چکوال کے سرکاری سکولوں میں چوری کی وارداتوں میں دن بدن اضافہ

چکوال(بیورو رپورٹ) ضلع چکوال کے سرکاری سکولوں میں چوری کی وارداتوں میں دن بدن اضافہ ہو رہا ہے ، چوری کی وارداتوں میں اضافے کی وجہ سے سرکاری سکول چھٹی کے بعد لاوارث ہو جاتے ہیں ، اکثر سرکاری سکولوں میں
دیکھ بھال کیلئے چوکیدار تعینات نہیں،چوکیداروں کے علاوہ سکول ٹائم کے دوران چپڑاسی اور خاکروب تک میسر نہیں ، مجبوراًیہ مشقت طلباء و طالبات سے لی جاتی ہے ،سکولوں کی مختلف ضروریات کیلئے سرکاری فنڈز دستیاب نہ ہونے پر سکول ہیڈز کو علاقہ کی مخیرشخصیات سے رابطہ کرنا پڑتا ہے ،جب معاملات اس حد تک پہنچ جائیں تو سرکاری سکول چوری وغیرہ سے محفوظ کس طرح رہ سکتے ہیں لیکن اس طرف کوئی توجہ دینے کو تیار نہیں