اسلام آباد پولیس نےجدید نیٹ لانچرزمتعارف کروا دیا

لاہور(خبریں ڈیجیٹل) اسلام آباد پولیس کو جدید نیٹ لانچرز فراہم کر دیے گئے ہیں، جو فرار ہونے والے مشتبہ افراد کو قابو کرنے اور مشکل امن و امان کی صورتحال سے نمٹنے کے لیے استعمال کیے جائیں گے۔حکام کے مطابق نیٹ لانچر خصوصی جال کو تیز رفتاری سے مطلوبہ شخص کی جانب فائر کرتا ہے، جو اسے جکڑ کر نقل و حرکت محدود کر دیتا ہے۔ اس ٹیکنالوجی کا مقصد پولیس کو ایسے افراد کو قابو کرنے میں مدد دینا ہے جہاں کم سے کم جسمانی نقصان کے ساتھ گرفتاری مطلوب ہو۔اسلام آباد پولیس کو یہ جدید غیر مہلک آلات وفاقی حکومت کی جانب سے فراہم کیے گئے ہیں۔ حکام کے مطابق نیٹ لانچر فرار ہونے والے ملزمان، مشکل حالات اور بعض امن و امان کی صورتحال میں پولیس کے لیے معاون ثابت ہوسکتا ہے۔