پاکستانی گلوکارہ ایما بیگ اور معروف اداکارہ صبا قمر کی لندن میں ہونے والی ملاقات نے سوشل میڈیا صارفین کی توجہ حاصل کرلی ہے۔ دونوں فنکاراؤں نے ملاقات کے دوران خوشگوار وقت گزارا، جس کی جھلکیاں سوشل میڈیا پر سامنے آئی ہیں۔
سوشل میڈیا پر شیئر کی گئی تصاویر اور ویڈیوز میں ایما بیگ اور صبا قمر کو ایک ساتھ خوشگوار موڈ میں دیکھا جاسکتا ہے۔ دونوں کی ملاقات کو مداحوں کی جانب سے خاص طور پر پسند کیا جا رہا ہے، جبکہ مختلف صارفین نے کمنٹس میں ان کی دوستی اور خوبصورت ری یونین کو سراہا۔
ایما بیگ اور صبا قمر کی دوستی نئی نہیں۔ دونوں کا پیشہ ورانہ تعلق بھی پرانا ہے، خاص طور پر 2016 کی فلم ’لاہور سے آگے‘ کے حوالے سے ایما بیگ نے فلم کے لیے گانے بھی گائے تھے، جبکہ صبا قمر فلم کی مرکزی کاسٹ کا حصہ تھیں۔
حالیہ ملاقات سے قبل بھی صبا قمر نے ایما بیگ کے مشکل وقت میں ان سے رابطہ کیا تھا۔ اگست میں ایما بیگ نے بتایا تھا کہ چہرے پر چوٹ لگنے کے بعد صبا قمر ان کی خیریت دریافت کرنے والے ابتدائی لوگوں میں شامل تھیں۔
لندن میں ہونے والی اس تازہ ملاقات کی تصاویر اور ویڈیوز نے مداحوں کو دونوں فنکاراؤں کی دوستی کی ایک اور جھلک دکھا دی ہے، جس پر سوشل میڈیا پر دلچسپ تبصرے بھی سامنے آ رہے ہیں۔
