مریم نواز کی ہدایت پر سی ایم انسپکشن ٹیم کا ہولی فیملی ہسپتال راولپنڈی کا دورہ

لاہور (مانیٹرنگ ڈیسک) وزیر اعلیٰ پنجاب مریم نوازشریف کی ہدایت پر سی ایم انسپکشن ٹیم
راولپنڈی پہنچ گئی، معاون خصوصی شعیب مرزا کی سربراہی میں وزیراعلیٰ انسپکشن ٹیم نے ہولی فیملی ہسپتال راولپنڈی کادورہ کیا۔وزیراعلی انسپکشن ٹیم نے مریضوں اور لواحقین سے ہسپتال میں ادویات اور دیگر سہولیات کی فراہمی کے بارے میں دریافت کیاـمریضوں کا ہولی فیملی ہسپتال راولپنڈی میں ادویات کی فراہمی اور صفائی کی صورتحال پر اظہار اطمینان کیاـوزیراعلی انسپکشن ٹیم نے ایکسرے ڈیپارٹمنٹ کا دورہ کیا،ایکسرے مشین کے ٹیکنیشن کو مریضوں کی شکایت اور سست روی کی وجہ سے معطل کرنے کی ہدایت کیـپارکنگ میں اوورچارجنگ کی شکایات پر کنٹریکٹر کے خلاف ایف آئی آر درج، گرفتار کرلیاگیاـوزیراعلی انسپکشن ٹیم نے ہولی فیملی ہسپتال میں مجموعی صورتحال کو تسلی بخش قرار دیاـ