افغان طالبان رجیم’عدالتی نظام سفارش و رشوت کی دلدل میں دھنس گیا

کابل(این این آئی)افغان طالبان رجیم میں عدالتی نظام سفارش اور رشوت کی دلدل میں دھنس گیا ہے، جبکہ نام نہاد عدالتی نظام میں انصاف کے
قتل اور شفافیت کے خاتمے کا پردہ بھی چاک ہوگیا ہے۔افغان جریدے کے مطابق عدالتوں میں مقدمات کے اندراج، سماعتوں اور فیصلوں میں طویل تاخیر سے سائلین تھک کر مقدمات سے دستبردار ہو جاتے ہیں۔ طالبان کی خودساختہ عدالتوں کے طریقہ کار، سائلین سے برتا، جانبداری اور بدعنوانی پر لوگ سراپا احتجاج ہیں۔ طالبان ججز رقوم کے عوض جانبدارانہ فیصلے کرتے ہیں، جبکہ ججز کے خلاف شکایت کا کوئی مثر نظام بھی موجود نہیں ہے۔ مزید یہ کہ طالبان کے عدالتی نظام میں عدم شفافیت نے خواتین اور اقلیتوں سمیت عام شہریوں کے لیے انصاف تک رسائی مشکل بنا دی ہے۔