فن لینڈ کی معروف 27 سالہ انفلوئنسر اولیویا اوراس (Olivia Oras) 3 ستمبر 2026 کو ایک مبینہ کاسمیٹک طریقۂ علاج کے بعد انتقال کرگئیں۔ ان کے اہل خانہ کے مطابق وہ ہیلسنکی کے ایک نجی کلینک میں جمالیاتی طریقۂ کار کے دوران بے ہوشی کی حالت میں چلی گئیں، جس کے بعد انہیں ہیلسنکی یونیورسٹی اسپتال منتقل کیا گیا جہاں ڈاکٹروں نے ان کی موت کی تصدیق کی۔
اولیویا اوراس نے نوعمری میں سوشل میڈیا پر شہرت حاصل کی تھی۔ انہوں نے 14 سال کی عمر میں انسٹاگرام اکاؤنٹ بنایا اور 2016 میں ان کی زندگی اور سوشل میڈیا سے تعلق پر مبنی دستاویزی فلم “The Perfect Selfie” بھی بنائی گئی تھی۔
ان کے والدین نے فن لینڈ کے تحقیقاتی پروگرام Yle MOT کو بتایا کہ اولیویا کاسمیٹک پروسیجر شروع ہونے سے پہلے ہی اینستھیزیا کے دوران بے ہوش ہوگئی تھیں۔ خاندان نے واقعے کی پولیس میں رپورٹ بھی درج کرائی ہے۔
ہیلسنکی پولیس نے معاملے کی تحقیقات شروع کردی ہیں اور موت کو فی الحال سنگین نوعیت کے غیر ارادی قتل کے شبہ میں دیکھا جا رہا ہے۔ پولیس کے مطابق تحقیقات ابتدائی مرحلے میں ہیں، اس لیے موت کی مکمل وجوہات اور ذمہ داری کا تعین ہونا ابھی باقی ہے۔
