پٹرولیم مصنوعات کی قیمتوں میں مسلسل اضافہ ٹرانسپورٹر کا کرایوں میں مزید 5 فیصد اضافے کا اعلان

کراچی (این این آئی) پٹرولیم مصنوعات کی قیمتوں میں مسلسل اضافے کے بعد آل پاکستان گڈز ٹرانسپورٹ اتحاد نے گڈز ٹرانسپورٹ کے کرایوں میں مزید 5 فیصد اضافے کا اعلان کردیا۔آل پاکستان گڈز ٹرانسپورٹ اتحاد کے صدر
ملک شہزاد اعوان نے اپنے بیان میں کہا کہ پٹرولیم مصنوعات کی قیمتوں میں اضافے کے باعث ٹرانسپورٹرز کے اخراجات میں نمایاں اضافہ ہوگیا ہے، جس کے باعث گڈز ٹرانسپورٹ کے کرایوں میں مزید 5 فیصد اضافہ ناگزیر ہوگیا ہے۔انہوں نے پٹرولیم مصنوعات کی قیمتوں میں مسلسل اضافے کی مذمت کرتے ہوئے کہا کہ صرف 4 روز کے دوران ڈیزل کی قیمت میں 20 روپے جبکہ پٹرول کی قیمت میں 24 روپے فی لیٹر اضافہ ہوا۔ ان کا کہنا تھا کہ 20 اگست سے 7 ستمبر کے دوران بھی پٹرول اور ڈیزل کی قیمتوں میں تقریباً 23 روپے فی لیٹر اضافہ کیا گیا۔ملک شہزاد اعوان نے پٹرولیم مصنوعات کی قیمتوں میں روزانہ تبدیلی کے فیصلے کو ناقابل قبول قرار دیتے ہوئے مطالبہ کیا کہ اس فیصلے کو فوری واپس لیا جائے۔ ا