صوبائی اسمبلی نے کہاکہ بابا فرید کی دھرتی پر جدید ترین الیکٹروبس شروع کرنے پر عوام کی طرف سے وزیراعلی مریم نوازشریف کا شکریہ ادا کرتے ہیں۔
مریم نوازشریف