گوجرخان (بیورو رپورٹ)گوجر خان اور خط پوٹھوہار کی تاریخ کا ایک اہم اور تاریخی سنگِ میل!آج گوجر خان اور پورے خط پوٹھوہار کی تاریخ میں ایک اہم باب کا اضافہ ہوا، جب یونیورسٹی آف پوٹھوہار نے میجر جنرل(ریٹائرڈ) پروفیسر ڈاکٹر عبد الخالق نوید، ہلالِ امتیاز (ملٹری) کی بطور وائس چانسلر ڈیزگنیٹ تقرری کا باضابطہ اعلان کیا۔اس اہم پیش رفت کے حوالے سے آج طارق شریف اسمارٹ سٹی* میں ایک باضابطہ پریس بریفنگ کا انعقاد کیا گیا، جس میں پرنٹ اور الیکٹرانک میڈیا کے مختلف نمایاں اداروں سے تعلق رکھنے والے سینئر صحافیوں اور میڈیا نمائندگان نے شرکت کی۔پریس بریفنگ کا آغاز میجر جنرل پروفیسر ڈاکٹر عبد الخالق نوید کی شاندار علمی، تحقیقی، پیشہ ورانہ اور انتظامی خدمات کے تعارف سے ہوا، جس میں پروفیسر ڈاکٹر رفیق احمد غنچہ، تمغ امتیاز (T.I.)، وائس چیئرمین وائز گروپ اور چیف ایڈوائزر برائے چیئرمین، یونیورسٹی آف پوٹھوہار* نے ان کی نمایاں کامیابیوں اور تجربات پر روشنی ڈالی۔اس موقع پر میڈیا نمائندگان نے یونیورسٹی کی قیادت سے مختلف سوالات کیے اور تقرری، ادارے کے وژن اور مستقبل کے تعلیمی لائح عمل کے حوالے سے تبادل خیال کیا۔تقریب میں ڈاکٹر کامران خان ستی، رجسٹرار یونیورسٹی آف پوٹھوہار، اور محترمہ فریال گوہر، ٹیکنالوجسٹ و لیکچرر یونیورسٹی آف پوٹھوہار* بھی موجود تھیں۔پروفیسر ڈاکٹر عبد الخالق نوید 200 سے زائد سائنسی و تحقیقی مقالہ جات، وسیع تدریسی و انتظامی تجربے، بین الاقوامی سطح پر علمی شناخت اور قومی خدمات کا قابلِ قدر سرمایہ رکھتے ہیں۔ ان کی تقرری یونیورسٹی آف پوٹھوہار کے تعلیمی سفر میں ایک اہم پیش رفت ہے۔اس موقع پر اپنے پیغام میں *جناب شریف طارق بھٹی، چیئرمین وائز گروپ و یونیورسٹی آف پوٹھوہار* نے پروفیسر ڈاکٹر عبد الخالق نوید کی تقرری پر فخر اور ان کی قیادت پر بھرپور اعتماد کا اظہار کیا۔ انہوں نے اپنے وژن کا اعادہ کرتے ہوئے کہا کہ پوٹھوہار کے خطے کو ایک نمایاں *تعلیمی اور طبی مرکز (Education & Healthcare Hub)* میں تبدیل کرنا ان کے بنیادی اہداف میں شامل ہے، جہاں یونیورسٹی آف پوٹھوہار اعلی تعلیم، تحقیق، جدت اور پیشہ ورانہ تربیت کے فروغ میں کلیدی کردار ادا کرے گی اور آنے والی نسلوں کے لیے ترقی اور کامیابی کے نئے مواقع پیدا ہوں گے۔
