ڈیل اسٹین نے محمد حفیظ کو سب سے زیادہ پسندیدہ بیٹر قرار دے دیا
جنوبی افریقہ کے سابق فاسٹ بولر ڈیل اسٹین نے پاکستان کے سابق آل راؤنڈر محمد حفیظ کو وہ بیٹر قرار دیا ہے جسے وہ دوبارہ بولنگ کرنا چاہیں گے۔ حالیہ گفتگو میں اسٹین سے پوچھا گیا کہ وہ کس بیٹر کو ایک بار پھر گیند کرنا چاہیں گے تو انہوں نے حفیظ کا نام لیا۔
رپورٹ کے مطابق اسٹین نے بتایا کہ انہوں نے حفیظ کو اپنے انٹرنیشنل کیریئر میں متعدد مرتبہ آؤٹ کیا، جس کی وجہ سے پاکستانی بیٹر ان کے لیے خاص حریف رہے۔ دستیاب اعدادوشمار کے مطابق ٹیسٹ کرکٹ میں بھی حفیظ کو سب سے زیادہ مرتبہ آؤٹ کرنے والے بولرز میں ڈیل اسٹین شامل ہیں۔
اسٹین اور حفیظ کے درمیان کئی یادگار مقابلے بھی ہوئے۔ ایک ون ڈے میں حفیظ نے اسٹین کے خلاف 57 رنز کی اننگز کھیلی، جبکہ اسٹین نے اپنے کیریئر میں حفیظ کو متعدد مواقع پر پویلین بھیجا۔
اسٹین اس سے قبل بھی حفیظ کو خطرناک بیٹر قرار دیتے ہوئے کہہ چکے ہیں کہ پاکستانی آل راؤنڈر تیز گیند بازی کو اچھا کھیلتے تھے اور غلط لائن یا لینتھ پر انہیں سزا دینے کی صلاحیت رکھتے تھے۔
