ٹیکسلا بار ایسوسی ایشن میں سپورٹس روم کا سنگِ بنیاد رکھ دیا گیا

واہ کینٹ (نمائندہ خبریں )بار ایسوسی ایشن ٹیکسلا کے زیرِ اہتمام وکلا برادری کی جسمانی تفریح اور فلاح و بہبود کے لئے ایک شاندار پیش رفت سامنے آئی ہے صدر بار ایسوسی ایشن ٹیکسلا ملک سجاد حسین اور جنرل سیکرٹری علی نواز ملک نے ایگزیکٹو باڈی کے دیگر اراکین کے ہمراہ بار میں سپورٹس روم کا باقاعدہ سنگِ بنیاد رکھ دیا اس موقع پر وکلا کی کثیر تعداد موجود تھی، جنہوں نے اس اراکین پرور اور مثبت اقدام کو خوب سراہا تقریب کے دوران گفتگو کرتے ہوئے صدر بار ملک سجاد حسین اور جنرل سیکرٹری علی نواز ملک کا کہنا تھا ہم مسندِ خدمت پر بار کی بلا تفریق اور مخلصانہ خدمت کا عزم لے کر آئے ہیں ہمہ وقت وکلا کی فلاح و بہبود (Welfare of Bar)، وکلا کے وقار و عزتِ نفس (Dignity of Lawyers) اور قانون کی بالادستی ( Supremacy of Law ) کے عظیم مقصد کے لئے اپنی تمام تر صلاحیتیں وقف کرتے رہیں گے سپورٹس روم کی تعمیر کے اس دور اندیشانہ فیصلے اور وکلا برادری کو دیئے گئے اس بہترین تحفے پر ٹیکسلا بار کے تمام اراکین نے صدر بار، جنرل سیکرٹری اور ان کی پوری کیبنٹ کا تہہِ دل سے شکریہ ادا کیا اور ان کی انتظامی کاوشوں کو خراجِ تحسین پیش کیا